ന്യൂയോർക്ക്: വെസ്റ്റ്ചെസ്റ്റർ മലയാളി അസോസിയേഷൻ 2026ൽ നടക്കുന്ന ഫൊക്കാന സംഘടനാ തെരഞ്ഞെടുപ്പിലേക്ക് ആന്‍റോ വർക്കിയെ ട്രഷർ സ്ഥാനാർഥിയായി പിന്തുണയ്ക്കുന്നതായി അറിയിച്ചു. നവംബർ 4ന് വൈകിട്ട് നടന്ന മീറ്റംഗിലാണ് തിരുമാനം എടുത്തത്.

ഫൊക്കാന റീജണൽ വൈസ് പ്രസിഡന്‍റ് കൂടിയായ ആന്‍റോ റീജണൽ ഉദ്ഘടനം നടത്തുകയും റീജണൽ കൺവൻഷൻ സംഘടിപ്പിക്കുകയും ചെയ്തു. ഫുൾ ഡേ കൺവൻഷൻ ആണ് ആന്‍റോയുടെ നേതൃത്വത്തിൽ നടന്നത്. വെസ്റ്റ്ചെസ്റ്റർ മലയാളി അസോസിയേഷന്‍റെ സജീവ പ്രവർത്തകനും മുൻ പ്രസിഡന്‍റും ഇപ്പോഴത്തെ കോഓർഡിനേറ്ററുമാണ് ആന്‍റോ.വെസ്റ്റ്ചെസ്റ്റര്‍ മലയാളി അസോസിയേഷന്‍റെ ജോയിന്‍റ് സെക്രട്ടറി, വൈസ് പ്രസിഡന്‍റ്, സെക്രട്ടറി എന്നീ സ്ഥാനങ്ങളും വഹിച്ചിട്ടുണ്ട്.

വൈസ്മെൻസ് ക്ലബ്ബിന്റെ കമ്മിറ്റി മെംബർ കൂടിയാണ്. അമേരിക്കയിലും കേരളത്തിലും നിരവധി സംഘടനകളില്‍ നിര്‍ണായക സ്ഥാനങ്ങള്‍ വഹിച്ചിട്ടുള്ള ആന്റോ ബ്രോങ്ക്സ് സീറോ മലബാർ കാത്തോലിക് ചർച്ചിലെ സജീവ പ്രവർത്തകനും 2023 മുതൽ സിറോ മലബാർ കാത്തലിക് കോൺഗ്രസിന്‍റെ ബ്രോങ്ക്സ് ചാപ്റ്റർ പ്രസിഡന്‍റായും  പ്രവർത്തിക്കുന്നു.

ഇന്ത്യൻ കാത്തലിക് അസോസിയേഷൻ ഓഫ് അമേരിക്കയുടെ പ്രസിഡന്‍റ് ആയും പ്രവർത്തിച്ചിട്ടുള്ള ആന്‍റോ ജോയിന്‍റ് സെക്രട്ടറി, സെക്രട്ടറി, വൈസ് പ്രസിഡന്‍റ് എന്നീ നിലകളിലും പ്രവർത്തിച്ചിട്ടുണ്ട്. ഇപ്പോഴത്തെ ട്രസ്റ്റീ ബോർഡ് മെംബർ കൂടിയാണ്. ഭാര്യ ജെസ്‌സി ആന്‍റോ. മക്കൾ: ആൽബിൻ ആന്‍റോ, എബിൻ ആന്‍റോേ.