ശ്രീ​ന​ഗ​ർ: സി​ന്ധു ന​ദീ​ജ​ല ക​രാ​ർ മ​ര​വി​പ്പി​ച്ച​തി​നു പി​ന്നാ​ലെ പാ​ക്കിസ്ഥാനിലേക്കുള്ള ജ​ല​ല​ഭ്യ​ത കു​റ​യ്ക്കാ​ൻ നിർണാ​യ​ക നീ​ക്ക​വുമായി ഇന്ത്യ. ര​വി ന​ദി​യി​ൽനി​ന്നു​ള്ള അ​ധി​ക​ജ​ലം പാക്കിസ്ഥാനി​ലേ​ക്ക് ഒ​ഴു​ക്കു​ന്ന​തു പൂ​ർണ​മാ​യും അവസാനിപ്പിക്കാനാ​ണ് ഇ​ന്ത്യ​യു​ടെ തീ​രു​മാ​നം.

പ​ഞ്ചാ​ബ്-​ജ​മ്മു കാഷ്മീ​ർ അ​തി​ർ​ത്തി​യി​ലു​ള്ള ഷാ​പു​ർ ക​ണ്ടി അ​ണ​ക്കെ​ട്ടിന്‍റെ നി​ർമാ​ണം അ​വ​സാ​ന ഘ​ട്ട​ത്തി​ലാ​ണെ​ന്നും മാ​ർ​ച്ചോ​ടെ ഇ​തു പ്ര​വ​ർ​ത്ത​ന​സ​ജ്ജ​മാ​കു​മെ​ന്നും ജ​മ്മു കാഷ്മീർ മ​ന്ത്രി ജാ​വേ​ദ് അ​ഹ​മ്മ​ദ് റാ​ണ അ​റി​യി​ച്ചു.

തറക്കല്ലിട്ടത് ഇന്ദിരാഗാന്ധി

അ​ഞ്ചു പ​തി​റ്റാ​ണ്ടു​ക​ൾ​ക്കു മു​മ്പ്, 1979ൽ ​വി​ഭാ​വ​നം ചെ​യ്ത പ​ദ്ധ​തി​യാ​ണി​ത്. 1982ൽ ​അ​ന്ന​ത്തെ പ്ര​ധാ​ന​മ​ന്ത്രി ഇ​ന്ദി​രാ​ഗാ​ന്ധി​യാ​ണ് അണക്കെട്ടിനു തറക്കല്ലിട്ടത്. എ​ന്നാ​ൽ, പ​ഞ്ചാ​ബും ജ​മ്മു കാഷ്മീരും ത​മ്മി​ലു​ണ്ടാ​യ ത​ർ​ക്ക​ങ്ങ​ളെ​ത്തു​ട​ർ​ന്നു നി​ർമാ​ണം വ​ർ​ഷ​ങ്ങ​ളോ​ളം മുടങ്ങിക്കിടക്കുകയായിരുന്നു. പി​ന്നീ​ട് 2008ൽ ​കേ​ന്ദ്ര സ​ർ​ക്കാ​ർ ഇ​തി​നെ ദേ​ശീ​യ പ​ദ്ധ​തി​യാ​യി പ്ര​ഖ്യാ​പി​ച്ചു. 3,394.49 കോ​ടി രൂ​പ ചെ​ല​വ​ഴി​ച്ചാ​ണ് അ​ണ​ക്കെ​ട്ട് നി​ർമാണം പൂർത്തിയാക്കുന്നത്.

നി​ല​വി​ൽ മാ​ധോ​പു​ർ വ​ഴി പാക്കിസ്ഥാനിലേക്ക് ഒ​ഴു​കു​ന്ന ര​വി ന​ദി​യി​ലെ ജലം അ​ണ​ക്കെ​ട്ട് യാ​ഥാ​ർഥ്യ​മാ​കു​ന്ന​തോ​ടെ ഇ​ന്ത്യ​ക്കു പൂർണമായും ഉ​പ​യോ​ഗി​ക്കാ​നാ​കും.

ജ​മ്മു കാഷ്മീരിലെ ക​ഠു​വ, സാം​ബ തു​ട​ങ്ങി​യ വ​ര​ൾ​ച്ചാ​ബാ​ധി​ത പ്ര​ദേ​ശ​ങ്ങ​ളി​ലെ കൃ​ഷി​ക്കും കു​ടി​വെ​ള്ള​ത്തി​നു​മാ​യാ​ണ് ഈ ​വെ​ള്ളം പ്ര​ധാ​ന​മാ​യും വ​ഴി​തി​രി​ച്ചു​വി​ടു​ക. പ​ഞ്ചാ​ബി​ലെ 5,000 ഹെ​ക്ട​റി​ലും ജ​മ്മു കാഷ്മീരിലെ 32,173 ഹെ​ക്ട​റി​ലും ജ​ല​സേ​ച​ന സൗ​ക​ര്യം ല​ഭ്യമാകും.

പാക്കിസ്ഥാൻ വിഷമിക്കും

ഭീ​ക​ര​വാ​ദ​ത്തോ​ടു​ള്ള പാ​ക്കിസ്ഥാന്‍റെ നില​പാ​ടി​ൽ പ്ര​തി​ഷേ​ധി​ച്ച് 2025 ഏ​പ്രി​ലി​ലാ​ണ് സി​ന്ധു ന​ദീ​ജ​ല ക​രാ​ർ ഇന്ത്യ മ​ര​വി​പ്പിക്കുന്നത്. ഇ​തിനു പി​ന്നാ​ലെ സ​വാ​ൽ​കോ​ട്ട്, ര​ത്‌​ലെ തു​ട​ങ്ങി​യ വി​വി​ധ ജ​ല​വൈ​ദ്യു​ത പ​ദ്ധ​തി​ക​ളു​ടെ നി​ർമാ​ണ​വും കേന്ദ്രസർക്കാർ വേ​ഗ​ത്തി​ലാ​ക്കി​യി​ട്ടു​ണ്ട്.

ര​വി ന​ദി​ക്കു മേ​ൽ ഇ​ന്ത്യക്കു പൂ​ർണ അ​വ​കാ​ശ​മു​ള്ള​തി​നാ​ൽ പു​തി​യ അ​ണ​ക്കെ​ട്ടി​ന്‍റെ പ്ര​വ​ർ​ത്ത​നം രാ​ജ്യാ​ന്ത​ര നി​യ​മ​ങ്ങ​ളു​ടെ ലം​ഘ​ന​മാ​കില്ല സർക്കാർവൃത്തങ്ങൾ ചൂ​ണ്ടി​ക്കാ​ട്ടി. വേ​ന​ൽ​ക്കാ​ലം ആ​രം​ഭി​ക്കാ​നി​രി​ക്കെ ഇ​ന്ത്യ​യു​ടെ ​നീ​ക്കം പാ​ക്കിസ്ഥാന്‍റെ കാ​ർ​ഷി​ക മേ​ഖ​ല​യ്ക്കു വ​ലി​യ തി​രി​ച്ച​ടി​യാ​കും.