കൊച്ചി: ശബരിമല ഗ്രീന്ഫീല്ഡ് വിമാനത്താവളത്തിനായി സ്ഥലം ഏറ്റെടുക്കാന് പുറപ്പെടുവിച്ച വിജ്ഞാപനം സിംഗിള് ബെഞ്ച് റദ്ദാക്കിയതിനെതിരേ സര്ക്കാര് ഡിവിഷന് ബെഞ്ചില് അപ്പീല് നല്കി.
എരുമേലി മണിമല വില്ലേജിലെ ചെറുവള്ളി എസ്റ്റേറ്റും സമീപ പ്രദേശങ്ങളും ഉള്പ്പെടുന്ന 2570 ഏക്കര് ഭൂമി ഏറ്റെടുക്കുന്നതിന് മുന്നോടിയായി കഴിഞ്ഞ ഏപ്രിലില് പുറപ്പെടുവിച്ച വിജ്ഞാപനമാണ് സിംഗിള് ബെഞ്ച് റദ്ദാക്കിയത്.
അപ്പീല് പരിഗണിച്ച ജസ്റ്റീസ് ദേവന് രാമചന്ദ്രന്, ജസ്റ്റീസ് എം.ബി. സ്നേഹലത എന്നിവരടങ്ങുന്ന ഡിവിഷന് ബെഞ്ച് എതിര്കക്ഷികള്ക്ക് നോട്ടീസിന് ഉത്തരവിട്ടു.
തല്സ്ഥിതി തുടരാനും നിര്ദേശിച്ചു. സിംഗിള് ബെഞ്ച് ഉത്തരവിനെതിരെ അപ്പീല് നല്കുന്നുണ്ടെന്ന് ചെറുവള്ളി എസ്റ്റേറ്റ് ഉടമസ്ഥരായ അയന ചാരിറ്റബിള് ട്രസ്റ്റും കോടതിയെ അറിയിച്ചു.
E-paper LOGIN
LOGIN
