എംജി സര്‍വകലാശാലയിലെ ഡോ.ആര്‍.സതീഷ് സെന്റര്‍ ഫോര്‍ റിമോട്ട് സെന്‍സിംഗ് ആന്‍ഡ് ജിഐഎസ് വിഭാഗം ഏഷ്യ സോഫ്റ്റ് ലാബിന്റെ (ആര്‍പിടിഒ) സഹകരണത്തോടെ നടത്തുന്ന ഡിജിസിഎ അംഗീകൃത ഡ്രോണ്‍ പൈലറ്റ് സര്‍ട്ടിഫിക്കറ്റ് കോഴ്‌സിലേക്ക് അപേക്ഷ ക്ഷണിച്ചു. മൂന്നു മാസം ദൈര്‍ഘ്യമുള്ള കോഴ്‌സില്‍ ഇന്‍ഡസ്ട്രി ഇന്റേണ്‍ഷിപ്പിനും അവസരമുണ്ടായിരിക്കുന്നതാണ്. പരിശീലനം വിജയകരമായി പൂര്‍ത്തിയാക്കുന്നവര്‍ക്ക് ഡയറക്ടര്‍ ജനറല്‍ ഓഫ് സിവില്‍ ഏവിയേഷന്റെ സ്‌മോള്‍ ക്ലാസ് ഡ്രോണ്‍ പൈലറ്റ് ലൈസന്‍സ് ലഭിക്കും. ഫെബ്രുവരി മാസത്തെ അഡ്മിഷന് ഇപ്പോള്‍ അപേക്ഷിക്കാം. പ്രായം 18നും 60നും മധ്യേ. വിശദ വിവരങ്ങള്‍ക്ക് വെബ് സൈറ്റ് സന്ദര്‍ശിക്കുക www.ses.mgu.ac.in. 6282448585

അസിസ്റ്റന്റ് ഡയറക്ടര്‍ നിയമനം

എംജി സര്‍വകലാശാലയിലെ ഡയറക്ടറേറ്റ് ഓഫ് ഫിസിക്കല്‍ എജ്യുക്കേഷനില്‍ വനിതാ അസിസ്റ്റന്റ് ഡയറക്ടര്‍ തസ്തികയില്‍ (വിശ്വകര്‍മ്മ-1) ഒരൊഴിവിലേക്ക് നിയമനത്തിനു അപേക്ഷ ക്ഷണിച്ചു. യുജിസി നിഷ്‌കര്‍ഷിക്കുന്ന യോഗ്യതയുള്ളവരെയാണ് പരിഗണിക്കുന്നത്. പ്രായപരിധി 2026 ജനുവരി ഒന്നിന് 50 വയസ് കവിയരുത്. നിയമാനുസൃത വയസിളവ് അനുവദിക്കും.
www.facultyrecruitment.mgu.ac.in എന്ന വെബ്‌സൈറ്റ് വഴി ഓണ്‍ലൈനായി അപേക്ഷിക്കാം. അവസാന തീയതി ഫെബ്രുവരി 16. വിശദവിവരങ്ങള്‍ വെബ്‌സൈറ്റില്‍.

 സോഫ്റ്റ് വെയര്‍ ഡെവലപ്പര്‍; വാക്-ഇന്‍-ഇന്റര്‍വ്യൂ

എംജി സര്‍വകലാശാലയില്‍ താല്‍കാലിക കരാര്‍ അടിസ്ഥാനത്തില്‍ സീനിയര്‍ സോഫ്റ്റ് വെയര്‍ ഡെവലപ്പര്‍, ജൂനിയര്‍ സോഫ്റ്റ് വെയര്‍ ഡെവലപ്പര്‍ നിയമനത്തിനുള്ള വാക്ക്-ഇന്‍-ഇന്റര്‍വ്യൂ 21ന് നടക്കും. വിശദ വിവരങ്ങള്‍ സര്‍വകലാശാലാ വെബ്‌സൈറ്റില്‍.(www.mgu.ac.in) -0481-2733541

 വൈവ വോസി

എംഎ മലയാളം അവസാന സ്‌പെഷല്‍ മേഴ്‌സി ചാന്‍സ് (2001ന് മുമ്പുള്ള അഡ്മിഷനുകള്‍ റെഗുലര്‍, 2002ന് മുമ്പുള്ള അഡ്മിഷനുകള്‍ പ്രൈവറ്റ്) സെമസ്റ്റര്‍/ആനുവല്‍ സ്‌കീം ജനുവരി 2025 പരീക്ഷയുടെ വൈവ വോസി പരീക്ഷകള്‍ 19ന് നടക്കും. ടൈം ടേബിള്‍ വെബ് സൈറ്റില്‍.

 പരീക്ഷാ ഫലം

ഒന്നു മുതല്‍ ആറു വരെ സെമസ്റ്ററുകള്‍ ബിവോക് (പഴയ സ്‌കീം- 2018 അഡ്മിഷന്‍ സപ്ലിമെന്ററി, 2015 മുതല്‍ 2017 വരെ അഡ്മിഷനുകള്‍ മേഴ്‌സി ചാന്‍സ്) ജനുവരി 2025 പരീക്ഷയുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും 30 വരെ ഓണ്‍ലൈനില്‍ അേക്ഷിക്കാം.