റാഞ്ചി: ആറ് പോലീസുകാരെ കൊലപ്പെടുത്തിയ കേസിൽ രണ്ട് മാവോയിസ്റ്റുകളുടെ വധശിക്ഷയ്ക്കെതിരേയുള്ള അപ്പീൽ ജാർഖണ്ഡ് ഹൈക്കോടതിയുടെ മറ്റൊരു ബെഞ്ച് പരിഗണിക്കും.
രണ്ടംഗബെഞ്ച് ഭിന്നവിധി പുറപ്പെടുവിച്ചതിനെത്തുടർന്നാണ് ജസ്റ്റീസ് ഗൗതം കുമാർ ചൗധരിയുടെ ബഞ്ചിൽ കേസ് എത്തുന്നത്.
ദുംക സെഷൻസ് കോടതിയുടെ 2018 സെപ്റ്റംബർ 26 ലെ വിധിക്കെതിരേ പ്രതികളായ പ്രവീർ ദാ എന്ന പ്രവീർ മുർമുവും തല ദാ എന്നറിയപ്പെടുന്ന ശാന്തൻ ബസ്കിയുമാണ് ഹൈക്കോടതിയെ സമീപിച്ചത്.
കേസിൽ കഴിഞ്ഞ 17 നാണ് ഡിവിഷൻ ബെഞ്ച് ഭിന്നവിധി പുറപ്പെടുവിച്ചത്. 2013 ജൂലൈ രണ്ടിന് പുകാർ എസ്പി അമർജിത് ബാലിഹർ ഉൾപ്പെടെ ആറ് പോലീസുകാരെ കൊലപ്പെടുത്തിയെന്നാണ് ഇരുവർക്കുമെതിരേയുള്ള കേസ്.
E-paper LOGIN
LOGIN
