കൊച്ചി: ഓള് ഇന്ത്യ മാനേജ്മെന്റ് അസോസിയേഷന് ലീഡര്ഷിപ്പ് എക്സലന്സ് അവാര്ഡ്സില് ഈ വര്ഷത്തെ മികച്ച പൊതുമേഖലാസ്ഥാപനമായി കൊച്ചി കപ്പല്ശാലയെ തെരഞ്ഞെടുത്തു.
ന്യൂഡല്ഹിയില് നടന്ന ചടങ്ങില് കേന്ദ്ര വിദ്യാഭ്യാസ മന്ത്രി ധര്മേന്ദ്രപ്രധാനില്നിന്ന് കൊച്ചിന് ഷിപ്പ്യാര്ഡ് ലിമിറ്റഡ് ഡയറക്ടര് (ഓപ്പറേഷന്സ്) ഡോ. എസ്. ഹരികൃഷ്ണന് പുരസ്കാരം ഏറ്റുവാങ്ങി.
സമുദ്ര നിര്മാണ മേഖലയിലെ പ്രവര്ത്തനമികവ്, തന്ത്രപരമായ നേതൃത്വം, സുസ്ഥിര ഭരണനിര്വഹണം, നിലനില്പുള്ള വളര്ച്ച എന്നിവയില് കൊച്ചി കപ്പല്ശാല കൈവരിച്ച നേട്ടങ്ങള്ക്കാണ് പുരസ്കാരം.