നിലന്പൂർ: ജനുവരി ആറ്, ഏഴ് തിയതികളിൽ നടക്കുന്ന രാജ്യാന്തര നിലന്പൂർ ടൂറിസം കോണ്ക്ലേവിന്റെ ഭാഗമായി ജനപ്രതിനിധികൾ, രാഷ്ട്രീയപാർട്ടി നേതാക്കൾ, വ്യവസായികൾ, വിവിധ സംഘടന പ്രതിനിധികൾ എന്നിവരുടെ സംഗമം സംഘടിപ്പിച്ചു.
സാധാരണ ജനങ്ങൾക്കുള്ള ഡെലിഗേഷൻ രജിസ്ട്രേഷൻ നടത്തി പി.വി. അബ്ദുൾ വഹാബ് എംപി ഉദ്ഘാടനം ചെയ്തു. ആര്യാടൻ ഷൗക്കത്ത് എംഎൽഎ അധ്യക്ഷത വഹിച്ചു. കോണ്ക്ലേവ് ജനറൽ സെക്രട്ടറി ഉമ്മർ കോയ വിശദീകരണം നടത്തി. നിലന്പൂർ നഗരസഭാ ചെയർപേഴ്സണ് പദ്മിനി ഗോപിനാഥ്, നിലന്പൂർ ബ്ലോക്ക് പഞ്ചായത്ത് പ്രസിഡന്റ് ബോബി സി.
മാന്പറ, കാളികാവ് ബ്ലോക്ക് പഞ്ചായത്ത് പ്രസിഡന്റ് വി.പി. ജസീറ, പഞ്ചായത്ത് പ്രസിഡന്റുമാരായ ബി.പി. അഫീഫ, ദീപ ഹരിദാസ്, സി.കെ. സുരേഷ്, റംലത്ത് നെയ്തക്കോടൻ, രാഷ്ട്രീയ പാർട്ടി പ്രതിനിധികളായ പാലോളി മെഹബൂബ്, കൊന്പൻ ഷംസുദ്ദീൻ, അഡ്വ.ടി.കെ. അശോക് കുമാർ, ഐടിഎഫ്സി ഫൗണ്ടേഷൻ എംഡി എബി തോമസ്, നിലന്പൂർ മർച്ചന്റ് അസോസിയഷൻ പ്രസിഡന്റ് യു. നരന്ദ്രൻ, വ്യാപാരി വ്യവസായി ഏകോപന സമിതി ജില്ലാ വൈസ് പ്രസിഡന്റ് വിനോദ് പി. മേനോൻ, മുജീബ് ദേവശേരി, അബ്ദുസമദ് എന്നിവർ പ്രസംഗിച്ചു.