കാ​ക്ക​നാ​ട്: കൈ​കൂ​ലി വാ​ങ്ങ​വേ, വ​ട​വു​കോ​ട് പു​ത്ത​ന്‍​കു​രി​ശ് പ​ഞ്ചാ​യ​ത്തി​ലെ ബി​ല്‍​ഡിം​ഗ് ഇ​ന്‍​സ്‌​പെ​ക്ട​ർ ടി. ദീപേഷിനെ വി​ജി​ല​ന്‍​സ് കൈ​യോ​ടെ പി​ടി​കൂ​ടി. പ​ഞ്ചാ​യ​ത്ത് പ​രി​ധി​ക്കു​ള്ളി​ല്‍ സ്വ​കാ​ര്യ​വ്യ​ക്തി നി​ര്‍​മി​ച്ച 55,000 ച​തു​ര​ശ്ര​യ​ടി ഗോ​ഡൗ​ണി​ന് ന​മ്പ​ര്‍ കി​ട്ടാ​നാ​യി ​ദീ​പേ​ഷ് 20 ല​ക്ഷം രൂ​പ​യാ​ണ് ആ​വ​ശ്യ​പ്പെ​ട്ട​ത്.

തു​ക രൊ​ക്കം പ​ണ​മാ​യി കി​ട്ട​ണ​മെ​ന്നും പ​ണം കി​ട്ടി​യാ​ല്‍ മാ​ത്ര​മേ ബി​ല്‍​ഡിം​ഗ് ന​മ്പ​ര്‍ ന​ല്‍​കു​ക​യു​ള്ളൂ എ​ന്നും ഇ​യാ​ള്‍ ഉ​ട​മ​യെ അ​റി​യി​ച്ചു. ച​ര്‍​ച്ച​ക​ള്‍​ക്കൊ​ടു​വി​ല്‍ 15 ല​ക്ഷം രൂ​പ ന​ല്‍​കി​യാ​ല്‍ കെ​ട്ടി​ട ന​മ്പ​ര്‍ ന​ല്‍​കാ​മെ​ന്നും പ​ണ​വു​മാ​യി കാ​ക്ക​നാ​ട് എ​ത്താ​നും ഇ​യാ​ള്‍ ആ​വ​ശ്യ​പ്പെ​ടു​ക​യാ​യി​രു​ന്നു. ഇ​ത​നു​സ​രി​ച്ച് അ​ഞ്ചു ല​ക്ഷം രൂ​പ​യു​ടെ ക​റ​ന്‍​സി​യും ദീ​പേ​ഷി​ന്‍റെ പേ​രി​ല്‍ 10 ല​ക്ഷം രൂ​പ​യു​ടെ ചെ​ക്കും ന​ല്‍​കു​ക​യാ​യി​രു​ന്നു.

സീ​പോ​ര്‍​ട്ട് - എ​യ​ര്‍​പോ​ര്‍​ട്ട് റോ​ഡി​ല്‍ പാ​ര്‍​ക്ക് റ​സി​ഡ​ന്‍​സി ഹോ​ട്ട​ലി​നു സ​മീ​പം കാ​റി​ല്‍ വ​ച്ച് തു​ക കൈ​മാ​റു​മ്പോ​ഴാ​ണ് ദീ​പേ​ഷി​നെ വി​ജി​ല​ന്‍​സ് പി​ടി​കൂ​ടി​യ​ത്.
15 കോ​ടി​യോ​ളം രൂ​പ ചെ​ല​വ​ഴി​ച്ച്‌ നി​ര്‍​മാ​ണം പൂ​ര്‍​ത്തി​യാ​ക്കി​യ ഗോ​ഡൗ​ണി​ന് 20 ല​ക്ഷം രൂ​പ​യാ​ണ് ഉ​ദ്യോ​ഗ​സ്ഥ​ന്‍ കൈ​കൂ​ലി​യാ​യി ആ​വ​ശ്യ​പ്പെ​ട്ട​തെ​ന്ന് വി​ജി​ല​ന്‍​സ് ഉ​ദ്യോ​ഗ​സ്ഥ​ര്‍ പ​റ​ഞ്ഞു.

കാ​സ​ര്‍​ഗോ​ഡ് സ്വ​ദേ​ശി​യാ​യ ഇ​യാ​ള്‍ വ​ട​വു​കോ​ട് പു​ത്ത​ന്‍​കു​രി​ശ് പ​ഞ്ചാ​യ​ത്തി​ല്‍ ഒ​രു മാ​സം മു​മ്പാ​ണ് ചു​മ​ത​ല​യേ​റ്റ​ത്. കാ​ക്ക​നാ​ട് തെ​ങ്ങോ​ടി​നു സ​മീ​പ​മു​ള്ള ഇ​യാ​ളു​ടെ വീ​ട്ടി​ല്‍ രാ​ത്രി വൈ​കി​യും വി​ജി​ല​ന്‍​സ് സം​ഘം പ​രി​ശോ​ധ​ന ന​ട​ത്തി​വ​രി​ക​യാ​ണ്.