കൊച്ചി: ബിഎസ്സി നഴ്സിംഗ് കോഴ്സ് കര്ണാടകയില് പഠിച്ചു വിജയിച്ച വിദ്യാര്ഥികള്ക്ക് കേരളത്തില് രജിസ്ട്രേഷന് നിഷേധിക്കാനാകില്ലെന്നു ഹൈക്കോടതി.
കര്ണാടക സ്റ്റേറ്റ് നഴ്സിംഗ് കൗണ്സില് അംഗീകരിച്ച സ്ഥാപനങ്ങളില്നിന്നുള്ള ബിരുദങ്ങള് സാധുതയുള്ളതാണ്. അതിനാല് കര്ണാടകത്തിലെ അംഗീകൃത നഴ്സിംഗ് കോളജുകളില്നിന്ന് കോഴ്സ് പാസായവരെ കേരള നഴ്സസ് ആന്ഡ് മിഡ്വൈവ്സ് കൗണ്സിലില് രജിസ്റ്റര് ചെയ്യാനും പ്രാക്ടീസ് ചെയ്യാനും അനുവദിക്കണമെന്നും ജസ്റ്റീസ് എന്. നഗരേഷ് ഉത്തരവിട്ടു.
ഇന്ത്യന് നഴ്സിംഗ് കൗണ്സിലിന്റെ അംഗീകാരം വേണമെന്ന നിബന്ധനയുടെ പേരില് രജിസ്ട്രേഷന് നിഷേധിക്കുന്നതിനെതിരേ കര്ണാടക സ്റ്റേറ്റ് അസോസിയേഷന് ഓഫ് മാനേജ്മെന്റ് ഓഫ് നഴ്സിംഗ് ആന്ഡ് അലൈഡ് ഹെല്ത്ത് സയന്സ് ഇന്സ്റ്റിറ്റ്യൂഷന്സ് നല്കിയ ഹര്ജിയാണു കോടതി പരിഗണിച്ചത്.
E-paper LOGIN
LOGIN