കൊച്ചി: അവയമാറ്റം നടത്തിയ രോഗികള്ക്കുളള മരുന്നുകള് സംസ്ഥാനത്തെ കാരുണ്യസ്പര്ശം സീറോ പ്രോഫിറ്റ് പദ്ധതിവഴി ലഭ്യമാക്കുമെന്ന് മന്ത്രി വീണാ ജോര്ജ്.
അവയദാന ബോധവത്കരണത്തിന്റെ ഭാഗമായി റോട്ടറി കൊച്ചിന് ഡൗണ്ടൗണ്, എംജി യൂണിവേഴ്സിറ്റി എറണാകുളം റീജണിലെ എന്എസ്എസ് യൂണിറ്റുകള്, ലിവര് ഫൗണ്ടേഷന് ഓഫ് കേരള, ഐഎംഎ കൊച്ചി എന്നിവരുടെ നേതൃത്വത്തില് സംഘടിപ്പിച്ച റിപ്പിള്സ് ഓഫ് ലൈഫ് പ്രോഗ്രാം കടവന്ത്ര രാജീവ് ഗാന്ധി ഇന്ഡോര് സ്റ്റേഡിയത്തില് ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. 2024, 2025 വര്ഷം താരതമ്യം ചെയ്യുമ്പോള് അവയവദാനത്തില് 64 ശതമാനം വര്ധനയുണ്ടായെന്ന് മന്ത്രി പറഞ്ഞു.
ഡിസ്ട്രിക്ട് 3205 ഗവര്ണര് ഡോ. ജി.എന്. രമേഷ് അധ്യക്ഷത വഹിച്ചു. ആരക്കുന്നം സ്വദേശി ശ്രുതിയ്ക്ക് മരണാനന്തരം ഹൃദയം ദാനം ചെയ്ത ചങ്ങനാശേരി സ്വദേശി ലാലിച്ചന്, സംസ്ഥാനത്ത് ആദ്യമായി കൈകള് മാറ്റിവയ്ക്കല് ശസ്ത്രക്രിയയ്ക്കു വിധേയനായ മനുവിന് കൈകള് ദാനം ചെയ്ത വരാപ്പുഴ സ്വദേശി ബിനോയി എന്നിവരുടെ കുടുംബാംഗങ്ങളെ ചടങ്ങില് മന്ത്രി ആദരിച്ചു.
ഹൈബി ഈഡന് എംപി, മേയര് വി.കെ. മിനിമോള്, കൊച്ചിന് ഐഎംഎ പ്രസിഡന്റ് ഡോ. അതുല് ജോസഫ് മാനുവല്, ഡോ. ജോസ് ചാക്കോ പെരിയപ്പുറം, ചിറ്റിലപ്പിള്ളി ഫൗണ്ടേഷന് ചെയര്മാന് കൊച്ചൗസേപ്പ് ചിറ്റിലപ്പിള്ളി തുടങ്ങിയവരും പങ്കെടുത്തു.
E-paper LOGIN
LOGIN
