മിലാൻ: 2014നുശേഷം ഇതുവരെ ഇറ്റലിക്കു ലോകകപ്പ് ഫുട്ബോള് കളിക്കാന് സാധിച്ചിട്ടില്ല. 2018, 2022 എഡിഷനുകളില് നേരിട്ടും പ്ലേ ഓഫിലൂടെയും യോഗ്യത നേടാന് ഇറ്റലിക്കു കഴിഞ്ഞില്ലെന്നതും ചരിത്രം. നാല് തവണ ലോക ചാമ്പ്യന്മാരായ ഇറ്റലി തുടര്ച്ചയായ മൂന്നാം തവണയും യോഗ്യത നേടില്ലേ എന്നതാണ് അറിയേണ്ടത്.
യുവേഫ യൂറോപ്യൻ യോഗ്യതാ റൗണ്ട് ഗ്രൂപ്പ് ഐയില് നോര്വെയ്ക്കു പിന്നില് രണ്ടാം സ്ഥാനത്തു ഫിനിഷ് ചെയ്ത ഇറ്റലിക്കാര് പ്ലേ ഓഫ് ജയിച്ചാല് മാത്രമേ 2026 ലോകകപ്പില് കളിക്കൂ.
ഇംഗ്ലണ്ട്, ഫ്രാന്സ്, ക്രൊയേഷ്യ, പോര്ച്ചുഗല്, നോര്വെ ടീമുകളാണ് ഇതുവരെ യൂറോപ്പില്നിന്ന് നേരിട്ട് യോഗ്യത ഉറപ്പാക്കിയത്.
യോഗ്യതാ റൗണ്ടിലെ ഗ്രൂപ്പ് ജേതാക്കൾക്കാണ് നേരിട്ട് ലോകകപ്പ് ടിക്കറ്റ് ലഭിക്കുക. രണ്ടാം സ്ഥാനക്കാർക്ക് പ്ലേ ഓഫിലൂടെ ലോകകപ്പ് യോഗ്യത നേടാനുള്ള അവസരമുണ്ട്.
E-paper LOGIN
LOGIN
