കോതമംഗലം : ബ്ലോക്ക് പഞ്ചായത്ത് നാടുകാണിയിൽ നിർമിച്ച വനിത സാംസ്കാരിക കേന്ദ്രം ബ്ലോക്ക് പഞ്ചായത്ത് പ്രസിഡന്റ് പി.എ.എം. ബഷീർ ഉദ്ഘാടനം ചെയ്തു. 27.5 ലക്ഷം രൂപ ചെലവഴിച്ചാണ് രണ്ട് ഹാൾ, ഓഫീസ് ഉൾപ്പെടെയുള്ള സൗകര്യങ്ങളോടെ കെട്ടിടം നിർമിച്ചത്.
ഓലിയിൽ ബേബി തോമസ് മൂന്ന് സെന്റ് സ്ഥലം സൗജന്യമായി നൽകിയതാണ് പദ്ധതി നടപ്പിലാക്കാൻ വഴിയൊരുക്കിയത്. പഞ്ചായത്ത് പ്രസിഡന്റ് ഗോപി മുട്ടത്ത് അധ്യക്ഷത വഹിച്ചു.
ബ്ലോക്ക് പഞ്ചായത്ത് വൈസ് പ്രസിഡന്റ് ഡയാന നോബി, ജില്ലാ പഞ്ചായത്ത് അംഗം റാണിക്കുട്ടി ജോർജ് , പഞ്ചായത്ത് വൈസ് പ്രസിഡന്റ് ബീന റോജോ,ബ്ലോക്ക് പഞ്ചായത്ത് സ്ഥിരം സമിതി ചെയർമാൻമാരായ ജോമി തെക്കേക്കര, സാലി ഐപ്, ജെയിംസ് കോറമ്പേൽ തുടങ്ങിയവർ പ്രസംഗിച്ചു.