കോട്ടയം: വേള്ഡ് പീസ് മിഷന്റെ നേതൃത്വത്തില് ഗ്ലോബല് പീസ് പാര്ലമെന്റ് കോട്ടയത്ത് സംഘടിപ്പിക്കും. ജനുവരി ഒന്പതിനു രാവിലെ ഒന്പതു മുതല് രാത്രി 6.30വരെ നാഗമ്പടത്തുള്ള സീസര് പാലസ് ഹോട്ടലില് നടക്കുന്ന പാര്ലമെന്റിൽ അഞ്ച് ഭൂഖണ്ഡങ്ങളില് നിന്നുള്ള പ്രതിനിധികള് പങ്കെടുക്കും. 30 വര്ഷമായി പ്രവര്ത്തിക്കുന്ന വേള്ഡ് പീസ് മിഷന് 54 രാജ്യങ്ങളില് പ്രാതിനിധ്യമുണ്ട്.
പാര്ലമെന്റ് ജസ്റ്റീസ് കുര്യന് ജോസഫ് ഉദ്ഘാടനം ചെയ്യും. വേള്ഡ് പീസ് മിഷന്റെ സ്ഥാപകനും ചെയര്മാനും സംഗീത സംവിധായകനുമായ ഡോ. സണ്ണി സ്റ്റീഫന് നേതൃത്വം നല്കും.
മുന് അംബാസഡര് ടി.പി. ശ്രീനിവാസന്, സാമൂഹിക പ്രവര്ത്തക ദയാബായി, ഫാ. ബോബി ജോസ് കട്ടിക്കാട്, സംവിധായകന് ബ്ലെസി, ഫ്രാന്സിസ് ജോര്ജ് എംപി, തിരുവഞ്ചൂര് രാധാകൃഷ്ണന് എംഎല്എ, ചാണ്ടി ഉമ്മന് എംഎല്എ, മോന്സ് ജോസഫ് എംഎല്എ, പ്രഫ. ജോര്ജ് തോമസ്, ഡോ. മനോജ് കുറൂര്, ബഥനി മദര് ജനറല് സിസ്റ്റര് ആര്ദ്ര, ബിഷപ് ഡോ. ജോര്ജ് പള്ളിപ്പറമ്പില്, ഡോ. അബ് ദുള് ഖാദര്, ഡോ. ടോം കുന്നുപുറം, പ്രഫ. കവിയൂര് ശിവപ്രസാദ്, സിസ്റ്റര് ജെസി മരിയ, സിസ്റ്റര് ജോവാന് ചുങ്കപ്പുര, പ്രഫ. കമല, പ്രിയ ബേബി, ബീന അജിത്ത്, ഡോ. ബിബു നാരായണ്, സംവിധായകന് ജോഷി മാത്യു, ജോസ് ചെറിയാന്, ഡോ. റൂബിള് രാജ്, ബിജോയി ചെറിയാന്, ഡോ. എം.ആര്. ഉണ്ണി, ഡോ. ജിജി ജോസഫ് കുട്ടൂമ്മേല്, അഭിലാഷ് ജോസഫ്, ഡീനോ പി. വര്ഗീസ് തുടങ്ങിയവര് പങ്കെടുക്കും.
സമാപന സമ്മേളനം മുന്അംബാസഡര് ടി.പി. ശ്രീനിവാസന് ഉദ്ഘാടനം ചെയ്യും. വേള്ഡ് പീസ് അക്കാദമി അവാര്ഡുകള് ജസ്റ്റീസ് കുര്യന് ജോസഫ് സമ്മാനിക്കും. സമാധാനത്തിനുള്ള അവാര്ഡ് അമേരിക്കന് വൈറ്റ് ഹൗസിലെ സീനിയര് എക്സിക്യൂട്ടീവ് ഫാ. അലക്സാണ്ടര് കുര്യനും ഹ്യുമാനിറ്റേറിയന് അവാര്ഡ് എയ്റോ കണ്ട്രോള് ഇന്കോര്പ്പറേറ്റിന്റെ പ്രസിഡന്റ് ജോണ് ടൈറ്റസിനും വിമന് എംപവര്മെന്റ് അവാര്ഡ് സാമൂഹിക പ്രവര്ത്തക ദയാബായിക്കും സമ്മാനിക്കും.
വേള്ഡ് പീസ് മിഷന്റെ ഗ്ലോബല് എക്സലന്സ് അവാര്ഡുകള് സിജോ വടക്കന്, സിസ്റ്റര് മെല്ലോമ്മ (ആഫ്രിക്ക), ഡോ. ജയകുമാര്, ഫാ. ഡേവിഡ് ചിറമ്മേല്, ബാബു സ്റ്റീഫന് (അമേരിക്ക), ജോസ് ജോസഫ് (യുഎഇ), ജോ കുരുവിള (ഫ്ളാറിഡ) ഫൊക്കാന പ്രസിഡന്റ് സജിമോന് ആന്റണി എന്നിവര്ക്കും സമ്മാനിക്കും.
E-paper LOGIN
LOGIN
