ഇ​ന്ത്യ​ൻ സി​നി​മ​യ്ക്ക് ഓ​സ്ക​ർ തി​ള​ക്കം സ​മ്മാ​നി​ച്ച സം​ഗീ​ത സം​വി​ധാ​യ​ക​ൻ എം.​എം. കീ​ര​വാ​ണി മ​റ്റൊ​രു ച​രി​ത്ര​നേ​ട്ട​ത്തി​ൽ. റി​പ്പ​ബ്ലി​ക് ദി​ന പ​രേ​ഡി​ന് സം​ഗീ​തം ഒ​രു​ക്കാ​നു​ള്ള അ​പൂ​ർ​വ ബ​ഹു​മ​തി കീ​ര​വാ​ണി​യെ തേ​ടി​യെ​ത്തി​യി​രി​ക്കു​ക​യാ​ണ്. വ​ന്ദേ​മാ​ത​രം എ​ന്ന അ​ന​ശ്വ​ര ഗാ​ന​ത്തി​ന്‍റെ 150-ാം വാ​ർ​ഷി​കാ​ഘോ​ഷ​ങ്ങ​ളു​ടെ ഭാ​ഗ​മാ​യാ​ണ് കീ​ര​വാ​ണി​യെ​ത്തേ​ടി അ​വ​സ​ര​മെ​ത്തി​യ​ത്.

കേ​ന്ദ്ര സാം​സ്കാ​രി​ക മ​ന്ത്രാ​ല​യ​ത്തി​ന്‍റെ കീ​ഴി​ൽ ഒ​രു​ങ്ങു​ന്ന വ​ന്ദേ​മാ​ത​രം എ​ന്ന ഗാ​ന​ത്തി​നു സം​ഗീ​തം ന​ൽ​കു​ന്ന​ത് താ​നാ​ണെ​ന്ന വി​വ​രം കീ​ര​വാ​ണി ത​ന്നെ​യാ​ണ് സോ​ഷ്യ​ൽ മീ​ഡി​യ​യി​ലൂ​ടെ പ​ങ്കു​വ​ച്ച​ത്. ഇ​ന്ത്യ​യു​ടെ നാ​നാ​ഭാ​ഗ​ങ്ങ​ളി​ൽ​നി​ന്നു​ള്ള 2,500 ക​ലാ​കാ​ര​ന്മാ​രാ​ണ് കീ​ര​വാ​ണി​യു​ടെ സം​ഗീ​ത​വി​രു​ന്നി​ൽ അ​ണി​നി​ര​ക്കു​ന്ന​ത്.

ജ​നു​വ​രി 26-ലെ ​റി​പ്പ​ബ്ലി​ക് ദി​ന പ​രേ​ഡി​ൽ വ​ന്ദേ​മാ​ത​രം എ​ന്ന ഐ​തി​ഹാ​സി​ക ഗാ​ന​ത്തി​ന് സം​ഗീ​തം ന​ൽ​കാ​ൻ‌ ക​ഴി​ഞ്ഞ​തി​ൽ താ​ൻ അ​തീ​വ സ​ന്തു​ഷ്ട​നും അ​ഭി​മാ​നി​ത​നു​മാ​ണെ​ന്നും രാ​ജ്യ​ത്തി​ന്‍റെ ആ​ത്മാ​വി​നെ ആ​ഘോ​ഷി​ക്കാ​ൻ ന​മു​ക്ക് ഒ​ന്നി​ക്കാ​മെ​ന്നും കീ​ര​വാ​ണി എ​ക്സി​ൽ കു​റി​ച്ചു.

77-ാം റി​പ്പ​ബ്ലി​ക് ദി​നാ​ഘോ​ഷ​ങ്ങ​ൾ​ക്കാ​യി ക​ർ​ത്ത​വ്യ​പ​ഥി​ൽ ഒ​രു​ക്ക​ങ്ങ​ൾ ത​കൃ​തി​യാ​യി ന​ട​ക്കു​ക​യാ​ണ്. യൂ​റോ​പ്യ​ൻ കൗ​ൺ​സി​ൽ പ്ര​സി​ഡ​ന്‍റ് അ​ന്‍റോ​ണി​യോ ലൂ​യി​സ് സാ​ന്‍റോ​സ് ഡാ ​കോ​സ്റ്റ, യൂ​റോ​പ്യ​ൻ ക​മ്മീ​ഷ​ൻ പ്ര​സി​ഡ​ന്‍റ് ഉ​ർ​സു​ല വോ​ൺ ഡെ​ർ ലെ​യ​ൻ എ​ന്നി​വ​രാ​ണ് ഇ​ത്ത​വ​ണ​ത്തെ മു​ഖ്യാ​തി​ഥി​ക​ൾ.

ഇ​ന്ത്യ​ൻ ച​ല​ച്ചി​ത്ര ലോ​ക​ത്ത് ത​ന്‍റേ​താ​യ മു​ദ്ര പ​തി​പ്പി​ച്ച കീ​ര​വാ​ണി, ആ​ർ​ആ​ർ​ആ​ർ എ​ന്ന ചി​ത്ര​ത്തി​ലെ നാ​ട്ടു നാ​ട്ടു... എ​ന്ന ഗാ​ന​ത്തി​ലൂ​ടെ​യാ​ണ് ഓ​സ്ക​ർ വേ​ദി​യി​ൽ ഇ​ന്ത്യ​യു​ടെ യ​ശ​സു​യ​ർ​ത്തി​യ​ത്. ഇ​പ്പോ​ൾ രാ​ജ്യ​ത്തി​ന്‍റെ റി​പ്പ​ബ്ലി​ക് ദി​ന ആ​ഘോ​ഷ​ങ്ങ​ൾ​ക്ക് അ​ദ്ദേ​ഹം സം​ഗീ​തം പ​ക​രു​ന്നു എ​ന്ന​തു ച​ല​ച്ചി​ത്ര​മേ​ഖ​ല​യ്ക്കും ആ​വേ​ശ​മാ​ണു പ​ക​രു​ന്ന​ത്.