ഡിസംബർ 11 ന് തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പ് നടക്കുന്ന സാഹചര്യത്തിൽ, ഡിസംബർ എട്ട്, 10, 12 തീയതികളിൽ നടത്താൻ നിശ്ചയിച്ചിരിക്കുന്ന അഫിലിയേറ്റഡ് കോളജു ളിലെയും സെന്‍ററുകളിലെയും മൂന്നാം സെമസ്റ്റർ എംബിഎ (റെഗുലർ/സപ്ലിമെന്‍ററി/ഇംപ്രൂവ്മെന്‍റ്), നവംബർ 2025 പരീക്ഷകൾ യഥാക്രമം 19.12.2025, 22.12.2025, 05.01.2026 തീയതികളിലായി പുനഃക്രമീകരിച്ചിരിക്കുന്നു. മറ്റു തീയതികളിലെ പരീക്ഷകൾക്കും പരീക്ഷാ സമയത്തിലും മാറ്റമില്ല .

പ്രൈവറ്റ് രജിസ്ട്രേഷൻ ബിരുദ വിദ്യാർഥികൾ ഡിസംബർ രണ്ടിനകംഎബിസിഐഡി അപ്‌ലോഡ് ചെയ്യണം

 2025-26 അക്കാദമിക വർഷം പ്രവേശനം ലഭിച്ച പ്രൈവറ്റ് രജിസ്ട്രേഷൻ വിദ്യാർഥികൾ തങ്ങളുടെ എബിസിഐഡി നമ്പർ സർവകലാശാല വെബ്സൈറ്റിലെ ACADEMICS > PRIVATE REGISTRATION > ABC ID ENTRY എന്ന ലിങ്കിൽ 2025 ഡിസംബർ രണ്ടിനകം അപ്‌ലോഡ് ചെയ്യേണ്ടതാണ്.

പുനർമൂല്യനിർണയഫലം

ഒന്നും,രണ്ടും വർഷ പിജി(വിദൂര വിദ്യാഭ്യാസം - സപ്ലിമെന്‍ററി - വൺ ടൈം മേഴ്സി ചാൻസ്) ജൂൺ 2024 പരീക്ഷകളുടെ പുനർമൂല്യനിർണയഫലംപ്രസിദ്ധീകരിച്ചു.

പ്രോജക്ട്/ വൈവ പരീക്ഷകൾ

നാലാം സെമസ്റ്റർ എംഎ ഹിസ്റ്ററി (പ്രൈവറ്റ് രജിസ്ട്രേഷൻ -റെഗുലർ സപ്ലിമെന്‍ററി) ഏപ്രിൽ 2025 പ്രോജക്ട്/വൈവ പരീക്ഷകൾ 05.12.2025 ന് താവക്കര കാമ്പസിലെ മാളവ്യ മിഷൻ ടീച്ചർ ട്രെയിനിംഗ് സെന്‍ററിൽ (UGC-HRDC) വച്ച് നടത്തുന്നതാണ്. ടൈം ടേബിൾ വെബ് സൈറ്റിൽ ലഭ്യമാണ്.

ഒന്നാം സെമസ്റ്റർ പിജി ഡിപ്ലോമ ഇൻ ലേണിംഗ് ഡിസബിലിറ്റി (പിജിഡിഎൽഡി - റെഗുലർ / സപ്ലിമെന്‍ററി), നവംബർ 2024 പരീക്ഷാഫലം പ്രസിദ്ധീകരിച്ചു. പരീക്ഷാഫലം സർവകലാശാലാ വെബ്‌സൈറ്റിൽ ലഭ്യമാണ്. പുനർമൂല്യനിർണയം/സൂക്ഷ്മപരിശോധന / ഫോട്ടോകോപ്പി എന്നിവയ്ക്ക് അപേക്ഷിക്കാനുള്ള അവസാന തീയതി 11/ 12 /2025 , 5 P M .

ക്രിസ്മസ് അവധി

കണ്ണൂർ സർവകലാശാല പഠന വകുപ്പുകൾ/സെന്‍ററുകൾ/ അഫിലിയേറ്റഡ് കോളജുകൾ എന്നിവിട ങ്ങളിലെ 2025-2026 അധ്യയന വർഷത്തെ ക്രിസ്മസ് അവധി ഡിസംബർ 24 മുതൽ 2026 ജനുവരി നാലു വരെ (രണ്ടു തീയതികളും ഉൾപ്പെടെ ) ആയി പുന:ക്രമികരിച്ചിരിക്കുന്നു.