ന്യൂഡല്ഹി: ബംഗ്ലാദേശിലെ സുരക്ഷാ സാഹചര്യം മോശമാകുന്ന സാഹചര്യത്തില് അവിടെ നിയോഗിച്ചിരിക്കുന്ന ഇന്ത്യന് ഉദ്യോഗസ്ഥരുടെ കുടുംബാംഗങ്ങളെയും ആശ്രിതരെയും ഇന്ത്യയിലേക്ക് തിരിച്ചുവിളിക്കാന് തീരുമാനിച്ച് കേന്ദ്ര സര്ക്കാര്. മുന്കരുതല് നടപടിയായിട്ടാണ് തീരുമാനമെന്ന് ഔദ്യോഗിക വൃത്തങ്ങള് അറിയിച്ചു.
ധാക്കയിലെ ഇന്ത്യന് ഹൈക്കമ്മീഷനിലും ചട്ടോഗ്രാം, ഖുല്ന, രാജ്ഷാഹി, സില്ഹെറ്റ് എന്നിവിടങ്ങളിലെ മറ്റ് നയതന്ത്ര പദവികളിലും ജോലി ചെയ്യുന്നവരുടെ കുടുംബങ്ങളെ തിരിച്ചയക്കാന് നിര്ദേശം നല്കിയിട്ടുണ്ട്. എന്നാല് ഹൈക്കമ്മീഷന്റെ പ്രവർത്തനം തുടരും.
ബംഗ്ലാദേശില് തീവ്രവാദ പ്രവര്ത്തനങ്ങള് വര്ധിക്കുന്നതും തീവ്രവാദി-റാഡിക്കല് ഘടകങ്ങളില് നിന്നുള്ള ഭീഷണികളും കണക്കിലെടുത്താണ് ഈ തീരുമാനം. ബംഗ്ലാദേശില് മുഹമ്മദ് യൂനുസിന്റെ നേതൃത്വത്തിലുള്ള ഇടക്കാല സര്ക്കാര് അധികാരത്തില് വന്നതിനു ശേഷമാണ് ഇന്ത്യ-ബംഗ്ലാദേശ് ബന്ധത്തില് പിരിമുറുക്കം വര്ധിച്ചത്
ഹിന്ദു ന്യൂനപക്ഷങ്ങള്ക്കെതിരെയുള്ള ബംഗ്ലാദേശിലെ അക്രമങ്ങളില് ഇന്ത്യ ആവര്ത്തിച്ച് ആശങ്ക പ്രകടിപ്പിച്ചിരുന്നു. ഫെബ്രുവരി 12ന് നടക്കുന്ന ബംഗ്ലാദേശിലെ പാര്ലമെന്റ്തെരഞ്ഞെടുപ്പിന് ആഴ്ചകള് മാത്രം ശേഷിക്കെയാണ് ഇന്ത്യയുടെ നടപടി.
E-paper LOGIN
LOGIN