ചിക്കമംഗളുരു: കർണാടകയിലെ ചിക്കമംഗളൂരുവിൽ രണ്ടു വിഭാഗങ്ങൾ തമ്മിലുള്ള സംഘർഷത്തിൽ കോൺഗ്രസ് പ്രവർത്തകൻ കൊല്ലപ്പെട്ടു. ഗ്രാമപഞ്ചായത്ത് അംഗം ഗണേഷ് ഗൗഡ (38) ആണ് മരിച്ചത്.
കടൂരിലെ സഖരായപട്ടണയിൽ വെള്ളിയാഴ്ച രാത്രിയാണ് സംഭവം. ബാനർ കെട്ടുന്നതുമായി ബന്ധപ്പെട്ട് ഇരുവിഭാഗങ്ങൾ തമ്മിൽ സംഘർഷം ഉടലെടുക്കുകയായിരുന്നു.
നിരവധി പേർക്കു പരിക്കേറ്റു. സംഭവത്തിൽ അന്വേഷണം പുരോഗമിക്കുകയാണെന്ന് പോലീസ് അറിയിച്ചു.