തൊ​ടു​പു​ഴ: ത​ദ്ദേ​ശ തെ​ര​ഞ്ഞെ​ടു​പ്പി​ല്‍ ഇ​ടു​ക്കി ജി​ല്ല​യി​ല്‍ യു​ഡി​എ​ഫ് കൊ​ടു​ങ്കാ​റ്റ് ആ​ഞ്ഞു​വീ​ശി​യ​പ്പോ​ള്‍ എ​ല്‍ഡി​എ​ഫ് നി​ലം​പ​രി​ശാ​യി. ജി​ല്ലാ പ​ഞ്ചാ​യ​ത്തി​ലെ 17 ഡി​വി​ഷ​നു​ക​ളി​ല്‍ പു​തു​താ​യി രൂ​പീ​ക​രി​ച്ച വെ​ള്ള​ത്തൂ​വ​ലി​ല്‍ അ​ട​ക്കം യു​ഡി​എ​ഫ് ച​രി​ത്ര​വി​ജ​യം നേ​ടി​യ​പ്പോ​ള്‍ എ​ല്‍ഡി​എ​ഫി​ന് മൂ​ന്നു​ഡി​വി​ഷ​നു​ക​ളി​ല്‍ മാ​ത്ര​മാ​ണ് വി​ജ​യി​ക്കാ​നാ​യ​ത്. എ​ട്ടു ബ്ലോ​ക്ക് പ​ഞ്ചാ​യ​ത്തു​ക​ളി​ല്‍ ഏ​ഴി​ട​ത്തും യു​ഡി​എ​ഫ് ആ​ധി​കാ​രി​ക വി​ജ​യം നേ​ടി. ക​ട്ട​പ്പ​ന, തൊ​ടു​പു​ഴ ന​ഗ​ര​സ​ഭ​ക​ളി​ലും യു​ഡി​എ​ഫ് വ​ന്‍ മു​ന്നേ​റ്റ​മാ​ണു ന​ട​ത്തി​യ​ത്.

തൊ​ടു​പു​ഴ​യി​ല്‍ 21 സീ​റ്റി​ല്‍ യു​ഡി​എ​ഫ് വി​ജ​യി​ച്ച​പ്പോ​ള്‍ ഒ​മ്പ​തു​ സീ​റ്റു​ക​ള്‍ നേ​ടി എ​ന്‍ഡി​എ ആ​ദ്യ​മാ​യി ന​ഗ​ര​സ​ഭ​യി​ല്‍ പ്ര​തി​പ​ക്ഷ​ത്തെ​ത്തി. എ​ല്‍ഡി​എ​ഫി​ന് ആ​റു​ സീ​റ്റു​ക​ളി​ല്‍ മാ​ത്ര​മേ വി​ജ​യി​ക്കാ​നാ​യു​ള്ളൂ. ര​ണ്ടി​ട​ത്ത് യു​ഡി​എ​ഫ് വി​മ​ത​ര്‍ക്കാ​ണ് വി​ജ​യം. ക​ട്ട​പ്പ​ന ന​ഗ​ര​സ​ഭ​യി​ല്‍ യു​ഡി​എ​ഫ് 20 സീ​റ്റു​ക​ളി​ലും എ​ല്‍ഡി​എ​ഫ് 13 സീ​റ്റു​ക​ളി​ലും എ​ന്‍ഡി​എ ര​ണ്ടി​ട​ത്തും വി​ജ​യി​ച്ചു.​ ഗ്രാ​മ​പ​ഞ്ചാ​യ​ത്തു​ക​ളി​ലും യു​ഡി​എ​ഫ് ഉ​ജ്വ​ല​നേ​ട്ടം കൈ​വ​രി​ച്ചു.

52 പ​ഞ്ചാ​യ​ത്തു​ക​ളി​ല്‍ 36 ഇ​ട​ങ്ങ​ളി​ല്‍ യു​ഡി​എ​ഫ് ഭ​ര​ണം ഉ​റ​പ്പി​ച്ച​പ്പോ​ള്‍ എ​ല്‍ഡി​എ​ഫ് 11 പ​ഞ്ചാ​യ​ത്തു​ക​ളി​ലേ​ക്ക് ചു​രു​ങ്ങി. അ​ഞ്ചി​ട​ത്ത് ആ​ര്‍ക്കും ഭൂ​രി​പ​ക്ഷ​മി​ല്ല. മ​ണ​ക്കാ​ട് പ​ഞ്ചാ​യ​ത്തി​ല്‍ യു​ഡി​എ​ഫി​നും എ​ല്‍ഡി​എ​ഫി​നും അ​ഞ്ചു​സീ​റ്റു​ക​ള്‍ വീ​തം ല​ഭി​ച്ച​പ്പോ​ള്‍ ര​ണ്ടി​ട​ത്ത് ട്വ​ന്‍റി ട്വ​ന്‍റി​യും ര​ണ്ടി​ട​ത്ത് സ്വ​ത​ന്ത്ര​രും വി​ജ​യി​ച്ചു. ജി​ല്ല​യി​ല്‍ യു​ഡി​എ​ഫ് ത​രം​ഗം ആ​ഞ്ഞു​വീ​ശി​യ​പ്പോ​ഴും മു​ന്‍ എം​എ​ല്‍എ​യും എ​ഐ​സി​സി അം​ഗ​വു​മാ​യ ഇ.​എം.​ ആ​ഗ​സ്തി ക​ട്ട​പ്പ​ന ന​ഗ​ര​സ​ഭ​യി​ല്‍പ​രാ​ജ​യ​പ്പെ​ട്ട​ത് ക​ന​ത്ത തി​രി​ച്ച​ടി​യാ​യി.

ഭ​ര​ണ​വി​രു​ദ്ധ​വി​കാ​രം, പാ​ഴാ​യ ഇ​ടു​ക്കി പാ​ക്കേ​ജ്, ജി​ല്ല​യോ​ടു​ള്ള അ​വ​ഗ​ണ​ന, ഭൂ​പ്ര​ശ്‌​ന​ങ്ങ​ള്‍, വ​നൃ​മൃ​ഗ​ശ​ല്യം, വി​ക​സ​ന​പ്ര​വ​ര്‍ത്ത​ന​ങ്ങ​ളി​ല്‍ വ​ന​വ​കു​പ്പി​ന്‍റെ അ​നാ​വ​ശ്യ ത​ട​സ​വാ​ദ​ങ്ങ​ള്‍ തു​ട​ങ്ങി​യ ഘ​ട​ക​ങ്ങ​ള്‍ എ​ല്‍ഡി​എ​ഫ് പ​രാ​ജ​യ​ത്തി​ന് ആ​ക്കം​കൂ​ട്ടി.

ഇ​ടു​ക്കി​യി​ലെ ഭൂ​പ്ര​ശ്‌​ന​ത്തി​ന് ശാ​ശ്വ​ത പ​രി​ഹാ​ര​മെ​ന്ന നി​ല​യി​ല്‍ ഭൂ​ച​ട്ടം ഭേ​ഗ​ഗ​തി ചെ​യ്ത് ഭൂ​മി ക്ര​മ​വ​ത്ക​രി​ക്കു​ന്ന​തി​നു​ സ​ര്‍ക്കാ​ര്‍ ന​ട​പ​ടി സ്വീ​ക​രി​ച്ചെ​ങ്കി​ലും ഇ​തൊ​ന്നും വോ​ട്ട​ര്‍മാ​രെ സ്വാ​ധീ​നി​ക്കാ​നാ​യി​ല്ല. മു​മ്പെ​ങ്ങു​മി​ല്ലാ​ത്ത വി​ധ​ത്തി​ല്‍ ഐ​ക്യ​ത്തോ​ടെ​യു​ള്ള പ്ര​വ​ര്‍ത്ത​നം യു​ഡി​എ​ഫി​ന് നേ​ട്ട​മാ​യി.

യു​ഡി​എ​ഫി​ല്‍ വൈ​കി​യാ​ണ് സീ​റ്റ് വി​ഭ​ജ​നം പൂ​ര്‍ത്തി​യാ​യ​തെ​ങ്കി​ലും കാ​ര്യ​മാ​യ ത​ര്‍ക്ക​ങ്ങ​ളി​ല്ലാ​തെ പ​രി​ഹ​രി​ക്കാ​നാ​യ​തും നേ​ട്ട​മാ​യി. ചു​രു​ക്കം വാ​ര്‍ഡു​ക​ളി​ല്‍ മാ​ത്ര​മാ​ണ് വി​മ​ത​സ്ഥാ​നാ​ര്‍ഥി​ക​ള്‍ രം​ഗ​ത്തെ​ത്തി​യ​ത്. ഇ​വി​ടെ യു​ഡി​എ​ഫ് പ​രാ​ജ​യം രു​ചി​ക്കു​ക​യും ചെ​യ്തു.

• ഇടുക്കി
• ന​ഗ​ര​സ​ഭ​ക​ൾ: 2
  യു​ഡി​എ​ഫ്: 2
• ജില്ലാ പഞ്ചായത്ത്
  ഭ​ര​ണം: യു​ഡി​എ​ഫ്
  ആ​കെ സീ​റ്റ്: 17
  യു​ഡി​എ​ഫ്: 14
  എ​ല്‍ഡി​എ​ഫ്: 3
• ബ്ലോ​​​​ക്ക് പ​​​​ഞ്ചാ​​​​യ​​​​ത്തു​​​​ക​​​​ൾ: 8
  യു​ഡി​എ​ഫ്: 7
  എ​ല്‍ഡി​എ​ഫ്: 1
• ഗ്രാ​​​​മ​​​​പ​​​​ഞ്ചാ​​​​യ​​​​ത്തു​​​​ക​​​​ൾ: 52
  യു​ഡി​എ​ഫ്: 36
  എ​ൽ​ഡി​എ​ഫ്: 11
  തുല്യനില: 5