തേഞ്ഞിപ്പലം: കാലിക്കട്ട് സർവകലാശാലാ മാധ്യമപഠന വിഭാഗത്തിൽ അത്യാധുനിക സജ്ജീകരണങ്ങളോടെയുള്ള ഓഡിയോ വിഷ്വൽ ലാബ് പ്രവർത്തനം തുടങ്ങി. കേന്ദ്ര - സംസ്ഥാന സർക്കാരുകളുടെ സംയുക്ത സഹായത്തോടെ നടപ്പാക്കുന്ന "പിഎം ഉഷ' പദ്ധതിയുടെ ഭാഗമായ ഓഡിയോ വിഷ്വൽ ലാബ് വൈസ് ചാൻസലർ ഡോ. പി. രവീന്ദ്രൻ ഉദ്ഘാടനം ചെയ്തു.
പിഎം ഉഷ പദ്ധതി പ്രകാരം രണ്ടരക്കോടി ചെലവിൽ സജ്ജീകരിക്കുന്ന മാധ്യമപഠന സംവിധാനങ്ങളുടെ ആദ്യഘട്ടത്തിൽ ഉൾപ്പെട്ടതാണ് ലാബ്. ഒരേ സമയം 60 പേർക്ക് പ്രവർത്തിക്കാൻ കഴിയും വിധമാണ് സ്റ്റുഡിയോ, ഗ്രാഫിക് പ്രൊഡക്ഷൻ വിഭാഗങ്ങളുമായി സംയോജിച്ച് പ്രവർത്തിക്കുന്ന സംവിധാനം ഒരുക്കിയിട്ടുള്ളത്.
ദേശീയ സെമിനാർ
തേഞ്ഞിപ്പലം: കാലിക്കട്ട് സർവകലാശാലാ ഹിന്ദി പഠനവകുപ്പ് ‘ഹിന്ദി - മലയാളം സിനിമയുടെ പുതിയ മാനങ്ങൾ’ എന്ന വിഷയത്തിൽ ദേശീയ സെമിനാർ സംഘടിപ്പിക്കുന്നു. ഇന്നുംനാളെയുമായി സംസ്കൃത പഠനവകുപ്പ് സെമിനാർ ഹാളിൽ നടക്കുന്ന പരിപാടി ഇന്ന് രാവിലെ 10ന് റാഞ്ചി ലയോള കോളജ് ഓഫ് എജ്യുക്കേഷനിലെ റിട്ട. അസോസിയേറ്റ് പ്രഫ. ഡോ. വിജയ് ശർമ ഉദ്ഘാടനം ചെയ്യും.





Email
Facebook
Whatsapp
Linked In
Telegram