കൊച്ചി: സര്ക്കാര് ജീവനക്കാരുടെ ആരോഗ്യ ഇന്ഷ്വറന്സ് പദ്ധതിയായ മെഡിസെപ് നിര്ബന്ധമാക്കിയതിനെതിരായ ഹര്ജിയില് ഹൈക്കോടതി സര്ക്കാരിന്റെ വിശദീകരണം തേടി. കേരള പ്രദേശ് സ്കൂള് ടീച്ചേഴ്സ് അസോസിയേഷന് നല്കിയ ഹര്ജിയാണ് ജസ്റ്റീസ് എന്. നഗരേഷ് പരിഗണിച്ചത്.
മെഡിസെപ് പരാജയമാണെന്നും അതിനാല് ഓപ്ഷണലാക്കുകയോ പകരം സമഗ്ര ഇന്ഷ്വറന്സ് പദ്ധതി നടപ്പാക്കുകയോ വേണമെന്നാണ് ഹര്ജിയിലെ ആവശ്യം. മിക്ക ആശുപത്രികളും പദ്ധതിക്കു പുറത്താണ്.
മെഡിസെപ്പില് എംപാനല് ചെയ്തിരുന്ന പല ആശുപത്രികളും ചികിത്സ നല്കിയതിന്റെ പണം കിട്ടാതെ പിന്മാറി. പല രോഗങ്ങളും ഇതിന്റെ കവറേജില് വരുന്നില്ല. മെഡിസെപ്പിലെ വിവരശേഖരണം സ്വകാര്യതയുടെ ലംഘനമാണ്. ജീവനക്കാരുടെ സമ്മതമില്ലാതെയാണു ശമ്പളത്തില്നിന്നു പ്രീമിയം പിടിക്കുന്നത്.
സ്കീം മെച്ചപ്പെടുത്തിക്കൂടേ എന്ന് വാദത്തിനിടെ ഹൈക്കോടതി ചോദിച്ചു. തുടര്ന്ന് സത്യവാങ്മൂലം നല്കാനും നിര്ദേശിച്ചു.
E-paper LOGIN
LOGIN
