തിരുവനന്തപുരം: ചന്ദ്രിക പത്രത്തിന്‍റെ ചീഫ് ഫോട്ടോഗ്രാഫർ കെ. ഗോപകുമാർ (58) കാരയ്ക്കാമണ്ഡപത്തിനു സമീപം വാഹനാപകടത്തിൽ മരിച്ചു. ഗോപകുമാർ സഞ്ചരിച്ചിരുന്ന ബൈക്കിൽ കെഎസ്ആർടിസി ബസ് ഇടിക്കുകയായിരുന്നു എന്നാണ് പ്രാഥമിക വിവരം. ബൈക്കിൽ ഒപ്പമുണ്ടായിരുന്ന ഭാര്യ ബിന്ദുവിന് പരുക്കേറ്റു. ഗോപകുമാറിന്‍റെ മൃതദേഹം ഇപ്പോൾ പിആർഎസ് ആശുപത്രിയിൽ. നേരത്തെ ദീപിക,  രാഷ്‌ട്രദീപിക തിരുവനന്തപുരം യൂണിറ്റിൽ അദ്ദേഹം ഫോട്ടോഗ്രാഫറായി ജോലി ചെയ്തിരുന്നു.