പ​ണി​ക്കാ​രി​ല്ലാ​ത്ത​തി​നാ​ൽ കൃ​ഷി ഉ​പേ​ക്ഷി​ച്ചെ​ന്ന പ​രി​ഭ​വ​ത്തി​ന് പ​രി​ഹാ​ര​മാ​വു​ക​യാ​ണ് തി​രു​മാ​റാ​ടി​യി​ലെ വ​നി​താ ഗ്രീ​ൻ ആ​ർ​മി. എ​ന്തു കാ​ർ​ഷി​ക ജോ​ലി​യും വി​ശ്വ​സി​ച്ച് ഏ​ൽ​പി​ക്കാം, സ​മ​യ​ത്തു വെ​ടി​പ്പാ​യി ചെ​യ്തു ത​രും.

ഇ​വ​രു​ടെ കാ​ർ​ഷി​ക ന​ഴ്സ​റി​ക​ളി​ൽ വ​ഴു​ത​ന, പ​യ​ർ, ത​ക്കാ​ളി, പ​ച്ച​മു​ള​ക്, പീ​ച്ചി​ൽ, പാ​വ​ൽ, പ​ട​വ​ലം, വെ​ണ്ട തു​ട​ങ്ങി​യ​വ​യു​ടെ ല​ക്ഷ​ക്ക​ണ​ക്കി​ന് തൈ​ക​ൾ ഉ​ത്പാ​ദി​പ്പി​ച്ച് വി​റ്റ​ഴി​ക്കു​ന്നു.

മാ​വ്, പ്ലാ​വ്, ക​ട​പ്ലാ​വ്, തെ​ങ്ങ്, ക​വു​ങ്ങ് എ​ന്നി​വ​യു​ടെ തൈ​ക​ളും ത​യാ​റാ​ക്കു​ന്നു. ചേ​ന, ഇ​ഞ്ചി, ക​ച്ചോ​ലം, കാ​ച്ചി​ൽ, ചേ​ന്പ്, കി​ഴ​ങ്ങ് ന​ടീ​ൽ വ​സ്തു​ക്ക​ളും വി​ൽ​പ​ന​യ്ക്കു​ണ്ട്.

പു​ല്ലു​വെ​ട്ടും തെ​ങ്ങി​നു ത​ട​മെ​ടു​ക്ക​ലും തേ​ങ്ങാ പി​രി​ക്ക​ലും തെ​ങ്ങൊ​രു​ക്ക​ലും ഇ​വ​ർ​ക്ക് ന​ല്ല വ​രു​മാ​ന​മാ​ണ്. ദി​വ​സം മു​പ്പ​തു തെ​ങ്ങി​ൽ വ​രെ ക​യ​റി തേ​ങ്ങ​യി​ടു​ന്ന​വ​ർ ഇ​വ​ർ​ക്കൊ​പ്പ​മു​ണ്ട്. ഒ​രു തെ​ങ്ങി​ൽ തേ​ങ്ങ ഇ​ടാ​ൻ 65 രൂ​പ​യും മു​ക​ൾ​ഭാ​ഗം വെ​ടി​പ്പാ​ക്കി മ​രു​ന്ന​ടി​ക്കാ​ൻ 130 രൂ​പ​യു​മാ​ണ് കൂ​ലി.

പാ​ന്പാ​ക്കു​ട​യി​ലെ ബ​യോ​ഫാ​ർ​മ​സി​യി​ൽ രാ​സ, ജൈ​വ, കു​മി​ൾ കീ​ട​നാ​ശി​നി​ക​ൾ ത​യാ​റാ​ക്കി സം​ഘം ക​ർ​ഷ​ക​രി​ലെ​ത്തി​ക്കു​ന്നു​ണ്ട്. കു​മി​ൾ ബാ​ധ​യ്ക്ക് ജൈ​വ കു​മി​ൾ​നാ​ശി​നി​യും ബാ​ക്ടീ​രി​യ​ൽ രോ​ഗ​ത്തി​ന് ജീ​വാ​ണു കീ​ട​നാ​ശി​നി​ക​ളും കൊ​ടു​ക്കും.

പാ​ന്പാ​ക്കു​ട അ​ഗ്രോ വി​ക​സ​ന കേ​ന്ദ്രം ഇ​തോ​ട​കം പ​ത്തു കോ​ടി രൂ​പ​യു​ടെ ടേ​ണ്‍ ഓ​വ​ർ നേ​ടി​യ​താ​യും മൂ​ന്നു കോ​ടി രൂ​പ​യു​ടെ സ​ർ​വീ​സ് ചാ​ർ​ജ് വി​ത​ര​ണം ചെ​യ്ത​താ​യും ഹ​രി​ത സേ​വ​ന കേ​ന്ദ്ര​ത്തി​ന്‍റെ ഫ​സി​ലി​റ്റേ​റ്റ​റും മു​ൻ അ​സി​സ്റ്റ​ന്‍റ് കൃ​ഷി ഓ​ഫീ​സ​റു​മാ​യ വി.​സി. മാ​ത്യു പ​റ​ഞ്ഞു.

സം​സ്ഥാ​ന​ത്തു​ത​ന്നെ ഒ​രു ഹ​രി​ത സം​ഘ​ത്തി​ൽ ആ​ദ്യ​മാ​യി പ​ങ്കാ​ളി​ത്ത പെ​ൻ​ഷ​ൻ പ​ദ്ധ​തി ന​ട​പ്പി​ലാ​ക്കി​യ​തും ഇ​വി​ടെ​യാ​ണ്. ന​ഗ​ര​ങ്ങ​ളി​ലെ അ​പ്പാ​ർ​ട്ട്മെ​ന്‍റു​ക​ളി​ൽ താ​മ​സി​ക്കു​ന്ന​വ​ർ​ക്ക് പ​ച്ച​ക്ക​റി​ക​ൾ ഗ്രോ​ബാ​ഗി​ലും ചെ​ടി​ച്ച​ട്ടി​യി​ലും ത​യ്യാ​റാ​ക്കി ന​ൽ​കു​ന്നു​ണ്ട്.

ച​ട്ടി​ക​ളി​ലും ഗ്രോ​ബാ​ഗി​ലും മ​ണ്ണും വി​ള​വും നി​റ​ച്ച് കി​ളി​ർ​പ്പി​ച്ച തൈ​ക​ൾ ഇ​വ​ർ വീ​ടു​ക​ളി​ൽ എ​ത്തി​ച്ചു​ത​രും. കൂ​ത്താ​ട്ടു​കു​ളം, പാ​ന്പാ​ക്കു​ട, പി​റ​വം, രാ​മ​മം​ഗ​ലം, മു​ള​ക്കു​ളം എ​ന്നി​വി​ട​ങ്ങ​ളി​ൽ കാ​ല​ങ്ങ​ളാ​യി ത​രി​ശു​കി​ട​ന്ന അ​റു​പ​ത് ഹെ​ക്ട​റി​ലേ​റെ പാ​ട​ങ്ങ​ളെ​യാ​ണു പ​ച്ച​പ്പ​ട്ടാ​ളം പ​ച്ച​പ്പ​ണി​യി​ച്ച​ത്.

ച​ല​ച്ചി​ത്ര ന​ട​ൻ ശ്രീ​നി​വാ​സ​ൻ പാ​ട്ട​ത്തി​നെ​ടു​ത്ത പാ​ട​വും ഇ​തി​ൽ​പ്പെ​ടും. കാ​ടും പ​ട​ലും ക​യ​റി​ക്കി​ട​ന്ന പ​ന്ത്ര​ണ്ട് ഏ​ക്ക​ർ ക​ര​ഭൂ​മി നെ​ൽ​പ്പാ​ട​മാ​ക്കി ഇ​വ​ർ കൂ​ത്താ​ട്ടു​ക​ളം കൃ​ഷി​ഭ​വ​നു കീ​ഴി​ൽ വി​സ്മ​യം തീ​ർ​ത്തു. ക​ണ്ട നാ​ട് പാ​ട​ശേ​ഖ​ര​ത്തി​ലും പി​റ​വ​ത്തെ ചേ​ല്ലേ​ത്തു പാ​ട​ത്തും പ​തി​റ്റാ​ണ്ടു​ക​ൾ​ക്കു​ശേ​ഷം വി​ത​യും കൊ​യ്ത്തും ന​ട​ത്തി​യ​ത് ഇ​തേ കൂ​ട്ടാ​യ്മ​യാ​ണ്.