സർവകലാശാല പഠന വകുപ്പിലെ ആറാം സെമസ്റ്റർ എംകോം. (5 ഇയർ ഇന്‍റഗ്രേറ്റഡ്) ഡിഗ്രി (സിബിസിഎസ്എസ്-റെഗുലർ-2023 അഡ്മിഷൻ ആൻഡ് സപ്ലിമെന്‍ററി/ ഇംപ്രൂവ്മെന്‍റ് -2022 അഡ്മിഷൻ), മേയ് 2026, നാലാം സെമസ്റ്റർ എംകോം. (5 ഇയർ ഇന്‍റഗ്രേറ്റഡ്) ഡിഗ്രി (സിബിസിഎസ്എസ്-സപ്ലിമെന്‍ററി-2023 അഡ്മിഷൻ), മേയ് 2026 പരീക്ഷകൾക്ക് പിഴയില്ലാതെ ഫെബ്രുവരി 26 മുതൽ 28 വരെയും, പിഴയോടു കൂടി മാർച്ച് രണ്ടുവരെയും അപേക്ഷിക്കാം.

പരീക്ഷാഫലം

അഫിലിയേറ്റഡ് കോളജുകളിലെ മൂന്നാം സെമസ്റ്റർ ബിരുദാന്തര ബിരുദം (റെഗുലർ -2024 അഡ്മിഷൻ,സപ്ലിമെൻററി /ഇപ്രൂവ്മെൻറ്- 2022-23 അഡ്മിഷൻ) ഒക്ടോബർ 2025 പരിക്ഷാ ഫലം സർവകലാശാല വെബ് സൈറ്റിൽ ലഭ്യമാണ്. ഉത്തരക്കടലാസ് പുനർമൂല്യനിർണയം /സൂഷമ പരിശോധന /പകർപ്പ് ലഭ്യമാക്കൽ എന്നിവക്കുള്ള അപേക്ഷകൾ 05 /03/2026, വൈകുന്നേരം അഞ്ചു വരെ ഓൺലൈൻ ആയി സ്വീകരിക്കുന്നതാണ്.

ഓഫീസ് അറ്റൻഡന്‍റ്

കണ്ണൂർ: സർവകലാശാല നീലേശ്വരം കാമ്പസിലെ മലയാളം പഠനവകുപ്പിൽ ഓഫീസിൽ അറ്റൻഡന്‍റ് തസ്തികയിലേക്ക് ദിവസ വേതനടിസ്ഥാനത്തിൽ താത്കാലിക നിയമനത്തിനുള്ള (ഒഴിവ് - ഒന്ന്) കൂടിക്കാഴ്ച നാളെ രാവിലെ 11 ന് നീലേശ്വരം ഡോ. പി.കെ. രാജൻ മെമ്മോറിയൽ കാമ്പസിൽ നടത്തും. താഴെ പറയുന്ന യോഗ്യത ഉള്ള ഉദ്യോഗാർത്ഥികൾ അന്നേ ദിവസം അസൽ രേഖകളുമായി കൂടിക്കാഴ്ചയ്ക്ക് ഹാജരാവുക .

യോഗ്യത : ഏഴാം ക്ലാസ് പാസ്, പ്രായ പരിധി : 18-36, പ്രവൃത്തി പരിചയമുള്ളവർക്ക് മുൻഗണന. 

എസ്‌സി, എസ്ടി , ഒബിസി വിഭാഗങ്ങൾക്ക് പ്രായപരിധിയിൽ നിയമാനുസൃതമായ ഇളവ് ലഭിക്കും .
ഫോൺ: 8606050283, 9605307885.

ബിരുദ, ബിരുദാനന്തരബിരുദ പ്രോഗ്രാം;സീറ്റ് വർധനയ്ക്ക് അപേക്ഷിക്കാം

കണ്ണൂർ: 2026-2027 അധ്യയന വർഷത്തിലെ ബിരുദ, ബിരുദാനന്തര ബിരുദ പ്രോഗ്രാമുകളുടെ സീറ്റുകളുടെ എണ്ണത്തിൽ ''മാർജിനൽ ഇൻക്രീസ്'' (അഫിലിയേഷൻ ഉത്തരവിൽ അനുവദിച്ചിട്ടുള്ള സീറ്റുകളുടെ എണ്ണം 2026-27 വർഷത്തേക്ക് താത്കാലികമായി വർധിപ്പിക്കുന്നത്) ആവശ്യമുള്ള കണ്ണൂർ സർവകലാശാലയിൽ അഫിലിയേറ്റ് ചെയ്തിട്ടുള്ള ആർട്സ് ആൻഡ് സയൻസ് കോളജു കളിൽ നിന്നും അപേക്ഷ ക്ഷണിക്കുന്നു.

2025-26 അക്കാദമിക വർഷം അനുവദനീയമായ സീറ്റിൽ 100 ശതമാനം വിദ്യാർഥി പ്രവേശനം നടത്തി യതും, 2024-25 അക്കാദമിക വർഷം വരെ അഫിലിയേഷൻ തുടർച്ച ലഭിച്ചതും പ്രോഗ്രാമുകൾ നടത്താൻ ഭൗതിക സാഹചര്യം നിലവിലുള്ളതുമായ കോളജുകൾക്കാണ്, പ്രോഗ്രാമുകൾ ആരംഭിച്ച് മൂന്ന് വർഷം പൂർത്തിയായ ബിരുദ പ്രോഗ്രാമുകൾക്കും, രണ്ടു വർഷം പൂർത്തിയായ ബിരുദാനന്തര ബിരുദ പ്രോഗ്രാമുകൾക്കും (സ്റ്റെബിലൈസ് ചെയ്ത കോഴ്‌സുകൾ), 'മാർജിനൽ ഇൻക്രീസ്'' അനുവദിക്കുന്നതിനുള്ള അപേക്ഷ സമർപ്പിക്കാനാവുക.
അപേക്ഷ, പ്രിൻസിപ്പൽ മുഖാന്തരം, 2026 മാർച്ച് 12ന് വൈകുന്നേരം അഞ്ചിന് മുമ്പായി സർവകലാ ശാലയിൽ ലഭ്യമാക്കാവുന്നതാണ്. പ്രസ്തുത തീയതിക്ക് ശേഷം ലഭിക്കുന്ന അപേക്ഷകൾ യാതൊരു കാരണവശാലും പരിഗണിക്കുന്നതല്ല. കോളജുകൾക്ക് നല്കിയ 24 തീയതിയിലെ സർവകലാശാല സർക്കുലർ പ്രകാരം അപേക്ഷകൾ സമർപ്പിക്കാവുന്നതാണ്.

എയ്‌ഡഡ്‌/അൺ-എയ്‌ഡഡ് കോളജുകൾ, കോഴ്‌സ് ഒന്നിന് 5250 രൂപ വീതം, 'ഫിനാൻസ് ഓഫീസർ, കണ്ണൂർ യൂണിവേഴ്‌സിറ്റി'എന്ന പേരിൽ (കണ്ണൂരിൽ മാറാവുന്ന) ഡിമാൻഡ് ഡ്രാഫ്റ്റായോ, ഓൺലൈൻ പേയ്‌മെന്‍റ് മുഖാന്തരമോ (Finance Officer Kannur University, A/C No.57015176715 SBI, South Bazar, Kannur, IFSC: SBIN0008551) ഫീസടച്ച് അപേക്ഷിക്കേണ്ടതാണ്. ഗവൺമെൻറ്, ഐഎച്ച് ആർഡി കോളജുകൾ പ്രസ്തുത ഫീസ് അടയ്ക്കേണ്ടതില്ല.