കണ്ണൂർ സർവകലാശാല 2025 പ്രവേശനം പ്രൈവറ്റ് രജിസ്ട്രേഷൻ ബികോം അഡീഷണൽ കോ-ഓപ്പറേഷൻ പ്രോഗ്രാമുകൾക്കു രജിസ്റ്റർ ചെയ്തവരുടെ രജിസ്ട്രേഷൻ കാർഡ് ഇന്നു മുതൽ സർവകലാശാല വെബ്സൈറ്റിൽ Academic - Private Registration - Print registration card എന്ന ലിങ്കിൽ നിന്നും ഡൗൺലോഡ് ചെയ്യാവുന്നതാണ്.

പരീക്ഷാ വിജ്ഞാപനം

കണ്ണൂർ സർവകലാശാല പഠന വകുപ്പുകളിലെ നാലാം സെമസ്റ്റർ ഫൈവ് ഇയർ ഇന്‍റഗ്രേറ്റഡ് മാസ്റ്റേഴ്സ് പ്രോഗ്രാം ( സിബിസിഎസ്എസ്- റെഗുലർ), മേയ് 2026 പരീക്ഷകൾക്ക് 2026 മാർച്ച് രണ്ടു മുതൽ ആറു വരെ അപേക്ഷിക്കാവുന്നതാണ്. ഇതിന് മുന്നോടിയായി ഡിപ്പാർട്മെന്‍റ് ലെവൽ കോഴ്സ് രജിസ്ട്രേഷനും, (Selection of Courses from the University Course Basket), സ്റ്റുഡന്‍റ് രജിസ്ട്രേ ഷനും (Selection of Courses by the Students from the Department Course basket) ഇന്നു മുതൽ 27 വരെയുള്ള തീയതികളിൽ പൂർത്തീകരിക്കേണ്ടതാണ്. പരീക്ഷാ വിജ്ഞാപനം സർവകലാശാല വെബ്സൈറ്റിൽ ലഭ്യമാണ്.

അധ്യാപക ഒഴിവ്

കണ്ണൂർ സർവകലാശാല മങ്ങാട്ടുപറമ്പ കാമ്പസിലെ ഗണിതശാസ്ത്ര പഠനവിഭാഗത്തിൽ മണിക്കൂർ വേതനടിസ്ഥാനത്തിൽ താത്കാലിക അധ്യാപകരെ നിയമിക്കുന്നു, യോഗ്യത ബിരുദാനന്തര ബിരുദവും നെറ്റും. നെറ്റുള്ളവരുടെ അഭാവത്തിൽ നെറ്റില്ലാത്തവരെയും പരിഗണിക്കുന്നതാണ്. താത്പര്യമുള്ള ഉദ്യോഗാർഥികൾ യോഗ്യത സർട്ടിഫിക്കറ്റുകൾ സഹിതം 20 നു രാവിലെ 10.30 ന് ഗണിത ശാസ്ത്രപഠന വകുപ്പ് മേധാവിയുടെ ഓഫീസിൽ ഹാജരാവേണ്ടതാണ്. ഫോൺ: 9446477054

മേട്രൺ നിയമനം

കണ്ണൂർ സർവകലാശാല നീലേശ്വരം കാമ്പസിലെ വനിതാ ഹോസ്റ്റലിൽ ദിവസവേതനാടിസ്ഥാന ത്തിൽ മേട്രൺ തസ്‌തികയിലേക്ക് നിയമനത്തിനുള്ള കൂടിക്കാഴ്‌ച 19 ന് രാവിലെ 11 ന് നീലേശ്വരം ഡോ. പി.കെ. രാജൻ മെമ്മോറിയൽ കാമ്പസിൽ നടത്തുന്നതാണ്. യോഗ്യത : എസ്എസ്എൽസി. 18 -36 നും മധ്യോ പ്രായമുള്ള ഭിന്നശേഷിക്കാരല്ലാത്ത സ്ത്രീകൾക്ക് അപേക്ഷിക്കാവുന്നതാണ്.
പ്രവർത്തി പരിചയമുള്ളവർക്ക് മുൻഗണന. എസ്‌സി, എസ്ടി, ഒബിസി വിഭാഗങ്ങൾക്ക് പ്രായപരിധി യിൽ നിയമാനുസൃതമായ ഇളവ് ലഭിക്കും. ഉദ്യോഗാർഥികൾ അസൽ രേഖകൾ സഹിതം 19 ന് നടക്കുന്ന കൂടിക്കാഴ്‌ചയ്ക്ക് ഹാജരാക്കേണ്ടതാണ്. ഫോൺ: 8606050283.

ടൈം ടേബിൾ

പത്ത്, ആറ് സെമസ്റ്റർ ബിഎ എൽഎൽബി (റെഗുലർ/സപ്ലിമെന്‍ററി ) മേയ് 2026, ആറാം സെമസ്റ്റർ ത്രിവത്സര എൽഎൽബി (റെഗുലർ/സപ്ലിമെന്‍ററി ) മേയ് 2026 പരീക്ഷകളുടെ ടൈം ടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.

പരീക്ഷാ വിജ്ഞാപനം

ഒന്ന് രണ്ട് വർഷ അഫ്സൽ ഉൽ ഉലമ പ്രിലിമിനറി ( പ്രൈവറ്റ് രജിസ്ട്രേഷൻ ഉൾപ്പെടെ ) ഏപ്രിൽ 2026 പരീക്ഷകൾക്ക് 03.03.2026 മുതൽ 07.03.2026 വരെ പിഴയില്ലാതെയും 09.03.2026 വരെ പിഴയോടു കൂടിയും രജിസ്റ്റർ ചെയ്യാവുന്നതാണ് പരീക്ഷാ വിജ്ഞാപനം സർവകലാശാല വെബ്സൈറ്റിൽ ലഭ്യമാണ്.