നാളെ അസൈൻമെന്‍റ് സമർപ്പിക്കേണ്ടിയിരുന്ന പ്രൈവറ്റ് രജിസ്ട്രേഷൻ അഞ്ചാം സെമസ്റ്റർ ബിരുദം (റെഗുലർ - 2023 പ്രവേശനം/ സപ്ലിമെന്‍ററി - 2020, 2021, 2022 പ്രവേശനം), നവംബർ 2025 സെഷൻ, വിദ്യാർഥികൾ, അസൈൻമെന്‍റുകൾ 13 ന് സ്കൂൾ ഓഫ് ലൈഫ് ലോംഗ് ലേണിംഗ് ഓഫിസിൽ സമർപ്പിക്കേണ്ടതാണ്. അസൈൻമെന്‍റ് സമർപ്പിക്കേണ്ട സമയക്രമത്തിൽ മാറ്റമില്ല.

തത്സമയ പ്രവേശനം

കണ്ണൂർ സർവകലാശാല ഡിപ്പാർട്ട്മെന്‍റ് ഓഫ് മാനേജ്മെന്‍റ് സ്റ്റഡീസ്, താവക്കര കാമ്പസിൽ കോസ്റ്റ് ഷേറിംഗ് അടിസ്ഥാനത്തിൽ 2025-26 അധ്യയനവർഷം നടത്തുന്ന “മാസ്റ്റർ ഓഫ് ബിസിനസ് അഡ്മിനിസ്ട്രേഷൻ (എംബിഎ) - എക്സിക്യൂട്ടീവ് - ഈവനിംഗ്" പ്രോഗ്രാമിലെ ഒഴിവുള്ള ഏതാനും സീറ്റുകളിലേക്ക് താത്പര്യമുള്ളവർ യോഗ്യത തെളിയിക്കുന്ന അസൽ സർട്ടിഫിക്കറ്റുകളുമായി 16 നു രാവിലെ 11 ന് താവക്കര കാമ്പസിലെ സ്കൂൾ ഓഫ് ലൈഫ് ലോംഗ് ലേണിംഗിൽ നേരിട്ട് ഹാജരായി പ്രവേശനം നേടാവുന്നതാണ്. യോഗ്യത: ബിരുദവും സർക്കാർ/സ്വകാര്യ സ്ഥാപനങ്ങളിൽ കുറഞ്ഞത് രണ്ട് വർഷത്തെ പ്രവൃത്തി പരിചയവും. കോഴ്‌സ് ഫീസ്: ഓരോ സെമസ്റ്ററിനും 35,000 രൂപ-. ക്ലാസുകൾ ഫെബ്രുവരി മൂന്നാം വാരം ആരംഭിക്കുന്നതാണ്. ഫോൺ: 0497 2715183.

 ഹാൾടിക്കറ്റ്

സർവകലാശാലയുടെ ഭൂമിശാസ്ത്ര പഠനവകുപ്പിലെ ഒന്നാം സെമസ്റ്റർ പിജി ഡിപ്ലോമ ഇൻ ജിയോഇൻഫർമാറ്റിക്‌സ് ഫോർ സ്പെഷൽ പ്ലാനിംഗ് (റെഗുലർ/ സപ്ലിമെന്‍ററി ) നവംബർ 2025 പരീക്ഷയുടെ നോമിനൽ റോൾ, ഹാൾടിക്കറ്റ് എന്നിവ സർവകലാശാല വെബ്സൈറ്റിൽ ലഭ്യമാണ്.

 പരീക്ഷാ ഫലം

പ്രൈവറ്റ് രജിസ്ട്രേഷൻ നാലാം സെമസ്റ്റർ ബിഎ/ബിബിഎ/ബികോം (റെഗുലർ/സപ്ലിമെന്‍ററി /ഇംപ്രൂവ്മെന്‍റ്) ഏപ്രിൽ 2025 പരീക്ഷകളുടെ ഫലം സർവകലാശാല വെബ്സൈറ്റിൽ ലഭ്യമാണ്. മാർക്ക് ലിസ്റ്റിന്‍റെ പകർപ്പെടുത്ത് സൂക്ഷിക്കേണ്ടതാണ്. പുനഃപരിശോധന/സൂക്ഷ്മ പരിശോധന/ പകർപ്പ് എന്നിവയ്ക്കായുള്ള ഓൺലൈൻ അപേക്ഷകൾ 23 വരെ സ്വീകരിക്കുന്നതാണ്.

അഞ്ചാം സെമസ്റ്റർ ഇന്‍റഗ്രേറ്റഡ് എംഎസ്‌സി ഇൻ കംപ്യൂട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷ്യൽ ഇന്‍റലിജിൻസ് (റെഗുലർ/സപ്ലിമെന്‍ററി/ഇംപ്രൂവ്മെന്‍റ് ) ഒക്ടോബർ 2025 പരീക്ഷാ ഫലം സർവകലാശാല വെബ് സൈറ്റിൽ ലഭ്യമാണ്. ഉത്തരക്കടലാസ് പുനർമൂല്യ നിർണയം/സൂക്ഷ്മ പരിശോധന/പകർപ്പ് ലഭ്യമാക്കൽ എന്നിവയ്ക്ക് അപേക്ഷിക്കേണ്ട അവസാന തീയതി 23 വൈകുന്നേരം അഞ്ചുവരെ.

കണ്ണൂർ മോഡൽ കരിയർ സെന്‍റർ ഉദ്ഘാടനവും ദേശീയ സെമിനാറും

കണ്ണൂർ: വിദ്യാർഥികൾക്കും തൊഴിലന്വേഷകർക്കും മികച്ച കരിയർ സേവനങ്ങൾ നൽകുന്നതിനായി രാജ്യത്തെ തെരഞ്ഞെടുത്ത എംപ്ലോയ്മെന്‍റ് എക്സ്ചേഞ്ചുകളും എംപ്ലോയ്മെന്‍റ് ബ്യൂറോകളും മോഡൽ കരിയർ സെന്‍ററാക്കി ഉയർത്തപ്പെട്ടുകൊണ്ടിരിക്കുകയാണ്. ഇതിന്‍റെ ഭാഗമായി കേന്ദ്ര, സംസ്ഥാന സർക്കാരുകളുടെ സഹകരണത്തോടെ കണ്ണൂർ യൂണിവേഴ്‌സിറ്റി എംപ്ലോയ്മെന്‍റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ അത്യാധുനിക സൗകര്യങ്ങളോടെ കണ്ണൂർ യൂണിവേഴ്‌സിറ്റിയുടെ മങ്ങാട്ടുപറമ്പ് കാമ്പസിൽ സജ്ജീകരിച്ച കണ്ണൂർ മോഡൽ കരിയർ സെന്‍ററിന്‍റെ ഉദ്ഘാടനവും വകുപ്പിന്‍റെ വൊക്കേഷണൽ ഗൈഡൻസ് ശാക്തീകരണ പരിപാടിയുടെ ഭാഗമായി തൊഴിൽ മേഖലയിലെ നൂതന പ്രവണതകൾ ചർച്ചചെയ്യുന്നതിനായി 'യൂത്ത് എംപ്ലോയബിലിറ്റി ആൻഡ് സ്കിൽസ്' എന്ന വിഷയത്തിലുള്ള ദേശീയ സെമിനാറിന്‍റെ ഉദ്ഘാടനവും 17 ന് രാവിലെ 9.30 ന് മന്ത്രി വി. ശിവൻകുട്ടി നിർവഹിക്കും. സൗജന്യ ദേശീയ സെമിനാറിൽ പങ്കെടുക്കാൻ താത്പര്യമുള്ളവർ താഴെ നൽകിയിരിക്കുന്ന ലിങ്ക് മുഖാന്തിരം 14 നു മുന്പ് പേര് രജിസ്റ്റർ ചെയ്യേണ്ടതാണ്. https://docs.google.com/forms/d/13403e0R6TY0aRGrX-scYyYhaKj9tXZAIR_RDy7pcKSc/edit . ഫോൺ: 04972703130.