പാരിപ്പള്ളി: പന്തളം രാജകുടുംബാംഗമായ മകം തിരുനാൾ കേരള വർമരാജ പിറന്നാൾ സമ്മാനങ്ങളുമായി വേളമാനൂർ ഗാന്ധിഭവൻ സ്നേഹാശ്രമത്തിലെത്തി. ഈശ്വരൻ നമ്പൂതിരിയുടെ മുഖ്യ കാർമികത്വത്തിൽ പൂർണകുംഭം നൽകി വാദ്യമേളങ്ങളോടെ ആണ് സ്നേഹാശ്രമം കുടുംബാംഗങ്ങൾ കേരള വർമരാജയെ സ്വീകരിച്ചത്.
ഡോ.പുനലൂർ സോമരാജൻ കേരളവർമ രാജക്ക് സ്നേഹോപഹാരം നൽകി ആദരിച്ചു. ഗായിക,ദൈവദശകം ഫെയിം അഷ്ഫിയ അൻവറിനെയും കലാമണ്ഡലം ദേവിരവിയെയും ചടങ്ങിൽ ആദരിച്ചു. എഴുത്തുകാരനും സാംസ്കാരിക പ്രവർത്തകനുമായ വി.പി.രാജീവൻ കേരളവർമ രാജയുടെ ഔദ്യോഗിക ജീവിതവും ആത്മീയ പ്രവർത്തനങ്ങളും കലാസപര്യയും അനുസ്മരിച്ചു. സ്നേഹാശ്രമം കുടുംബാംഗങ്ങളോടൊപ്പം പിറന്നാൾ സദ്യയും കഴിച്ചാണ് കേരള വർമരാജ മടങ്ങിയത്.