തൃശൂര്: പ്രസ് ക്ലബ്ബിന്റെ മാധ്യമപുരസ്കാരങ്ങള് പ്രഖ്യാപിച്ചു. ടി.വി. അച്യുതവാര്യരുടെ സ്മരണാര്ഥം പരിസ്ഥിതിയുമായി ബന്ധപ്പെട്ട അച്ചടി, ദൃശ്യമാധ്യമങ്ങളിലെ മികച്ച റിപ്പോര്ട്ടുകള്ക്ക് ഏര്പ്പെടുത്തിയ പുരസ്കാരങ്ങളും അമൃത ടിവി കാമറമാന് പി.വി. അയ്യപ്പന്റെ സ്മരണാര്ഥമുള്ള പ്രഥമ വീഡിയോഗ്രഫി പുരസ്കാരവുമാണ് പ്രഖ്യാപിച്ചത്.
അച്ചടിമാധ്യമത്തിലെ മികച്ച റിപ്പോര്ട്ടിനുള്ള പുരസ്കാരം ദേശാഭിമാനി കോഴിക്കോട് യൂണിറ്റിലെ സീനിയര് സബ് എഡിറ്റര് സയന്സണിനും വാര്ത്താചാനലിലെ മികച്ച റിപ്പോര്ട്ടിനുള്ള പുരസ്കാരം മാതൃഭൂമി ന്യൂസ് തിരുവനന്തപുരം യൂണിറ്റിലെ അസിസ്റ്റന്റ് ന്യൂസ് എഡിറ്റര് ഇ.വി. ഉണ്ണിക്കൃഷ്ണനും സമ്മാനിക്കും. പി.വി. അയ്യപ്പന് വീഡിയോഗ്രഫി പുരസ്കാരം മീഡിയവണ് കൊച്ചി യൂണിറ്റിലെ സീനിയര് കാമറ പേഴ്സണ് സഞ്ജു പൊറ്റമ്മലിനാണ്.
15,000 രൂപ വീതമുള്ള പുരസ്കാരം ഫെബ്രുവരി ആദ്യവാരം സമ്മാനിക്കും. ഡോ. കാവുമ്പായി ബാലകൃഷ്ണന്, എസ്.പി. രവി, സി.എ. കൃഷ്ണന് എന്നിവരടങ്ങിയ ജൂറിയാണ് പുരസ്കാരനിര്ണയം നടത്തിയത്.
E-paper LOGIN
LOGIN
