വാഷിംഗ്ടൺ: സാ​ധാ​ര​ണ വൈ​ഫൈ റൂ​ട്ട​റു​ക​ൾ ഉ​പ​യോ​ഗി​ച്ച് ഭി​ത്തി​ക്ക​പ്പു​റ​മു​ള്ള മ​നു​ഷ്യ​ച​ല​ന​ങ്ങ​ളെ ത്രീ​ഡി രൂ​പ​ത്തി​ൽ കാ​ണാ​ൻ ക​ഴി​യു​ന്ന സാ​ങ്കേ​തി​ക​വി​ദ്യ വി​ക​സി​പ്പി​ച്ചു ഗ​വേ​ഷ​കലോകം. വീ​ടു​ക​ളി​ലും ഓ​ഫീ​സു​ക​ളി​ലും ഇ​ന്‍റ​ർ​നെ​റ്റ് ക​ണക്‌ഷനാ​യി ഉ​പ​യോ​ഗി​ക്കു​ന്ന വൈ​ഫൈ സി​ഗ്ന​ലു​ക​ൾ​ക്ക് ഇ​നി ഭി​ത്തി​ക്ക് അ​പ്പു​റ​മു​ള്ള കാ​ര്യ​ങ്ങ​ൾ ഒപ്പിയെടുത്തു കാണിക്കാൻ ക​ഴി​യും.

അമേരിക്കയിലെ കാ​ർ​ണ​ഗീ മെ​ലോ​ൺ യൂ​ണി​വേ​ഴ്‌​സി​റ്റി​യി​ലെ ഗ​വേ​ഷ​ക​ർ വി​ക​സി​പ്പി​ച്ചെ​ടു​ത്ത പു​തി​യ സാ​ങ്കേ​തി​ക​വി​ദ്യ​യാ​ണ് വൈ​ഫൈ സി​ഗ്ന​ലു​ക​ൾ ഉ​പ​യോ​ഗി​ച്ചു മ​നു​ഷ്യ​സാ​ന്നി​ധ്യം ക​ണ്ടെ​ത്തു​ന്ന​ത്. കാ​മ​റ​ക​ളോ വി​ല​കൂ​ടി​യ സെ​ൻ​സ​റു​ക​ളോ ഇ​ല്ലാ​തെത​ന്നെ ഒ​രു മു​റി​ക്കു​ള്ളി​ലെ ആ​ളു​ക​ളു​ടെ കൃ​ത്യ​മാ​യ സ്ഥാ​ന​വും ച​ല​ന​ങ്ങ​ളും തി​രി​ച്ച​റി​യാ​ൻ ഇ​തി​ലൂ​ടെ സാ​ധി​ക്കുമെന്നതാണ് ഏറ്റവും വലിയ പ്രത്യേകത.

 പ്ര​വ​ർ​ത്ത​നം എ​ങ്ങ​നെ

സാധാരണ വൈ​ഫൈ റൂ​ട്ട​റു​ക​ളിൽ ഡീപ് ലേണിംഗ് അൽഗോരിതം ഉപയോഗിച്ചാണ് ഗവേഷകർ ഇതു സാധ്യമാക്കിയതെന്നു പറയാം. വൈ​ഫൈ സി​ഗ്ന​ലു​ക​ൾ ത​ട​സ​ങ്ങ​ളി​ലൂ​ടെ ക​ട​ന്നു​പോ​കു​മ്പോ​ഴും വ​സ്തു​ക്ക​ളി​ൽ ത​ട്ടി പ്ര​തി​ഫ​ലി​ക്കു​മ്പോ​ഴും ഉ​ണ്ടാ​കു​ന്ന മാ​റ്റ​ങ്ങ​ളെ ആ​ഴ​ത്തി​ൽ വി​ശ​ക​ല​നം ചെ​യ്താ​ണ് ഇ​തു പ്ര​വ​ർ​ത്തി​ക്കു​ന്ന​ത്.

ഡീ​പ് ലേ​ണിം​ഗ് അ​ൽ​ഗോ​രി​ത​ങ്ങ​ളും ന്യൂറൽ നെ​റ്റ്‌​വ​ർ​ക്കു​ക​ളും ഉ​പ​യോ​ഗി​ച്ച് ഈ ​സി​ഗ്ന​ലു​ക​ളെ മ​നു​ഷ്യ​ശ​രീ​ര​ത്തി​ന്‍റെ ത്രീ​ഡി രൂ​പ​ങ്ങ​ളാ​യി മാ​റ്റാ​ൻ ഗ​വേ​ഷ​ക​ർ​ക്കു ക​ഴി​ഞ്ഞു. ഒ​രാ​ൾ ഇ​രി​ക്കു​ക​യാ​ണോ നി​ൽ​ക്കു​ക​യാ​ണോ എ​ന്നും ഒ​രേ​സ​മ​യം ഒ​ന്നി​ല​ധി​കം പേ​രു​ടെ സാ​ന്നി​ധ്യ​വും തി​രി​ച്ച​റി​യാ​ൻ ഈ ​സം​വി​ധാ​ന​ത്തിനു സാ​ധി​ക്കു​മെ​ന്ന​താ​ണ് പ്ര​ത്യേ​ക​ത.

 ഏറെയാണ് ഗുണങ്ങൾ

പ്ര​ധാ​ന​മാ​യും സു​ര​ക്ഷാ മേ​ഖ​ല​ക​ളി​ലും ആ​രോ​ഗ്യ​രം​ഗ​ത്തു​മാ​ണ് ഈ ​സാ​ങ്കേ​തി​ക​വി​ദ്യ വി​പ്ല​വ​ക​ര​മാ​യ മാ​റ്റ​ങ്ങ​ൾ കൊ​ണ്ടു​വ​രി​ക. പ്രാ​യ​മാ​യ​വ​ർ വീ​ട്ടി​ൽ ത​നി​ച്ചാ​യി​രി​ക്കു​മ്പോ​ൾ അ​വ​ർ വീ​ഴു​ക​യോ മ​റ്റോ ചെ​യ്താ​ൽ ക്യാ​മ​റ​ക​ൾ സ്ഥാ​പി​ക്കാ​തെത​ന്നെ അ​തു തി​രി​ച്ച​റി​യാ​ൻ ഈ ​സം​വി​ധാ​ന​ത്തി​ലൂ​ടെ സാ​ധി​ക്കും. ഭൂ​ക​മ്പം പോ​ലെ​യു​ള്ള അ​പ​ക​ട​ങ്ങ​ളി​ൽ ത​ക​ർ​ന്ന കെ​ട്ടി​ട​ങ്ങ​ൾ​ക്കി​ട​യി​ൽ കു​ടു​ങ്ങി​ക്കി​ട​ക്കു​ന്ന​വ​രെ ക​ണ്ടെ​ത്താ​ൻ ഇ​തു സ​ഹാ​യി​ക്കും. നി​ല​വി​ലു​ള്ള വൈ​ഫൈ റൂ​ട്ട​റു​ക​ൾ​ക്കു സോ​ഫ്റ്റ്‌​വയർ മാ​റ്റ​ങ്ങ​ൾ വ​രു​ത്തി​യാ​ൽ മാ​ത്രം മ​തി എ​ന്ന​തി​നാ​ൽ ഇ​തു വ​ള​രെ ലാ​ഭ​ക​ര​മാ​ണ്.

സ്വ​കാ​ര്യ​ത എ​ന്ന വ​ലി​യ ചോ​ദ്യം

ഈ ​ക​ണ്ടു​പി​ടി​ത്തം വ​ലി​യ പ്ര​തീ​ക്ഷ​ക​ൾ ന​ൽ​കു​ന്ന​തോ​ടൊ​പ്പംത​ന്നെ ഗൗ​ര​വ​ക​ര​മാ​യ സ്വ​കാ​ര്യ​ത പ്ര​ശ്ന​ങ്ങ​ളും ഉ​യ​ർ​ത്തു​ന്നു​ണ്ട്. ഒ​രാ​ളു​ടെ അ​നു​വാ​ദ​മി​ല്ലാ​തെ അ​യാ​ളു​ടെ വീ​ടി​നു പു​റ​ത്തു​നിന്നു വൈ​ഫൈ സി​ഗ്ന​ലു​ക​ൾ വ​ഴി അ​ക​ത്തെ ച​ല​ന​ങ്ങ​ൾ നി​രീ​ക്ഷി​ക്കാ​ൻ സാ​ധി​ക്കു​മെ​ന്ന​ത് ഭ​യ​പ്പെ​ടു​ത്തു​ന്ന ഒ​ന്നാ​ണ്. ഇ​തു ദു​രു​പ​യോ​ഗം ചെ​യ്യ​പ്പെ​ടാ​നു​ള്ള സാ​ധ്യ​ത​ക​ൾ ഏ​റെ​യാ​ണെ​ന്ന് സാ​ങ്കേ​തി​ക വി​ദ​ഗ്ധ​ർ മു​ന്ന​റി​യി​പ്പ് ന​ൽ​കു​ന്നു.

എ​ന്നി​രു​ന്നാ​ലും, സാ​ങ്കേ​തി​ക​വി​ദ്യ അ​തി​ന്‍റെ പ്രാ​രം​ഭ ഘ​ട്ട​ത്തി​ലാ​ണെ​ന്നും സ്വ​കാ​ര്യ​ത ഉ​റ​പ്പു​വ​രു​ത്താ​നു​ള്ള സു​ര​ക്ഷാ സം​വി​ധാ​ന​ങ്ങ​ൾകൂ​ടി ഇ​തി​ൽ ഉ​ൾ​പ്പെ​ടു​ത്താ​നു​ള്ള ശ്ര​മ​ത്തി​ലാ​ണ് ത​ങ്ങ​ളെ​ന്നും ഗ​വേ​ഷ​ക​ർ പറയുന്നു.