പേ​രൂ​ര്‍​ക്ക​ട: ഐ​രാ​ണി​മു​ട്ട​ത്ത് ഹോ​മി​യോ ഡോ​ക്ട​ര്‍ താ​മ​സി​ക്കു​ന്ന വാ​ട​ക​വീ​ട്ടി​ലു​ണ്ടാ​യ ക​വ​ര്‍​ച്ച​യി​ല്‍ അ​ന്വേ​ഷ​ണം നീ​ളു​ന്നു. പ്ര​തി മു​ഖം പൂ​ര്‍​ണ​മാ​യി മ​റ​ച്ച് എ​ത്തി​യ​താ​ണ് അ​ന്വേ​ഷ​ണ​ത്തി​നു ത​ല​വേ​ദ​ന സൃ​ഷ്ടി​ക്കു​ന്ന​ത്.
ക്രി​സ്മ​സ് ദി​നം പു​ല​ര്‍​ച്ചെ ഗ​വ. ഹോ​മി​യോ മെ​ഡി​ക്ക​ല്‍ കോ​ള​ജ് ആ​ര്‍​എം​ഒ​യും അ​സി​സ്റ്റ​ന്‍റ് പ്ര​ഫ​സ​റു​മാ​യ ഡോ. ​ടി​നു​വി​ന്‍റെ കാ​ല​ടി കു​ള​ത്ത​റ റോ​ഡി​ലെ വീ​ട്ടി​ലാ​ണ് ക​വ​ര്‍​ച്ച​യു​ണ്ടാ​യ​ത്. ഇ​വി​ടെ​നി​ന്നു ന​ഷ്ട​പ്പെ​ട്ട​ത് 10 ല​ക്ഷം രൂ​പ​യു​ടെ ആ​ഭ​ര​ണ​ങ്ങ​ളാ​ണ്.

ഇ​രു​നി​ല വീ​ടി​ന്‍റെ താ​ഴ​ത്തെ നി​ല​യു​ടെ വാ​തി​ല്‍ പൊ​ളി​ച്ചി​രി​ക്കു​ന്ന​താ​യി ശ്ര​ദ്ധ​യി​ല്‍​പ്പെ​ട്ട സ​മീ​പ​വാ​സി​ക​ളാ​ണ് വി​വ​രം പോ​ലീ​സി​ല്‍ അ​റി​യി​ച്ച​ത്. ക്രി​സ്മ​സ് അ​വ​ധി പ്ര​മാ​ണി​ച്ച് ഡോ​ക്ട​റും കു​ടും​ബ​വും എ​റ​ണാ​കു​ള​ത്തെ കു​ടും​ബ​വീ​ട്ടി​ല്‍ പോ​യ​സ​മ​യ​ത്താ​യി​രു​ന്നു മോ​ഷ​ണം. ഡോ​ക്ട​ര്‍ തി​രി​കെ​യെ​ത്തി പോ​ലീ​സി​ല്‍ പ​രാ​തി ന​ല്‍​കി​യി​രു​ന്നു.

വി​ര​ല​ട​യാ​ള വി​ദ​ഗ്ധ​രും ഡോ​ഗ്‌​സ്‌​ക്വാ​ഡും സ്ഥ​ല​ത്തു പ​രി​ശോ​ധ​ന ന​ട​ത്തി​യെ​ങ്കി​ലും കാ​ര്യ​മാ​യ തെ​ളി​വു​ക​ള്‍ ല​ഭി​ച്ചി​ല്ല. വീ​ടി​ന്‍റെ വാ​തി​ലി​നു സ​മീ​പ​ത്തു​നി​ന്നു വി​ര​ല​ട​യാ​ള​ങ്ങ​ള്‍ ല​ഭി​ക്കാ​ത്ത​തും അ​ന്വേ​ഷ​ണ​ത്തി​നു വെ​ല്ലു​വി​ളി​യാ​യി​ട്ടു​ണ്ട്.

രാ​ത്രി​സ​മ​യ​ത്ത് മോ​ഷ്ടാ​വ് പൂ​ർ​ണ​മാ​യും മു​ഖം മ​റ​ച്ചാ​ണ് ക​വ​ര്‍​ച്ച​യ്ക്ക് എ​ത്തി​യ​തെ​ന്നും ക​ണ്ണു​ക​ള്‍ മാ​ത്ര​മാ​ണു സി​സി​ടി​വി ദൃ​ശ്യ​ങ്ങ​ളി​ല്‍ കാ​ണാ​നാ​യ​തെ​ന്നും ഫോ​ര്‍​ട്ട് പോ​ലീ​സ് അ​റി​യി​ച്ചു. ഡോ​ക്ട​റു​ടെ വീ​ടി​നു സ​മീ​പ​ത്തു താ​മ​സി​ക്കു​ന്ന​യാ​ളു​ടെ വീ​ടി​ന്‍റെ വാ​തി​ല്‍ തു​റ​ന്നു മോ​ഷ​ണ​ശ്ര​മം ന​ട​ത്തി​യ​താ​യും അ​ന്വേ​ഷ​ണ​ത്തി​ല്‍ ബോ​ധ്യ​പ്പെ​ട്ടി​രു​ന്നു. ഇ​തു​സം​ബ​ന്ധി​ച്ച് ല​ഭി​ച്ച പ​രാ​തി​യി​ലും അ​ന്വേ​ഷ​ണം ന​ട​ന്നു​വ​രി​ക​യാ​ണ്. മോ​ഷ​ണ​വും മോ​ഷ​ണ​ശ്ര​മ​വും ഒ​രാ​ള്‍​ത​ന്നെ ന​ട​ത്തി​യ​താ​ണെ​ന്ന നി​ഗ​മ​ന​ത്തി​ലാ​ണ് പോ​ലീ​സ്.