കേ​ര​ള​ത്തി​ൽ കു​ടം​പു​ളി മാ​ത്രം കൃ​ഷി ചെ​യ്യു​ന്ന ഒ​രു ഗ്രാ​മ​മു​ണ്ട്. അ​തി​ന്‍റെ പേ​രാ​ണ് പു​ളി​ക്ക​ത്ത​ടം. പ്ര​കൃ​തി ക​നി​ഞ്ഞ​നു​ഗ്ര​ഹി​ച്ച ഇ​ടു​ക്കി ജി​ല്ല​യി​ലെ മ​ല​യോ​ര ഗ്രാ​മം.

തൊ​ടു​പു​ഴ-​മൂ​ല​മ​റ്റം-​വാ​ഗ​മ​ണ്‍ റോ​ഡി​ൽ ഇ​ടാ​ടു​നി​ന്ന് ഒ​ന്ന​ര കി​ലോ​മീ​റ്റ​ർ സ​ഞ്ച​രി​ച്ചാ​ൽ പു​ളി​ക്ക​ത്ത​ടം ഗ്രാ​മ​മാ​യി. മൂ​ല​മ​റ്റ​ത്തു നി​ന്ന് 13.5 കി​ലോ​മീ​റ്റ​ർ മാ​ത്രം.

ഇ​വി​ടെ എ​ല്ലാ​വ​രും കൂ​ടി ഒ​രു വ​ർ​ഷം വി​ള​വെ​ടു​ക്കു​ന്ന​ത് 35 ട​ണ്‍ കു​ടം​പു​ളി.

ഉ​പ​ജീ​വ​ന​മാ​ർ​ഗം

ഈ ​ഗ്രാ​മ​ത്തി​ലെ നാ​ൽ​പ​തോ​ളം കു​ടും​ബ​ങ്ങ​ളെ അ​ന്ന​മൂ​ട്ടു​ന്ന​ത് കു​ടം​പു​ളി​യാ​ണ്. 50 ഏ​ക്ക​റോ​ളം സ്ഥ​ല​ത്താ​ണ് കു​ടം​പു​ളി ത​ഴ​ച്ചു വ​ള​ർ​ന്നു നി​ൽ​ക്കു​ന്ന​ത്. പ്ര​തി​വ​ർ​ഷം 7075 ല​ക്ഷം രൂ​പ​യു​ടെ വ​രു​മാ​ന​മാ​ണ് പു​ളി​ക്ക​ത്ത​ടം നി​വാ​സി​ക​ൾ​ക്ക് കു​ടം​പു​ളി സ​മ്മാ​നി​ക്കു​ന്ന​ത്.

പ്ര​കൃ​തി ക​നി​ഞ്ഞ​നു​ഗ്ര​ഹി​ച്ച മ​നോ​ഹാ​രി​ത ആ​വോ​ള​മു​ണ്ട് ഈ ​ഗ്രാ​മ​ത്തി​ന്. പ​ച്ച​പ്പ​ട്ട​ണി​ഞ്ഞ് ത​ണ​ൽ വി​രി​ച്ചു നി​ൽ​ക്കു​ന്ന നൂ​റു ക​ണ​ക്കി​ന് പു​ളി​മ​ര​ങ്ങ​ൾ. ഇ​തി​നു സ​മീ​പം ക​ള​ക​ളാ​ര​വം മു​ഴ​ക്കി പാ​ല​രു​വി​യാ​യി ഒ​ഴു​കി​യി​റ​ങ്ങു​ന്ന നീ​ർ​ച്ചാ​ലു​ക​ൾ.

മ​ഞ്ഞി​ൽ ന​ന​യു​ന്ന പ്ര​ഭാ​ത​ങ്ങ​ൾ. ചെ​ന്നെ​ത്തി​യാ​ൽ പി​ന്നെ മ​ട​ങ്ങാ​ൻ തോ​ന്നാ​ത്ത​ത്ര വ​ശ്യ സൗ​ന്ദ​ര്യ​മു​ള്ള ഇ​ടം.

പു​ളി വ​ന്ന വ​ഴി

പു​ളി​ക്ക​ത്ത​ടം​കാ​രു​ടെ പു​ളി​പ്രേ​മം ഇ​ന്നോ ഇ​ന്ന​ലെ​യോ തു​ട​ങ്ങി​യ​ത​ല്ല. 125 വ​ർ​ഷം മു​ന്പേ അ​വ​ർ ഇ​തി​ന്‍റെ രു​ചി​യും ര​സ​വും ഗു​ണ​വും തി​രി​ച്ച​റി​ഞ്ഞി​രു​ന്നു എ​ന്നാ​ണ് പ​ഴ​മ​ക്കാ​ർ പ​റ​യു​ന്ന​ത്.

പ​ണ്ടെ​ങ്ങോ പ​ക്ഷി​ക​ൾ കൊ​ത്തി​ക്കൊ​ണ്ടു​വ​ന്ന കാ​യ്ക​ൾ വീ​ണാ​ണ് പു​ളി​ക്ക​ത്ത​ട​ത്ത് പു​ളി​മ​ര​ങ്ങ​ൾ കി​ളി​ർ​ത്തു തു​ട​ങ്ങി​യ​ത്. ന​ല്ല വി​ള​വും വ​രു​മാ​ന​വും ല​ഭി​ച്ച​തോ​ടെ ഇ​വി​ട​ത്തു​കാ​ർ കൂ​ടു​ത​ൽ പു​ളി​മ​ര​ങ്ങ​ൾ ന​ട്ടു​പി​ടി​പ്പി​ക്കു​ക​യാ​യി​രു​ന്നു.

ബ​ഡ് ചെ​യ്ത ഒ​രു പു​ളി പോ​ലും ഇ​വി​ടെ​യി​ല്ല. ബ​ഡ്പു​ളി മൂ​ന്നാം വ​ർ​ഷം കാ​യ്ഫ​ലം ന​ൽ​കു​മെ​ങ്കി​ലും തൂ​ക്ക​ക്കു​റ​വും കേ​ടു വ​രാ​നു​ള്ള സാ​ധ്യ​ത​യും കൂ​ടു​ത​ലാ​ണെ​ന്ന് ക​ർ​ഷ​ക​ർ പ​റ​യു​ന്നു.

ജ​നു​വ​രി, മാ​ർ​ച്ച് മാ​സ​ങ്ങ​ളി​ലാ​ണ് പൂ​വി​ടു​ന്ന​ത്. മ​റ്റ് സ്ഥ​ല​ങ്ങ​ളി​ൽ ജൂ​ണ്‍, ജൂ​ലൈ മാ​സ​ങ്ങ​ളി​ലാ​ണ് വി​ള​വെ​ടു​പ്പെ​ങ്കി​ൽ ഇ​വി​ടെ ഒ​ക്ടോ​ബ​ർ, ന​വം​ബ​ർ മാ​സ​ങ്ങ​ളി​ലാ​ണ് സീ​സ​ണ്‍. ക​ടു​ത്ത വേ​ന​ലി​ൽ​പ്പോ​ലും ഇ​വി​ടു​ത്തെ പു​ളി​മ​ര​ങ്ങ​ളു​ടെ ഇ​ല​ക​ൾ പൊ​ഴി​യാ​റി​ല്ല.