വെള്ളരിക്കുണ്ട്: കർഷകസ്വരാജ് സത്യഗ്രഹത്തോടനുബന്ധിച്ച് ഈരാറ്റുപേട്ടയിൽ നടക്കുന്ന അനിശ്ചിതകാല നിരാഹാരസമരത്തിന് തുടർച്ചയായി വെള്ളരിക്കുണ്ടിൽ 100 മണിക്കൂർ ഉപവാസം ആരംഭിച്ചു.
ഉപവാസമനുഷ്ഠിക്കുന്ന കൊന്നക്കാട് ചൈത്രവാഹിനി ഫാർമേഴ്സ് ക്ലബ് സെക്രട്ടറി ഇ.കെ. ഷിനോജിനെ സീനിയർ സിറ്റിസൺ ഫോറം സംസ്ഥാന സെക്രട്ടറി ജോർജ് വർഗീസ് സത്യഗ്രഹഹാരമണിയിച്ച് ഉദ്ഘാടനം ചെയ്തു. സീനിയർ സിറ്റിസൺ ഫോറം ജില്ലാ വൈസ് പ്രസിഡന്റ് കെ.സി. മൈക്കിൾ, ജില്ലാ സെക്രട്ടറി എം. ഗംഗാധരൻ, ജോസ് മണിയങ്ങാട്ട്, ബേബി ചെമ്പരത്തി എന്നിവർ പ്രസംഗിച്ചു.