തിരുവനന്തപുരം: ആരോഗ്യം, പരിസ്ഥിതി, സുസ്ഥിരത എന്നീ മേഖലകളില് സൂക്ഷ്മാണുക്കളുടെ പങ്ക് ശാസ്ത്രീയമായി പഠിക്കുന്നതിനും സമൂഹത്തിന്റെ ഗുണത്തിനായി ഉപയോഗിക്കുന്നതിനുമായി സംസ്ഥാന സര്ക്കാര് ആരംഭിച്ച സെന്റര് ഓഫ് എക്സലന്സ് ഇന് മൈക്രോബയോം മുഖ്യമന്ത്രി പിണറായി വിജയന് നാടിനു സമര്പ്പിക്കും.
നാളെ കഴക്കൂട്ടം കിന്ഫ്ര പാര്ക്കിലെ സെന്റര് ഓഫ് എക്സലന്സില് സംഘടിപ്പിക്കുന്ന ചടങ്ങില് സെന്ററിന്റെ സമര്പ്പണവും സംസ്ഥാന സൂക്ഷ്മാണുവിന്റെ പ്രഖ്യാപനവും മുഖ്യമന്ത്രി നിര്വഹിക്കും.
ഇതോടെ സ്വന്തം സംസ്ഥാന സൂക്ഷ്മാണുവിനെ പ്രഖ്യാപിക്കുന്ന രാജ്യത്തെ ആദ്യ സംസ്ഥാനമായി കേരളം മാറും.
മനുഷ്യാരോഗ്യം, പോഷണം, രോഗപ്രതിരോധം എന്നിവയ്ക്കൊപ്പം കൃഷി, മത്സ്യസമ്പത്ത്, പരിസ്ഥിതി സംരക്ഷണം തുടങ്ങിയ മേഖലകളിലെല്ലാമുള്ള മൈക്രോബയോം അധിഷ്ഠിത ട്രാന്സ്ലേഷണല് ഗവേഷണങ്ങള് ഒറ്റക്കുടക്കീഴില് എത്തിക്കുന്ന രാജ്യത്തെ ആദ്യ സ്ഥാപനം എന്ന പ്രത്യേകതയും സെന്റര് ഓഫ് എക്സലന്സ് ഇന് മൈക്രോബയോമിനുണ്ട്.
E-paper LOGIN
LOGIN
