തേഞ്ഞിപ്പലം: കാലിക്കട്ട് സർവകലാശാലയുടെ ഭൂമി, കെട്ടിടങ്ങൾ എന്നിവ സംബന്ധിച്ച എല്ലാ അടിസ്ഥാന രേഖകളും ക്രോഡീകരിച്ച് സാറ്റലൈറ്റ് ഉൾപ്പെടെയുള്ള മാർഗങ്ങൾ ഉപയോഗപെടുത്തി ഡോക്യുമെന്‍റ് ചെയ്യുന്നതിനും ഡിജിറ്റൈസ് ചെയ്ത് സൂക്ഷിക്കുന്നതിനുമുള്ള പ്രവൃത്തനങ്ങൾക്ക് എൻജിനീയറിംഗ് വിഭാഗത്തിൽ കരാറടിസ്ഥാനത്തിൽ ഓഫീസർ ഓൺ സ്‌പെഷ്യൽ ഡ്യൂട്ടി തസ്തികയിൽ നിയമനം നടത്തുന്നു. ഒരൊഴിവാണുള്ളത്. യോഗ്യത: ലാൻഡ് അക്വിസിഷൻ വിഭാഗത്തിൽ കുറഞ്ഞത് 10 വർഷം പ്രവൃത്തി പരിചയമുള്ള തഹസിൽദാർ തസ്തികയിൽ നിന്ന് വിരമിച്ചവരായിരിക്കണം. ഉയർന്ന പ്രായപരിധി 60 വയസ്. ആറ് മാസത്തേക്കാണ് നിയമനം. താത്‌പര്യമുള്ളവർ മതിയായ രേഖകൾ സഹിതം 20ന് രാവിലെ 9.30ന് സർവകലാശാല ഭരണകാര്യാലയത്തിൽ വാക് - ഇൻ - ഇന്‍റർവ്യൂവിന് ഹാജരാകണം. വിശദമായ വിജ്ഞാപനം വെബ്സൈറ്റിൽ https://www.uoc.ac.in/.

 പിഎച്ച്ഡി പ്രവേശനം

കാലിക്കട്ട് സർവകലാശാലാ ലൈഫ് സയൻസ് പഠനവകുപ്പിൽ (എനി ടൈം) പിഎച്ച്ഡി പ്രവേശനത്തിനുള്ള അപേക്ഷ ക്ഷണിച്ചു. ജെആർഎഫ് യോഗ്യതയുള്ളവർക്ക് അപേക്ഷിക്കാം. അസോസിയേറ്റ് പ്രഫസർ ഡോ. ഡി. ഗായത്രി ദേവിയുടെ ( ഇ - മെയിൽ : [email protected], ഫോൺ : 9447712539 ) കീഴിൽ ബയോകെമിസ്ട്രി വിഭാത്തിൽ ഒരൊഴിവാണുള്ളത്. താത്‌പര്യമുള്ളവർ മതിയായ രേഖകൾ സഹിതം 19ന് വൈകിട്ട് അഞ്ചിനുള്ളിൽ [email protected] എന്ന ഇ - മെയിൽ വിലാസത്തിൽ അപേക്ഷ സമർപ്പിക്കണം. വിശദമായ വിജ്ഞാപനം വെബ്സൈറ്റിൽ https://www.uoc.ac.in/ .

പിഎച്ച്ഡി പ്രവേശന പരീക്ഷ

കാലിക്കട്ട് സർവകലാശാലയുടെ പിഎച്ച്ഡി 2025 പ്രവേശന പരീക്ഷ 14ന് നടക്കും. കേന്ദ്രം: സർവകലാശാലാ എൻജിനീയറിംഗ് കോളജ്, കോഹിനൂർ. വിശദമായ സമയക്രമം വെബ്സൈറ്റിൽ. ഹാൾടിക്കറ്റ് ഫെബ്രുവരി പത്ത് മുതൽ പിഎച്ച്ഡി സ്റ്റുഡന്‍റ് ലോഗിനിൽ ലഭ്യമാകും. ഫോൺ: 0494 2407016, 2407017.

പരീക്ഷാഫലം

വിദൂര വിഭാഗം മൂന്നാം സെമസ്റ്റർ ബികോം, ബിബിഎ (സിബിസിഎസ്എസ്) നവംബർ 2025 സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 18 വരെ അപേക്ഷിക്കാം.

സൂക്ഷ്മപരിശോധനാഫലം

അഞ്ചാം സെമസ്റ്റർ ബികോം, ബിബിഎ (സിബിസിഎസ്എസ്-യുജി ) നവംബർ 2025 റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ സൂക്ഷ്മപരിശോധനാഫലം പ്രസിദ്ധീകരിച്ചു.