കണ്ണൂർ: സർവകലാശാല താവക്കര കാമ്പസ് മാനേജ്മെൻറ് സ്റ്റഡീസ് വകുപ്പിൽ അസിസ്റ്റൻറ് പ്രഫസർ ഒഴിവിലേക്ക് (ദിവസ വേതനം /മണിക്കൂർ വേതനം) നിയമനം നടത്തുന്നു. എംബിഎ ബിരുദാനന്തര ബിരുദം കൂടാതെ യുജിസി നെറ്റ് ആണ് യോഗ്യത. നെറ്റ് ഉള്ളവരുടെ അഭാവത്തിൽ ഇല്ലാത്തവരേയും പരിഗണിക്കും. താത്പര്യമുള്ളവർ ഒറിജിനൽ സർട്ടിഫിക്കറ്റുകൾ സഹിതം കണ്ണൂർ സർവകലാശാല ആസ്ഥാനത്ത് ഡിപ്പാർട്ട്മെൻറ് ഓഫ് മാനേജ്മെൻറ് സ്റ്റഡീസ് വകുപ്പ്, താവക്കര കാമ്പസിൽ 11ന് രാവിലെ11 ന് ഹാജരാവേണ്ടതാണ്.

 ഓപ്പൺ ഡിഫൻസ്

കണ്ണൂർ സർവകലാശാലയിൽ ജിയോളജി വിഷയത്തിൽ ഗവേഷണം നടത്തുന്ന പി.ആർ. സൂരജ് പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിൻമേലുള്ള ഓപ്പൺ ഡിഫൻസ് ഫെബ്രുവരി 20 ന് രാവിലെ 10.30 ന് വീഡിയോ കോൺഫറൻസിംഗിലൂടെ നടത്തുന്നതാണെന്ന് റിസർച്ച് ഡയറക്ടർ അറിയിച്ചു. പ്രസ്തുത പ്രബന്ധം ഓപ്പൺ ഡിഫെൻസ് സെമിനാറിന് മൂന്നു ദിവസം മുന്പ് മുതൽ കാസർഗോഡ് ഗവ. കോളജ് ലൈബ്രറിയിൽ പരിശോധനയ്ക്ക് ലഭ്യമായിരിക്കും.

 ഓപ്പൺ ഡിഫൻസ്

കണ്ണൂർ സർവകലാശാലയിൽ മലയാളം വിഷയത്തിൽ ഗവേഷണം നടത്തുന്ന സി.കെ. മിനി എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിൻമേലുള്ള ഓപ്പൺ ഡിഫൻസ് 20 ന് രാവിലെ 11 ന് വീഡിയോ കോൺഫറൻസിംഗിലൂടെ നടത്തുന്നതാണെന്ന് റിസർച്ച് ഡയറക്ടർ അറിയിച്ചു. പ്രസ്തുത പ്രബന്ധം സെമിനാറിന് മൂന്നു ദിവസം മുന്പ് മുതൽ തലശേരി ഗവ. ബ്രണ്ണൻ കോളജിലെ മലയാളം വിഭാഗം ലൈബ്രറിയിൽ പരിശോധനയ്ക്ക് ലഭ്യമായിരിക്കും.

പരീക്ഷാ ഫലം

എഫ്‌വൈയുജി പ്രോഗ്രാമുകളുടെ ഒന്നാം സെമസ്റ്റർ റെഗുലർ/സപ്ലിമെന്‍ററി (നവംബർ 2025 ) പരീക്ഷകളുടെ ഫലം കെ റീപ്പ് ലോഗിനിലും സ്റ്റുഡന്‍റ് മൊബൈൽ ആപ്പിലും ലഭ്യമാണ്. പുനഃപരി ശോധന, സൂക്ഷ്മ പരിശോധന, ഫോട്ടോകോപ്പി എന്നിവയ്ക്കുള്ള അപേക്ഷകൾ ഓൺലൈൻ ആയി 20 ന് വൈകുന്നേരം അഞ്ചുവരെ സമർപ്പിക്കാവുന്നതാണ്.

പരീക്ഷാ ഫലം

ഒൻപതാം സെമസ്റ്റർ ഇന്‍റഗ്രേറ്റഡ് എംഎസ്‌സി ഇൻ കംപ്യൂട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷ്യൽ ഇന്‍റലിജൻസ് ആൻഡ് മെഷീൻ ലേണിംഗ് (റെഗുലർ /സപ്ലിമെന്‍ററി /ഇംപ്രൂവ്മെന്‍റ്) ഒക്ടോബർ 2025 പരീക്ഷാ ഫലം സർവകലാശാല വെബ്സൈറ്റിൽ ലഭ്യമാണ്. ഉത്തര ക്കടലാസ് പുനർമൂല്യ നിർണയം /സൂക്ഷ്മ പരിശോധന /പകർപ്പ് ലഭ്യമാക്കൽ എന്നിവയ്ക്കുള്ള അപേക്ഷകൾ 20 വൈകുന്നേരം അഞ്ചു വരെ ഓൺലൈൻ ആയി സ്വീകരിക്കുന്നതാണ്.

പരീക്ഷാ വിജ്ഞാപനം

24.03.2026 ന് ആരംഭിക്കുന്ന, ഒന്നാം സെമസ്റ്റർ (പ്രൈവറ്റ് രജിസ്ട്രേഷൻ ) ബിരുദ സപ്ലിമെന്‍ററി (2020 മുതൽ 2023 വരെ അഡ്മിഷൻ ) നവംബർ 2025 പരീക്ഷകൾക്ക് 23 മുതൽ 26 വരെ പിഴയില്ലാതെയും 28 വരെ പിഴയോടു കൂടിയും അപേക്ഷിക്കാം. പരീക്ഷാ വിജ്ഞാപനം സർവകലാശാല വെബ്സൈറ്റിൽ ലഭ്യമാണ്.

പരീക്ഷാ രജിസ്ട്രേഷൻ

പ്രൈവറ്റ് രജിസ്ട്രേഷൻ (2024 അഡ്മിഷൻ) ബിരുദ പ്രോഗ്രാമുകളുടെ (എഫ്‌വൈയുജിപി-പാറ്റേൺ) മൂന്നാം സെമസ്റ്റർ നവംബർ 2025 പരീക്ഷാ രജിസ്ട്രേഷൻ 17 മുതൽ 19വരെ പിഴയില്ലാതെയും 22 വരെ പിഴയോടുകൂടിയും ചെയ്യാവുന്നതാണ്.

അപേക്ഷ ക്ഷണിച്ചു

കണ്ണൂർ തളാപ്പിലെ ഹൃദയാരാം കമ്യൂണിറ്റി കോളജ് ഓഫ് കൗൺസിലിംഗ്, തൃക്കരിപ്പൂരിലുള്ള ഫാപ്പിൻസ് കമ്യൂണിറ്റി കോളജ് ഓഫ് ബിഹേവിയർ മാനേജ്മെന്‍റ് എന്നിവിടങ്ങളിൽ 2026-27 അധ്യയന വർഷത്തിൽ നടത്തുന്ന പോസ്റ്റ് ഗ്രാജ്വേറ്റ് ഡിപ്ലോമ ഇൻ കൗൺസലിംഗ് സൈക്കോളജി (പിജിഡിസിപി - പാർട്ട് ടൈം) കോഴ്സിലേക്കുള്ള അപേക്ഷ ക്ഷണിച്ചു. അപേക്ഷകൾ സ്വീകരിക്കുന്ന അവസാന തീയതി: മാർച്ച് 12. സീറ്റുകളുടെ എണ്ണം, ഹൃദയാരാം കമ്യൂണിറ്റി കോളജ് ഓഫ് കൗൺസി ലിംഗ് - 36, ഫാപ്പിൻസ് കമ്യൂണിറ്റി കോളജ് ഓഫ് ബിഹേവിയർ മാനേജ്മെന്‍റ് - 30. കോഴ്സ് കാലാവധി ഒരു വർഷം (രണ്ട് സെമസ്റ്ററുകൾ). ഏതെങ്കിലും വിഷയത്തിൽ കുറഞ്ഞത് 50 ശതമാനം മാർക്കോടു കൂടി അംഗീകൃത സർവകലാശാലാ ബിരുദം നേടിയവർക്ക് അപേക്ഷിക്കാവുന്നതാണ്. ബിരുദ/ബിരുദാനന്തര ബിരുദ തലത്തിൽ സൈക്കോളജി ഒരു വിഷയമായി പഠിച്ചവർക്ക് വെയിറ്റേജ് മാർക്ക് നൽകുന്നതാണ്. വിശദ വിവരങ്ങൾക്ക് കോളജുമായി ബന്ധപ്പെടുക. ഫോൺ നമ്പർ :
ഹൃദയാരാം കമ്യൂണിറ്റി കോളജ് ഓഫ് കൗൺസലിംഗ് - 9447278001, 8289952801, 0497-2708001.
തൃക്കരിപ്പൂരിലുള്ള ഫാപ്പിൻസ് കമ്യൂണിറ്റി കോളജ് ഓഫ് ബിഹേവിയർ മാനേജ്മെന്‍റ്- 9447051039