പൊൻകുന്നം: നടിയെ ആക്രമിച്ച കേസിൽ കുറ്റവിമുക്തനാക്കപ്പെട്ട നടന് ദിലീപ് കുടുംബത്തോടൊപ്പം അടുത്തയാഴ്ച ചെറുവള്ളി ദേവീക്ഷേത്രത്തിലെ ജഡ്ജിയമ്മാവന് കോവിലില് പൂജ നടത്താന് എത്തുമെന്ന് സൂചന.
2019 മാര്ച്ച് എട്ടിനു രാത്രി ദിലീപും സഹോദരന് അനൂപും ഇവിടെ കരിക്ക് അഭിഷേകവും അട വഴിപാടും നടത്തിയിരുന്നു. കേസില് ദിലീപിന്റെ ജാമ്യാപേക്ഷ ഹൈക്കോടതി പരിഗണിച്ച ദിവസവും സഹോദരന് അനൂപ് ജഡ്ജിയമ്മാവന് കോവിലിലെത്തിയിരുന്നു.
ജാമ്യം ലഭിച്ച സാഹചര്യത്തിലാണ് ദിലീപും അനൂപും ചെറുവള്ളിയിലെത്തിയത്. ശ്രീശാന്ത്, ശാലു മേനോന്, സരിത എസ്. നായര്, പ്രയാര് ഗോപാലകൃഷ്ണന്, ആര്. ബാലകൃഷ്ണപിള്ള തുടങ്ങിയവരൊക്കെ മുന്പ് ഇവിടെ പൂജ നടത്തിയവരാണ്. അണ്ണാ ഡിംഎംകെ നേതാവ് ശശികല നടരാജന് ജയിലിലായപ്പോൾ പാര്ട്ടി പ്രവര്ത്തകര് ചെറുവള്ളിയില് വഴിപാട് നടത്തിയിരുന്നു.
ക്ഷേത്രത്തിലെ അത്താഴപൂജകള്ക്കുശേഷം രാത്രി എട്ടരയ്ക്കാണ് ജഡ്ജിയമ്മാവന്റെ കോവിൽനട തുറക്കുക.
E-paper LOGIN
LOGIN
