ബാഗ്ദാദ്: ഉ​യി​ർ​ത്തെ​ഴു​ന്നേ​ൽ​ക്കു​ന്ന മാ​ർ ബെ​ഹ്‌​നാം ആ​ശ്ര​മ​ത്തി​ലെ ചു​വ​ർശില്പങ്ങൾ വീണ്ടും ലോകശ്രദ്ധയിലേക്ക്. ഇസ്‌ലാമിക് സ്റ്റേറ്റ് (ഐഎസ്) ഭീകരർ തകർത്ത ചരിത്രസ്മാരകങ്ങൾ പു​ന​രു​ദ്ധാ​ര​ണ​ത്തി​ന്‍റെ അവസാനഘട്ടത്തിലേക്ക് എത്തി. ഭീകരതയ്ക്കു മാ​യ്ക്കാ​നാ​വാ​ത്ത വി​ശ്വാ​സ​ത്തി​ന്‍റെയും ക​ല​യു​ടെ​യും ദൈവമുദ്രകൾ ഇ​റാക്കിന്‍റെ മ​ണ്ണി​ൽ വീണ്ടും തെ​ളി​യു​മ്പോൾ അത് അഗോള ഭീകരതയ്ക്കെതിരേയുള്ള പോരാട്ടത്തിന്‍റെ പ്രതീകംകൂടിയാകുന്നു.

ശ്രമകരമായ ദൗത്യം

ആഗോളഭീ​ക​ര​സം​ഘം ത​ച്ചു​ത​ക​ർ​ത്ത ഇ​റാ​ക്കിലെ വി​ഖ്യാ​ത​മാ​യ മാ​ർ ബഹനാൻ - സാ​റ ആ​ശ്ര​മ​ത്തി​ലെ 13-ാം നൂ​റ്റാ​ണ്ടി​ൽ തീർത്ത ചു​വ​ർ​ശില്പങ്ങൾ (റിലീഫ്) പു​ന​രു​ദ്ധാ​ര​ണ​ത്തി​ലൂ​ടെ പ​ഴ​യ പ്ര​താ​പ​ത്തി​ലേ​ക്കു തിരിച്ചെത്തിക്കാനുള്ള തീവ്രശ്രമത്തിലാണ് ഒരു സംഘം കലാകാരന്മാർ. ഉത്തര ഇറാക്കിലെ ഖിദിർ ഇല്യാസ് ഗ്രാമത്തിലാണ് ഈ ആശ്രമം. ഈ സുറിയാനി കത്തോലിക്ക ആശ്രമത്തിലാണ് വി. ബഹനാന്‍റെ ശവകുടീരം. അതിനും ഐഎസ് ഭീകരർ കേടുവരുത്തിയിരുന്നു. ആശ്രമാധികൃതരും ഫ്രഞ്ച് സംഘടനയായ മെസൊപൊട്ടാമിയയുമായി സഹകരിച്ചാണു ചരിത്രവും വിശ്വാസവും ഇഴചേർന്ന കലാസൃഷ്ടികളുടെ പു​ന​രു​ദ്ധാരണം സാധ്യമാക്കുന്നത്.

80 ശതമാനം തകർത്തു

പ​ത്തു വ​ർ​ഷം മു​മ്പ് ഐ​സ് ഭീ​ക​ര​ർ ഇ​റാ​ക്കിന്‍റെ വ​ട​ക്ക​ൻ മേ​ഖ​ല​ക​ൾ കീ​ഴ​ട​ക്കി​യ​പ്പോ​ൾ, അ​വ​രുടെ ആ​ദ്യം ല​ക്ഷ്യങ്ങൾ മേഖലയിലെ പു​രാ​ത​ന സാം​സ്കാ​രി​ക പൈതൃകങ്ങളായിരുന്നു. ആ​ശ്ര​മ​ത്തി​ലെ പ്ലാ​സ്റ്റ​ർ ചു​വ​ർ​ചി​ത്ര​ങ്ങ​ൾ 80 ശ​ത​മാ​ന​ത്തോ​ളം അ​വ​ർ ത​ക​ർ​ത്തു. വി​. ബഹനാന്‍റെയും സ​ഹോ​ദ​രി സാ​റ​യു​ടെ​യും ര​ക്ത​സാ​ക്ഷി​ത്വ​ത്തെ അ​ട​യാ​ള​പ്പെ​ടു​ത്തു​ന്ന ​ശി​ല്പ​ങ്ങൾ ലോ​ക​ത്തി​ലെത​ന്നെ അ​പൂ​ർ​വ നി​ർ​മി​തി​ക​ളായാ​ണു കരുതപ്പെടുന്നത്. ദൈ​വി​ക​മാ​യ ഇ​ട​പെ​ട​ലി​ലൂ​ടെ​യാ​ണ് ​പു​ന​രു​ദ്ധാ​ര​ണം സാ​ധ്യ​മാ​യ​തെന്നു ആ​ശ്ര​മ​ശ്രേഷ്ഠൻ, കോർ​ബി​ഷ​പ്പ് മ​സെ​ൻ മ​റ്റോ​ക്ക പ​റ​യു​ന്നു.

അമൂല്യ സൃഷ്ടികൾ

നാലു മീ​റ്റ​ർ നീ​ള​മു​ള്ള വി. ബഹനാന്‍റെ ചി​ത്ര​വും രണ്ടു മീ​റ്റ​ർ ഉ​യ​ര​മു​ള്ള വി​ശു​ദ്ധ സാ​റ​യു​ടെ ചി​ത്ര​വും കേ​വ​ലം ക​ലാ​സൃഷ്ടികളല്ല. അതിലെ ഓ​രോ നി​റ​ത്തി​നും ഓ​രോ അ​ർഥ​മു​ണ്ട്. റോയൽ ബ്ലൂ​ സ്വ​ർഗ​ത്തെ​ സൂ​ചി​പ്പി​ക്കുന്നു. ര​ക്ത​സാ​ക്ഷി​ത്വ​ത്തി​ന്‍റെ പ്ര​തീ​കമായി ചുവപ്പ് ഉപയോഗിച്ചിരിക്കുന്നു. പ​ച്ച നി​ത്യ​ജീ​വ​നി​ലേ​ക്കു​ള്ള പ്ര​യാ​ണം സൂചിപ്പിക്കുന്നു. കു​തി​ര​പ്പു​റ​ത്തി​രി​ക്കു​ന്ന വി​. ബഹനാൻ തി​ന്മ​യെ തോ​ൽ​പ്പി​ക്കു​ന്ന​തും മാ​ലാ​ഖ​മാ​ർ അ​ദ്ദേ​ഹ​ത്തെ സ്വ​ർ​ഗ​ത്തി​ലേ​ക്കു സ്വീ​ക​രി​ക്കു​ന്ന​തും ചി​ത്രീ​ക​രി​ച്ചി​രി​ക്കു​ന്ന ഈ ​രൂ​പ​ങ്ങ​ൾ അ​തി​മ​നോ​ഹ​ര​മാ​ണ്. അ​റ​ബി​ക്, സുറിയാനി ലി​പി​ക​ൾ ​ചി​ത്ര​ത്തിനുചുറ്റും കൊ​ത്തിയിരിക്കുന്നു.