കാലിക്കട്ട് സര്‍വകലാശാലാ ഇന്‍സ്റ്റിറ്റ്യൂട്ട് ഓഫ് എന്‍ജിനിയറിംഗ് ആൻഡ് ടെക്‌നോളജിയിലെ (ഐഇടി) ഇലക്ട്രിക്കല്‍ ആൻഡ് ഇലക്ട്രോണിക്‌സ് പഠനവകുപ്പ് നടത്തുന്ന ഫാക്കല്‍റ്റി ഡെവലപ്‌മെന്‍റ് പ്രോഗ്രാമിലേക്ക് അപേക്ഷ ക്ഷണിച്ചു. നവംബര്‍ 17 മുതല്‍ 22 വരെയാണ് പരിശീലനം. എഐസിടിഇ ട്രെയിനിംഗ് ആൻഡ് ലേണിംഗാണ് പ്രോഗ്രാം സ്‌പോണ്‍സര്‍ ചെയ്യുന്നത്. വിവിധ വകുപ്പുകളില്‍ ജോലി ചെയ്യുന്ന എന്‍ജിനിയറിംഗ് ബിരുദധാരികള്‍, ബിരുദാനന്തര ബിരുദ വിദ്യാര്‍ഥികള്‍, ഗവേഷകര്‍, കോളജ് / പോളിടെക്‌നിക് അധ്യാപകര്‍, സാങ്കേതിക വ്യവസായ മേഖലയിലുള്ളവര്‍ എന്നിവര്‍ക്ക് അപേക്ഷിക്കാം. പ്രവേശനം സൗജന്യമാണ്. കൂടുതല്‍ വിവരങ്ങള്‍ കോളജ് വെബ്സൈറ്റില്‍ https://iet.uoc.ac.in/.

 ഒറ്റത്തവണ റഗുലര്‍ സപ്ലിമെന്‍ററി പരീക്ഷാ അപേക്ഷ

ഒന്നാം വര്‍ഷം മുതല്‍ നാലാം വര്‍ഷം വരെ ബിഎസ്‌സി - മെഡിക്കല്‍ മൈക്രോബയോളജി, മെഡിക്കല്‍ ബയോകെമിസ്ട്രി, മെഡിക്കല്‍ ലബോറട്ടറി ടെക്നോളജി (2012 സ്‌കീം - 2015, 2016 പ്രവേശനം) സെപ്റ്റംബര്‍ 2025 ഒറ്റത്തവണ റഗുലര്‍ സപ്ലിമെന്‍ററി പരീക്ഷകള്‍ക്ക് ഡിസംബര്‍ 12 വരെ അപേക്ഷിക്കാം. ലിങ്ക് നവംബര്‍ 13 മുതല്‍ ലഭ്യമാകും.

 പരീക്ഷാഫലം

നാലാം സെമസ്റ്റര്‍ ബിപിഎഡ്. (2023 പ്രവേശനം) ഏപ്രില്‍ 2025 റഗുലര്‍ പരീക്ഷയുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 21 വരെ അപേക്ഷിക്കാം.