ന്യൂഡല്ഹി: ജര്മന് ചാന്സലര് ഫ്രെഡറിക് മെര്സിനെ അഹമ്മദാബാദിലെ സബര്മതി ആശ്രമത്തില് സ്വാഗതം ചെയ്ത് പ്രധാനമന്ത്രി നരേന്ദ്ര മോദി. 2025 മേയ് ആറിന് ചാന്സലറായി സ്ഥാനമേറ്റ മെര്സിന്റെ ഇന്ത്യയിലെ ആദ്യ ഔദ്യോഗിക സന്ദര്ശനമാണിത്. ഇന്ത്യ-ജര്മനി ബന്ധങ്ങള് ശക്തിപ്പെടുത്തുക ലക്ഷ്യമിട്ടാണ് രണ്ട് ദിവസത്തെ ഈ സന്ദര്ശനം. ഇന്നും നാളെയുമായി നടക്കുന്ന സന്ദര്ശനത്തില് വ്യാപാരം, നിക്ഷേപം, സാങ്കേതികവിദ്യ, വിദ്യാഭ്യാസം, സ്കില് ഡെവലപ്മെന്റ്, പ്രതിരോധം, സുരക്ഷ തുടങ്ങിയ വിഷയങ്ങള് ഇരു രാജ്യങ്ങളും ചര്ച്ചയാക്കും.
രാവിലെ പ്രധാനമന്ത്രി മോദിയും ചാന്സലര് മെര്സും ചേര്ന്ന് ആശ്രമത്തിലെ ഗാന്ധി പ്രതിമയ്ക്ക് മുന്പില് പുഷ്പാര്ച്ചന നടത്തി വിസിറ്റേഴ്സ് ബുക്കില് ഒപ്പിട്ടു. ആശ്രമ സന്ദര്ശനത്തിനു ശേഷം ഇരുവരും സബര്മതി റിവര്ഫ്രണ്ടില് നടന്ന അന്താരാഷ്ട്ര പട്ടം പറത്തല് ഉത്സവ ഉദ്ഘാടനം ചെയ്തു. അഹമ്മദാബാദിലെ മഹാത്മാ മന്ദിര് സമുച്ചയത്തില് രാവിലെ 11:15 മുതലാണ് ഇരുവരും ദ്വിപക്ഷ ചര്ച്ചകള് ആരംഭിച്ചത്. ജര്മനിയിലെ ബിസിനസ് പ്രതിനിധി സംഘത്തിനൊപ്പമാണ് ചാന്സലര് ഫ്രെഡറിക് മെര്സ് ഇന്ത്യ സന്ദര്ശനം നടത്തുന്നത്.
ഇരുവരും തമ്മിലുള്ള ഈ സന്ദര്ശനം ഇന്ത്യ-ജര്മനി ബന്ധങ്ങളുടെ പുതിയ അധ്യായമായി മാറുമെന്നാണ് പ്രതീക്ഷ. ചുമതലയേറ്റതിന് ശേഷമുള്ള മെര്സിന്റെ ആദ്യ ഏഷ്യന് സന്ദര്ശനം ഇന്ത്യയിലായത് വലിയ പ്രാധാന്യമുള്ളതാണ്.
E-paper LOGIN
LOGIN
