പോ​ർ​ച്ചു​ഗീ​സ് ക​പ്പി​ത്താ​നാ​യ വാ​സ്കോ ഡ ​ഗാ​മ​യു​ടെ നേ​തൃ​ത്വ​ത്തി​ലു​ള്ള വാ​ണി​ജ്യ​സം​ഘം 1498ൽ ​കോ​ഴി​ക്കോ​ട്ടേ​ക്കു​ള്ള യാ​ത്രാ​മ​ധ്യേ അ​റ​ബി​ക്ക​ട​ലി​ലെ ഒ​രു ചെ​റു ദ്വീ​പ​സ​മൂ​ഹ​ത്തി​ൽ ഇ​റ​ങ്ങി. ആ ​ദ്വീ​പി​ന് സെ​ന്‍റ് മേ​രീ​സ് ഐ​ല​ൻ​ഡ് എ​ന്നു പേ​രും ന​ൽ​കി. അ​ദ്ദേ​ഹം ആ​ദ്യം കാ​ലു​കു​ത്തി​യ​തു​മാ​യി ബ​ന്ധ​പ്പെ​ട്ട് കാ​പ്പാ​ടും പ​ന്ത​ലാ​യി​നി​യു​മൊ​ക്കെ ച​ർ​ച്ച​ക​ളി​ൽ വ​ന്നെ​ങ്കി​ലും ഈ ​ദ്വീ​പി​ന്‍റെ കാ​ര്യം അ​ധി​ക​മാ​രും അ​റി​യാ​ത്ത ച​രി​ത്ര​മാ​യി.

ക​ർ​ണാ​ട​ക​യി​ലെ ക്ഷേ​ത്ര​ന​ഗ​ര​മാ​യ ഉ​ഡു​പ്പി​യി​ൽ​നി​ന്ന് ആ​റു കി​ലോ​മീ​റ്റ​ർ പ​ടി​ഞ്ഞാ​റു മാ​റി​യു​ള്ള മാ​ൽ​പേ തീ​ര​ത്തി​ന​ടു​ത്താ​ണ് ഗാ​മ ഇ​റ​ങ്ങി​യ സെ​ന്‍റ് മേ​രീ​സ് ദ്വീ​പ്. കോ​ക്ക​ന​ട്ട് ഐ​ല​ൻ​ഡ് എ​ന്നും ഇ​തി​നു പേ​രു​ണ്ട്. ഗാ​മ ഈ ​ദ്വീ​പി​ന് പോ​ർ​ച്ചു​ഗീ​സ് ഭാ​ഷ​യി​ൽ ഓ ​പാ​ദ്രോ ഡി ​സാ​ന്താ മ​രി​യ എ​ന്നു പേ​രി​ടു​ക​യും ഒ​രു കു​രി​ശു സ്ഥാ​പി​ക്കു​ക​യും ചെ​യ്തു​വെ​ന്ന് ഇ​വി​ടെ രേ​ഖ​പ്പെ​ടു​ത്തി​യി​ട്ടു​ണ്ട്. അ​തി​ന്‍റെ അ​വ​ശി​ഷ്ട​ങ്ങ​ൾ സം​ര​ക്ഷി​ക്ക​പ്പെ​ടു​ക​യും ചെ​യ്യു​ന്നു.

നീ​ല​ക്ക​ട​ലും വെ​ണ്‍​മ​ണ​ലും ശി​ല്പ​ഭം​ഗി​യു​ള്ള പാ​റ​ക്കൂ​ട്ട​ങ്ങ​ളും വ​ശ്യ​മാ​യ പ​ച്ച​പ്പും ചേ​ർ​ന്ന് സ​ഞ്ചാ​രി​ക​ൾ​ക്ക് സ്വ​പ്ന​സ​മാ​ന​മാ​യ കാ​ഴ്ചാ​നു​ഭ​വ​മാ​ണ് സെ​ന്‍റ് മേ​രീ​സ് ഐ​ല​ൻ​ഡ് സ​മ്മാ​നി​ക്കു​ന്ന​ത്. മാ​ൽ​പേ ഹാ​ർ​ബ​റി​ൽ​നി​ന്ന് ഇ​രു​പ​തു മി​നി​റ്റ് ബോ​ട്ടു​യാ​ത്ര​ചെ​യ്താ​ൽ ദ്വീ​പി​ലെ​ത്താം. അ​ല്പം സാ​ഹ​സി​ക​ത ഇ​ഷ്ട​പ്പെ​ടു​ന്ന സ​ഞ്ചാ​രി​ക​ൾ​ക്ക് പ്രി​യ​ങ്ക​ര​മാ​കും ഈ ​യാ​ത്ര.

നാ​ലു ദ്വീ​പു​ക​ളു​ടെ കൂ​ട്ടം 

നാ​ലു ചെ​റു​ദ്വീ​പു​ക​ളു​ടെ കൂ​ട്ട​മാ​ണ് ഇ​ത്. ഏ​താ​ണ്ട് 500 മീ​റ്റ​ർ നീ​ള​വും 100 മീ​റ്റ​ർ വീ​തി​യും 10 മീ​റ്റ​ർ ശ​രാ​ശ​രി പൊ​ക്ക​വു​മു​ണ്ട്. രാ​ജ്യ​ത്തെ 34 നാ​ഷ​ണ​ൽ ജി​യോ​ള​ജി​ക്ക​ൽ സ്മാ​ര​ക​ങ്ങ​ളി​ൽ ഒ​ന്നാ​യ ഇ​ത് ജി​യോ ടൂ​റി​സ​ത്തി​ന്‍റെ പ്ര​ധാ​ന കേ​ന്ദ്ര​മാ​ണ്. 2001ൽ ​ജി​യോ​ള​ജി​ക്ക​ൽ സ​ർ​വേ ഓ​ഫ് ഇ​ന്ത്യ ഈ ​ദ്വീ​പു​ക​ളെ ദേ​ശീ​യ ഭൗ​മ​ശാ​സ്ത്ര സ്മാ​ര​ക​മാ​യി പ്ര​ഖ്യാ​പി​ച്ചു. പൂ​ർ​ണ​മാ​യും അ​ഗ്നി​ശി​ല​ക​ളാ​ണ് ഇ​വ. പാ​റ​ക​ളു​ടെ പ​ഴ​ക്ക​ത്തെ​പ്പ​റ്റി വ്യ​ത്യ​സ്ത അ​ഭി​പ്രാ​യ​ങ്ങ​ളാ​ണു​ള്ള​ത്.

മാ​ൽ​പേ​യി​ൽ​നി​ന്ന് ബോ​ട്ടു​ക​ൾ ദ്വീ​പി​ന്‍റെ കി​ഴ​ക്കേ തീ​ര​ത്താ​ണ് എ​ത്തു​ക. ക​ക്ക​ക​ൾ നി​റ​ഞ്ഞ വെ​ള്ള​മ​ണ​ൽ തീ​ര​ത്തെ അ​ല​ങ്ക​രി​ക്കു​ന്നു.
തു​റ​മു​ഖ​ത്തു​നി​ന്ന് ഒ​ട്ടേ​റെ ബോ​ട്ടു​ക​ൾ ഇ​വി​ടേ​ക്കു സ​ർ​വീ​സ് ന​ട​ത്തു​ന്നു​ണ്ട്. ബോ​ട്ട് എ​ത്തു​ന്ന തീ​ര​മൊ​ഴി​കെ മൂ​ന്നു​വ​ശ​ങ്ങ​ളും പാ​റ​ക്കെ​ട്ടു​ക​ൾ നി​റ​ഞ്ഞു​നി​ൽ​ക്കു​ന്നു. പ​ടി​ഞ്ഞാ​റു​വ​ശ​ത്ത് വി​വി​ധ ആ​കൃ​തി​യി​ലും വ​ലി​പ്പ​ത്തി​ലു​മു​ള്ള ബ​സാ​ൾ​ട്ടി​ക് പാ​റ​ക​ളാ​ണ്. ഈ ​പാ​റ​ക​ളാ​ണ് സ​ഞ്ചാ​രി​ക​ളു​ടെ പ്ര​ധാ​ന ആ​ക​ർ​ഷ​ണം.

85 ദ​ശ​ല​ക്ഷം വ​ർ​ഷ​ങ്ങ​ൾ​ക്കു​മു​ന്പു​ണ്ടാ​യ അ​ഗ്നി​പ​ർ​വ​ത സ്ഫോ​ട​ന​ത്തി​ന്‍റെ ബാ​ക്കി​യാ​ണ് ഈ ​പാ​റ​ക്കൂ​ട്ട​മെ​ന്നാ​ണ് പ​റ​യ​പ്പെ​ടു​ന്ന​ത്. ലാ​വാ പ്ര​വാ​ഹം കു​ഴി​ക​ളി​ൽ ശേ​ഖ​രി​ക്ക​പ്പെ​ടു​ക​യും ലാ​വ ത​ണു​ത്തു​റ​ഞ്ഞ് മ​നോ​ഹ​ര​മാ​യ പാ​റ​ക്കെ​ട്ടു​ക​ളാ​യി രൂ​പാ​ന്ത​ര​പ്പെ​ടു​ക​യും ചെ​യ്തു​വ​ത്രേ.

നൂ​റു​ക​ണ​ക്കി​നു സ​ഞ്ചാ​രി​ക​ളാ​ണ് ദി​വ​സ​വും ദ്വീ​പി​ലേ​ക്ക് എ​ത്തു​ന്ന​ത്. സു​ന്ദ​ര​മാ​യ മാ​ൽ​പേ ബീ​ച്ചി​ന്‍റെ സാ​മീ​പ്യ​വും സു​ര​ക്ഷി​ത​മാ​യ ബോ​ട്ട് സ​ർ​വീ​സും സ​ന്ദ​ർ​ശ​ക​രു​ടെ എ​ണ്ണം കൂ​ട്ടു​ന്നു. സു​ര​ക്ഷ​യ്ക്കാ​യി ജാ​ഗ്ര​ത​യോ​ടെ ഗാ​ർ​ഡു​ക​ളു​ണ്ട്. സെ​പ്റ്റം​ബ​ർ മു​ത​ൽ മേ​യ് വ​രെ​യാ​ണ് ഐ​ല​ൻ​ഡ് സ​ന്ദ​ർ​ശ​ന​ത്തി​ന് ഏ​റ്റ​വും അ​നു​യോ​ജ്യ​മാ​യ സ​മ​യം. മം​ഗ​ളൂ​രു​വി​ൽ​നി​ന്ന് 58 കി​ലോ​മീ​റ്റ​ർ യാ​ത്ര​ചെ​യ്താ​ൽ മാ​ൽ​പേ​യി​ൽ എ​ത്താം.

കോ​ക്ക​ന​ട്ട് ദ്വീ​പ് 

മാ​ൽ​പേ ബീ​ച്ചി​ൽ​നി​ന്ന് ദ്വീ​പി​ലേ​ക്കു നോ​ക്കു​ന്പോ​ൾ ആ​ദ്യം കാ​ണു​ക ഉ​യ​ർ​ന്നു​നി​ൽ​ക്കു​ന്ന തെ​ങ്ങു​ക​ളാ​ണ്. പ​ണ്ടി​വി​ടെ ധാ​രാ​ളം തെ​ങ്ങു​ക​ളു​ണ്ടാ​യി​രു​ന്നു. അ​തു​കൊ​ണ്ടു​ത​ന്നെ​യാ​ണ് കോ​ക്ക​ന​ട്ട് ഐ​ല​ൻ​ഡ് എ​ന്ന പേ​രു​വ​ന്ന​തും.

ഇ​പ്പോ​ൾ തെ​ങ്ങു​ക​ളി​ലേ​റെ​യും ന​ശി​ച്ചു​പോ​യി. ബാ​ക്കി​യു​ള്ള​വ​യും കു​റ്റി​ച്ചെ​ടി​ക​ളും വ​ള്ളി​പ്പ​ട​ർ​പ്പു​ക​ളു​മാ​ണ് ദ്വീ​പി​ന് ഹ​രി​ത​സൗ​ന്ദ​ര്യം ന​ൽ​കു​ന്ന​ത്. ദ്വീ​പി​നെ പ്ലാ​സ്റ്റി​ക് ര​ഹി​ത​മാ​യി നി​ല​നി​ർ​ത്താ​നു​ള്ള ശ്ര​മ​ങ്ങ​ൾ ന​ട​ക്കു​ന്നു​ണ്ട്.

വാ​സ്കോ ഡ ​ഗാ​മ ഇ​വി​ടെ എ​ത്തി​യ ച​രി​ത്ര​ത്തി​ന് വേ​ണ്ട​ത്ര പ്ര​ചാ​രം ല​ഭി​ക്കാ​തെ​പോ​കു​ക​യാ​യി​രു​ന്നു. അ​ഞ്ച​ര​നൂ​റ്റാ​ണ്ടു​മു​ന്പ് മൈ​ലു​ക​ൾ​ക്ക​പ്പു​റ​ത്തു​നി​ന്ന് ന​മ്മു​ടെ നാ​ടു തേ​ടി​യെ​ത്തി​യ നാ​വി​ക​ൻ ല​ക്ഷ്യ​ത്തി​ലെ​ത്തി​യ​പ്പോ​ൾ ത​ന്‍റെ വി​ശ്വാ​സ​പ്ര​ഖ്യാ​പ​നം ന​ട​ത്തി​യ​ത് ഈ ​ദ്വീ​പി​ലാ​ണെ​ന്ന​ത് വി​സ്മ​യ​ക​രം​ത​ന്നെ. സ​ന്ദ​ർ​ശ​ക​രു​ടെ എ​ണ്ണം കൂ​ടി​വ​രു​ന്ന​ത് ആ​ശാ​വ​ഹം.