എംജി സര്‍വകലാശാലയിലെ സ്‌കൂള്‍ ഓഫ് ബയോസയന്‍സസിന്റെ നേതൃത്വത്തില്‍ ജീനോമിക്, ട്രാന്‍സ്‌ക്രിപ്‌റ്റോമിക് ഡാറ്റാ വിശകലനം എന്ന വിഷയത്തില്‍ നവംബര്‍ മൂന്നു മുതല്‍ ഏഴു വരെ അഞ്ചു ദിവസത്തെ ഓണ്‍ലൈന്‍ വര്‍ക്ക്‌ഷോപ് സംഘടിപ്പിക്കും. രാത്രി 7.30 മുതല്‍ 8.30 വരെയാണ് സമയം. രാഷ്ട്രിയ ഉച്ചതര്‍ ശിക്ഷാ അഭിയാന്‍ 2.0 പ്രോജക്ട് 09ന്റെ ഭാഗമായി കേരള സ്റ്റേറ്റ് കൗണ്‍സില്‍ ഫോര്‍ സയന്‍സ്, ടെക്‌നോളജി ആന്‍ഡ് എന്‍വയോണ്‍മെന്റ് സയന്‍സ് റിസര്‍ച്ച് സ്‌കീമിന്റെ സഹകരണത്തോടെയാണ് വര്‍ക്ക്‌ഷോപ് നടത്തുന്നത്. വിദ്യാര്‍ഥികള്‍ക്കും ഗവേഷകര്‍ക്കും അധ്യാപകര്‍ക്കും പങ്കെടുക്കാവുന്ന ഈ വര്‍ക്ക്‌ഷോപ്പിന് വിദ്യാര്‍ത്ഥികള്‍ക്കും ഗവേഷകര്‍ക്കും 500 രൂപ, അധ്യാപകര്‍ക്കു 1000 രൂപ എന്നിങ്ങനെയാണ് ഫീസ്. രജിസ്‌ട്രേഷന്‍ അവസാന തീയതി ഇന്നാണ്. രജിസ്‌ട്രേഷന്‍ ലിങ്ക്: https://forms.gle/R1nrBu7hs3QFHsVh6
9446316905, ഇമെയില്‍ [email protected]

 സര്‍ട്ടിഫിക്കറ്റ് കോഴ്‌സ്

എംജി സര്‍വകലാശാല സ്‌കൂള്‍ ഓഫ് ടൂറിസം സ്റ്റഡീസില്‍ വിവിധ ഉള്‍നാടന്‍ ജലവാഹനങ്ങള്‍ കൈകാര്യം ചെയ്യാന്‍ പ്രാപ്തമാക്കുന്ന സര്‍ട്ടിഫിക്കറ്റ് കോഴ്‌സിലേക്ക് പ്രവേശനത്തിന് അപേക്ഷ ക്ഷണിച്ചു. പ്രായോഗിക പരിശീലനം ഉള്‍പ്പെടെ മൂന്നു മാസമാണ് കോഴ്‌സ് ദൈര്‍ഘ്യം. യോഗ്യത പത്താം ക്ലാസ്. പ്രായ പരിധി ഇല്ല. വിശദ വിവരങ്ങള്‍ക്ക് വെബ് സൈറ്റ്:sts.mgu.ac.in, ഫോണ്‍: 9447723704; 04812733374

പരീക്ഷാ തീയതി

ഒന്നാം സെമസ്റ്റര്‍ യുജിപി, ബിബിഎ, ബിസിഎ (ഓണേഴ്‌സ്) (2025 അഡ്മിഷന്‍ റെഗുലര്‍, 2024 അഡ്മിഷന്‍ ഇംപ്രൂവ്‌മെന്റും റീഅപ്പിയറന്‍സും) നവംബര്‍ 2025 പരീക്ഷകള്‍ നവംബര്‍ ആറു മുതല്‍ നടക്കും.

എംഎ, എംഎസ്‌സി, എംകോം അവസാന സ്‌പെഷല്‍ മേഴ്‌സി ചാന്‍സ് (2001 നു മുമ്പുള്ള അഡ്മിഷനുകള്‍ റെഗുലര്‍, 2002 നു മുമ്പുള്ള അഡ്മിഷനുകള്‍ പ്രൈവറ്റ്) ജനുവരി 2025 പരീക്ഷകള്‍ നവംബര്‍ 19 മുതല്‍ നടക്കും.

പരീക്ഷയ്ക്ക് അപേക്ഷിക്കാം

അഞ്ചാം സെമസ്റ്റര്‍ ഐഎംസിഎ (2023 അഡ്മിഷന്‍ റെഗുലര്‍, 2019 മുതല്‍ 2022 വരെ അഡ്മിഷനുകള്‍ സപ്ലിമെന്ററി, 2018 അഡ്മിഷന്‍ ആദ്യ മേഴ്‌സി ചാന്‍സ്, 2017 അഡ്മിഷന്‍ രണ്ടാം മേഴ്‌സി ചാന്‍സ്) ഡിഡിഎംസിഎ (2016 അഡ്മിഷന്‍ അവസാന മേഴ്‌സി ചാന്‍സ്) പരീക്ഷകള്‍ക്ക് നവംബര്‍ 10 വരെ അപേക്ഷിക്കാം. ഫൈനോടെ നവംബര്‍ 11 വരെയും സൂപ്പര്‍ ഫൈനോടെ 12 വരെയും അപേക്ഷ സ്വീകരിക്കും.