കോഴഞ്ചേരി: കീഴുകരയില് വനിതാ ശിശു വികസന വകുപ്പിനു കീഴില് പ്രവര്ത്തിക്കുന്ന സർക്കാർ മഹിളാ മന്ദിരം സ്ഥാപനാധിഷ്ഠിത പച്ചക്കറി കൃഷിയിലൂടെ പറുദീസയായി.
17 താമസക്കാരും നാല് ജീവനക്കാരുമായി പ്രവര്ത്തിക്കുന്ന മഹിളാ മന്ദിരം കൃഷി വകുപ്പുമായി ചേര്ന്നാണ് പദ്ധതി നടപ്പാക്കിയത്. 35 സെന്റ് സ്ഥലം സ്ഥാപനത്തിനുണ്ടെങ്കിലും ഇത് പാറപ്പുറമാണ്.35 സെന്റിലായി പ്രവര്ത്തിക്കുന്ന ഈ സ്ഥാപനം പാറപ്പുറത്താണ് സ്ഥിതി ചെയ്യുന്നത്. 45,000 രൂപയുടെ പദ്ധതിയാണ് സ്ഥാപനാധിഷ്ഠിത പച്ചക്കറി കൃഷിക്ക് വകുപ്പ് പ്രഖ്യാപിച്ചത്.
മഹിളാമന്ദിരത്തിലെ താമസക്കാരുടെയും ജീവനക്കാരുടെയും മാനസിക ശാരീരിക ഉന്മേഷവും ഉണർവും ലക്ഷ്യമിട്ടിരുന്ന പദ്ധതിയിൽ കെട്ടിടത്തിന് ചുറ്റുമുള്ള പാറപ്പുറത്തും തരിശുഭൂമിയിലുമായി സ്ഥാപനത്തിലെ അംഗങ്ങള് തന്നെ പച്ചക്കറിത്തോട്ടം ഉണ്ടാക്കുകയും വിവിധ ഇനത്തിലുള്ള പച്ചക്കറികള് സമൃദ്ധമായി വിളവെടുക്കുകയും ചെയ്തു.
കോഴഞ്ചേരി കൃഷി ഓഫീസര് പി. രമേഷ് കുമാറിന്റെ നിരന്തരമായ ഇടപെടലും അധ്വാന തത്പരരായ മഹിളാ മന്ദിരം അംഗങ്ങളുടെ പ്രയത്നവുമാണ് പാറപ്പുറത്തെ പച്ചക്കറിത്തോട്ടം പദ്ധതി വിജയിച്ചത്.പച്ചക്കറി കൃഷിയുടെ വിളവെടുപ്പ് ഉദ്ഘാടനം ഗ്രാമപഞ്ചായത്ത് പ്രസിഡന്റ് ജോമോൻ പുതുപ്പറന്പിൽ നിർവഹിച്ചു. വാർഡ് മെംബർ ബിജോ പി. മാത്യു അധ്യക്ഷത വഹിച്ചു.
സ്വന്തം കൃഷിയിടത്തില് നിന്ന് വിളവെടുത്ത ചീരയില് നിന്നും നിർമിച്ച സ്ക്വാഷിന്റെ ആദ്യ വില്പന ബ്ലോക്ക് പഞ്ചായത്ത് പ്രസിഡന്റ് ഗീത സജീവ് ഭാസ്കര് നിര്വഹിച്ചു.
പത്തനംതിട്ട പ്രിന്സിപ്പല് കൃഷി ഓഫീസര് ഷേര്ളി സക്കറിയ പദ്ധതി വിശദീകരണം നടത്തി. കൃഷി ഡെപ്യൂട്ടി ഡയറക്ടര് ജാനറ്റ് ഡാനിയല് ഇലന്തൂര് ബ്ലോക്ക് പഞ്ചായത്ത് സ്റ്റാന്ഡിംഗ് കമ്മിറ്റി അംഗങ്ങളായ റോളി മാത്യു, അശോക് ഗോപിനാഥ്, കോഴഞ്ചേരി ഗ്രാമപഞ്ചായത്ത് വൈസ് പ്രസിഡന്റ് സുനിത ഫിലിപ്പ്, സ്റ്റാന്ഡിംഗ് കമ്മിറ്റി അംഗങ്ങളായ ലതാ ചെറിയാന്, സില്വിയ തോമസ്, സജി ജോര്ജ്, കോഴഞ്ചേരി ബ്ലോക്ക് പഞ്ചായത്ത് മെംബർ പി.എസ്. സരിഗ, കൃഷി അസിസ്റ്റന്റ് ഡയറക്ടര് ആലിയ ഫര്സാന, കോഴഞ്ചേരി ഗ്രാമപഞ്ചായത്ത് മെംബര്മാരായ കെ.ആർ. സന്ധ്യ, മനീഷ് മോഹന്, അനീഷ് ചക്കുങ്കല്, വിനീത കോശി, എം.എന്.ബാലകൃഷ്ണന് നായര്, അനു എം.വര്ഗീസ്, മൃദുല റോയ്, ജിബി തോമസ്, ജില്ലാ വനിതാ ശിശു വികസന ഓഫീസര് ആശ മോള്, ജില്ലാ വനിതാ സംരക്ഷണ ഓഫീസര് എ. നിസ എന്നിവര് പ്രസംഗിച്ചു. മഹിളാ മന്ദിരം സൂപ്രണ്ട് പി.എസ്. ഷഹീന സ്വാഗതവും കൃഷി ഓഫീസർ പി. രമേഷ് കുമാർ നന്ദിയും പറഞ്ഞു.