കറുകച്ചാൽ: കെഎസ്ആർടിസി ബസിനു പിന്നിൽ സ്വകാര്യ ബസ് ഇടിച്ചുകയറി. അപകടത്തിൽ ആർക്കും പരിക്കില്ല. ഇന്നലെ രാവിലെ 8.45ന് കറുകച്ചാൽ-മണിമല റോഡിലെ ബസ്സ്റ്റാൻഡ് കവാടത്തിന് മുന്പിലായിരുന്നു അപകടം.
കോഴഞ്ചേരിയിൽനിന്നു കോട്ടയത്തേക്ക് പോകുകയായിരുന്നു ഇരു ബസുകളും. മുന്പിൽ പോയ കെഎസ്ആർടിസി ബസ് കറുകച്ചാൽ ബസ്സ്റ്റാൻഡിലേക്കു കയറാനായി തിരിയുമ്പോൾ പിന്നിലുണ്ടായിരുന്ന സ്വകാര്യബസ്, കെഎസ്ആർടിസി ബസിന്റെ പിൻഭാഗത്ത് തട്ടുകയായിരുന്നു. ഇരുബസുകൾക്കും കേടുപാടുകളുണ്ടായില്ല.
അപകടത്തെത്തുടർന്ന് ഇരുബസിലെയും ജീവനക്കാർ തമ്മിൽ തർക്കമായി. പോലീസ് എത്തിയാണ് ഗതാഗതം പുനഃസ്ഥാപിച്ചത്. സ്വകാര്യ ബസ് കോട്ടയത്തേക്കു സർവീസ് തുടർന്നെങ്കിലും കെഎസ്ആർടിസി ബസ് സർവീസ് മുടക്കി. ഇരുബസുകളും മല്ലപ്പള്ളി മുതൽ മത്സരിച്ചോടുകയായിരുന്നെന്ന് യാത്രക്കാർ പറഞ്ഞു.
E-paper LOGIN
LOGIN
