തിരുവനന്തപുരം: ബാച്ചിലര് ഓഫ് ഫൈന് ആര്ട്സ് (ബിഎഫ്എ) പരീക്ഷയില് തോറ്റ എസ്എഫ്ഐ പ്രവര്ത്തകന് എംഎഫ്എയ്ക്ക് പ്രവേശനം നല്കി ബിഎഫ്എ ജയിച്ചതായി പ്രഖ്യാപിക്കാനുള്ള കാലടി സംസ്കൃത സര്വകലാശാല സിന്ഡിക്കറ്റിന്റെ തീരുമാനം തടഞ്ഞ് ഗവര്ണര് രാജേന്ദ്ര വിശ്വനാഥ അര്ലേക്കര്.
ഇക്കാര്യത്തില് വൈസ് ചാന്സലറും പരീക്ഷാ കണ്ട്രോളറും വിശദീകരണം നല്കണമെന്ന് ഗവര്ണര് ഉത്തരവിട്ടു. ഇതുമായി ബന്ധപ്പെട്ട മുഴുവന് ഫയലുകള് ഹാജരാക്കാനും വൈസ് ചാന്സലര്ക്ക് ഗവര്ണര് നിര്ദേശം നല്കി.
നാല് വര്ഷ ബിഎഫ്എ (മ്യൂറല് പെയിന്റിംഗ്) പരീക്ഷയില് തോറ്റതിനെ തുടര്ന്ന് 20 വര്ഷം മുന്പ് പഠനം ഉപേക്ഷിച്ച എ. കലേഷ് എന്ന എസ്എഫ്ഐ പ്രവര്ത്തകന് ബിഎഫ്എ പരീക്ഷ പാസാകാതെ എംഎഫ്എയ്ക്ക് പ്രവേശനം നല്കിയിരുന്നു. 2023ല് എംഎഫ്എ പാസായതുകൊണ്ട് പ്രത്യേക കേസായി പരിഗണിച്ച് ബിഎഫ്എ ജയിപ്പിക്കാന് സിന്ഡിക്കറ്റ് യോഗം തീരുമാനിക്കുകയായിരുന്നുവെന്നാണ് വിവരം.
ബിഎഫ്എ പരീക്ഷയുടെ മാര്ക്ക് ലിസ്റ്റുകള് പരിശോധിക്കാതെയാണ് എംഎഫ്എയ്ക്ക് കലേഷിന് പ്രവേശനം നല്കിയത്. സര്ട്ടിഫിക്കറ്റുകള് ലഭിക്കാത്തതിനാല് സര്വകലാശാല പരീക്ഷാ വിഭാഗം കലേഷിന്റെ എംഎഫ്എ പരീക്ഷാ ഫലം കഴിഞ്ഞ രണ്ട് വര്ഷക്കാലമായി പ്രസിദ്ധീകരിക്കാന് വിസമ്മതിച്ചിരുന്നു. ഇതിനു പിന്നാലെയാണ് സിന്ഡിക്കറ്റ് യോഗം ചേര്ന്ന് തോറ്റ വിദ്യാര്ഥിയെ ബിഎഫ്എ പരീക്ഷ ജയിപ്പിക്കാന് തീരുമാനിച്ചതെന്നാണ് വിവരം.
E-paper LOGIN
LOGIN
