കാലിക്കട്ട് സർവകലാശാലാ സൈക്കോളജി പഠനവകുപ്പിൽ മണിക്കൂറടിസ്ഥാനത്തിൽ അസി. പ്രൊഫസർ നിയമനത്തിനുള്ള വാക് ഇൻ ഇന്‍റർവ്യൂ ജനുവരി എട്ടിന് നടക്കും. യോഗ്യത : യുജിസി. നിഷ്കർഷിക്കുന്ന പ്രകാരം. പിഎച്ച്ഡി അഭിലഷണീയം. ഉയർന്ന പ്രായപരിധി : 50 വയസ്. യോഗ്യരായവർ മതിയായ രേഖകൾ സഹിതം രാവിലെ 10.30-ന് പഠനവകുപ്പിൽ ഹാജരാകണം. വിശദമായ വിജ്ഞാപനം വെബ്സൈറ്റിൽ.

 പരീക്ഷാ അപേക്ഷ

 കോഴ്സ് പൂർത്തിയാക്കിയിട്ടും എല്ലാ നോർമൽ സപ്ലിമെന്‍ററി അവസരങ്ങളും നഷ്ടമായവർക്കുള്ള ഒന്നാം സെമസ്റ്റർ എംആർക്. - അഡ്വാൻസ്ഡ് ആർക്കിടെക്ചർ, സസ്‌റ്റൈനബിൾ ആർക്കിടെക്ചർ, ലാൻഡ്‌സ്‌കേപ്പ് ആർക്കിടെക്ചർ (2019 സിലബസ് ആന്റ് സ്‌കീം - 2019, 2020 പ്രവേശനം) സെപ്റ്റംബർ 2024 ഒറ്റത്തവണ റഗുലർ സപ്ലിമെന്‍ററി പരീക്ഷകൾക്ക് ഡിസംബർ 30 വരെ അപേക്ഷിക്കാം.

 പരീക്ഷ

 കോഴ്സ് പൂർത്തിയാക്കിയിട്ടും എല്ലാ അവസരങ്ങളും നഷ്ടമായവർക്കുള്ള മൂന്നാം സെമസ്റ്റർ എംസിഎ. (2020 പ്രവേശനം) സെപ്റ്റംബർ 2024, (2021 പ്രവേശനം) സെപ്റ്റംബർ 2025 ഒറ്റത്തവണ റഗുലർ സപ്ലിമെന്ററി പരീക്ഷകൾ ജനുവരി ഏഴിന് തുടങ്ങും. കേന്ദ്രം : ടാഗോർ നികേതൻ, സർവകലാശാലാ ക്യാമ്പസ്. വിശദമായ സമയക്രമം വെബ്സൈറ്റിൽ.

 പരീക്ഷാഫലം

 നാലാം സെമസ്റ്റർ എംഎസ് സി. കംപ്യൂട്ടർ സയൻസ് (2020 പ്രവേശനം) സെപ്റ്റംബർ 2024 ഒറ്റത്തവണ റഗുലർ സപ്ലിമെന്‍ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 27 വരെ അപേക്ഷിക്കാം.