ന്യൂഡല്ഹി: കേരള കോണ്ഗ്രസ് എമ്മിന്റെ മുന്നണിമാറ്റത്തെ എതിര്ത്തത് മന്ത്രി റോഷി അഗസ്റ്റിനാണെന്ന സിപിഎം ഇടുക്കി ജില്ലാ സെക്രട്ടറി സി.വി. വര്ഗീസിന്റെ ശബ്ദ സന്ദേശത്തില് പ്രതികരിച്ച് ജോസ് കെ. മാണി.
കേരള കോണ്ഗ്രസ് ബൂര്ഷ്വാ പാര്ട്ടി അല്ലെന്ന് ജോസ് കെ മാണി പറഞ്ഞു. കെ.എം. മാണിയുടെ അധ്വാന വര്ഗ സിദ്ധാന്തം വായിച്ചവര് അങ്ങനെ പറയില്ലെന്നും ജോസ് കൂട്ടിച്ചേര്ത്തു.
സി.വി. വര്ഗീസ് അങ്ങനെ പറയും എന്ന് കരുതുന്നില്ല. മുന്നണി മാറ്റം സംബന്ധിച്ച് പാര്ട്ടിയില് വ്യത്യസ്ത അഭിപ്രായം ഉണ്ടായിട്ടില്ല. പിണറായിയും കോടിയേരിയുമാണ് ഞങ്ങളെ മുന്നണിയില് കൊണ്ടുവന്നത്. കത്തോലിക്കാ സഭ ഒരിക്കലും രാഷ്ട്രീയത്തില് ഇടപെടാറില്ല. മുന്നണി മാറ്റത്തില് പാര്ട്ടി മുമ്പ് നിലപാട് അറിയിച്ചതാണെന്നും ചില വാര്ത്തകൾ മാധ്യമ സൃഷ്ടികളാണെന്നും ജോസ് പറഞ്ഞു.
ശരിയായ നിലപാടെടുക്കാന് റോഷി അഗസ്റ്റിന് സിപിഎമ്മാണ് പിന്ബലം നല്കിയതെന്ന് വര്ഗീസ് പറയുന്ന ശബ്ദരേഖയാണ് പുറത്തുവന്നത്. പാര്ട്ടി കമ്മിറ്റിയില് വര്ഗീസ് നടത്തിയ പ്രസംഗത്തിന്റെ ശബ്ദരേഖയാണ് പുറത്ത് വന്നത്.
കേരള കോണ്ഗ്രസിന്റെ മുന്നണിമാറ്റം തടയാനായത് രാഷ്ട്രീയ വിജയമാണെന്നും ചെയര്മാനടക്കം മുന്നണിമാറ്റത്തിനായി ആവശ്യം ഉന്നയിച്ചപ്പോള് പാര്ട്ടിയെ വേരോടെ പിടിച്ചുനിര്ത്തിയത് റോഷി അഗസ്റ്റിനാണെന്നും വർഗീസ് പറയുന്നുണ്ട്.
E-paper LOGIN
LOGIN