ഗ്ലോസ്റ്റർ: സെന്റ് മേരീസ് സീറോമലബാര് കാതലിക് മിഷന്റെ പാരിഷ് ഡേ ചര്ച്ച് ഡൗണ് കമ്മ്യൂണിറ്റി സെന്ററില് ശനിയാഴ്ച രാവിലെ പത്തരയ്ക്ക് വിശുദ്ധ കുർബാനയോടെ ആരംഭിച്ചു. വിശുദ്ധ കുര്ബാനയ്ക്ക് ഫാ. ജെയിന് പുളിക്കല്, എഎസ്എംസിസി വികാരി ഫാ. ജിബിന് വാമറ്റത്തില് എന്നിവര് കാര്മികത്വം വഹിച്ചു.
തുടര്ന്ന് നടന്ന പൊതുസമ്മേളനം ഫാ. ജെയിന് പുളിക്കല് ഉദ്ഘാടനം ചെയ്തു. ഫാ. ജിബിന് വാമറ്റത്തില് അധ്യക്ഷത വഹിച്ചു. ക്രിസ്തുവില് കേന്ദ്രീകൃതമായി ഒരു മുന്തിരിചെടിയും അതിന്റെ ശാഖകളും പോലെയാണ് ഒരു സമൂഹം വളരേണ്ടതെന്നും ഒരു കുടക്കീഴില് അണിനിരക്കുന്ന സമൂഹമായി ഗ്ലോസ്റ്ററിലെ സമൂഹം മാറണമെന്നും പാരിഷ് ഡേയില് ഫാ. ജിബിൻ ആശംസിച്ചു.