മാഡ്രിഡ്: ച​രി​ത്ര​മു​റ​ങ്ങു​ന്ന സ്പെ​യി​നി​ന്‍റെ ത​ല​പ്പ​ത്തേ​ക്ക് 150 വ​ർ​ഷ​ത്തി​നു ​ശേ​ഷം ആ​ദ്യ​മാ​യി ഒ​രു വ​നി​ത​യെ​ത്തു​ന്നു. അതും ഒരു ജെൻസി രാജകുമാരി. ഫി​ലി​പ്പ് ആ​റാ​മ​ൻ രാ​ജാ​വി​ന്‍റെ​യും ലെ​റ്റീ​ഷ്യ രാ​ജ്ഞി​യു​ടെ​യും മ​ക​ളാ​യ 20 കാ​രി ലെ​യ​ണോ​ർ രാ​ജ​കു​മാ​രി​യാ​ണ് രാ​ജ്യ​ത്തി​ന്‍റെ രാ​ജ്ഞി​യാ​കാ​നൊ​രു​ങ്ങു​ന്ന​ത്. അ​ടു​ത്ത കി​രീ​ടാ​വ​കാ​ശി എ​ന്ന​നി​ല​യി​ൽ ഇ​ക്കാ​ല​ങ്ങ​ളി​ൽ ക​ഠി​ന​മാ​യ സൈ​നി​ക​പ​രി​ശീ​ല​നം, ഉ​ന്ന​ത ആ​ഗോ​ള​വി​ദ്യാ​ഭ്യാ​സം തു​ട​ങ്ങി​യ മു​ന്നൊ​രു​ക്ക​ങ്ങ​ൾ ന​ട​ത്തു​ക​യാ​യി​രു​ന്നു ലെ​യ​ണോ​ർ. 1700ക​ൾ മു​ത​ൽ ആ​രം​ഭി​ച്ച ബ​ർ​ബ​ൺ രാ​ജ​വം​ശ​ത്തി​ന്‍റെ ച​രി​ത്ര​ത്തി​ൽ പ്ര​ധാ​ന സം​ഭ​വ​മാ​യി​രി​ക്കും ലെ​യ​ണോ​റു​ടെ സ്ഥാ​നാ​രോ​ഹ​ണം.

ചരിത്രം തിരുത്താൻ

ഏ​ക​ദേ​ശം ഒ​ന്ന​ര നൂ​റ്റാ​ണ്ടാ​യി ഒ​രു രാ​ജ്ഞി ഒ​റ്റ​യ്ക്കു സ്പെ​യി​ൻ ഭ​രി​ച്ചി​ട്ടി​ല്ല. ആ ​ച​രി​ത്ര​മാ​ണ് ലെ​യ​ണോ​ർ തി​രു​ത്താ​ൻ പോ​കു​ന്ന​ത്. സ്ഥാ​നാ​രോ​ഹ​ണം സം​ബ​ന്ധി​ച്ച് കൃ​ത്യ​മാ​യ തീ​യ​തി പ്ര​ഖ്യാ​പി​ച്ചി​ട്ടി​ല്ല. 57കാ​ര​നാ​യ ഫി​ലി​പ്പ് ആ​റാ​മ​ൻ രാ​ജാ​വ് സ്ഥാ​ന​ത്യാ​ഗം ചെ​യ്യു​മ്പോ​ഴോ അ​ദ്ദേ​ഹ​ത്തി​ന്‍റെ കാ​ല​ശേ​ഷ​മോ ലെ​യ​ണോ​ർ രാ​ജ്ഞി​യാ​കും. അ​തു​വ​രെ ഔ​പ​ചാ​രി​ക ത​യാ​റെ​ടു​പ്പ് തു​ട​രും. ലെ​യ​ണോ​ർ സിം​ഹാ​സ​ന​മേ​റ്റെ​ടു​ത്താ​ൽ ഒ​രു രാ​ജാ​വി​നൊ​പ്പ​മ​ല്ലാ​തെ സ്വ​ന്ത​മാ​യി ഭ​രി​ക്കു​ന്ന ആ​ദ്യ​ത്തെ വ​നി​ത​യാ​കും. ആ​ധു​നി​ക സ്പാ​നി​ഷ് രാ​ജ​വാ​ഴ്ച​യി​ൽ അ​തു ച​രി​ത്ര​മാ​യി മാ​റു​ക​യും ചെ​യ്യും. ഇ​സ​ബെ​ല്ല -രണ്ട് രാ​ജ്ഞി​ക്കു​ശേ​ഷം ആ​ദ്യ​മാ​യി രാ​ജ്യ​ത്തി​ന്‍റെ ത​ല​പ്പ​ത്തെ​ത്തു​ന്ന വ​നി​ത​യാ​യിരിക്കും അസ്തൂറി​യ​സി​ലെ രാ​ജ​കു​മാ​രി എ​ന്നറിയപ്പെടുന്ന ​ലെ​യ​ണോ​ർ.

നേ​ടി​യ​ത് അ​തി​തീ​വ്ര പ​രി​ശീ​ല​നം

സ്പാ​നി​ഷ് നി​യ​മ​പ്ര​കാ​രം അ​ടു​ത്ത​താ​യി സിം​ഹാ​സ​ന​ത്തി​ലേ​റേ​ണ്ട​യാ​ൾ നി​ർ​ബ​ന്ധ​മാ​യും സൈ​നി​ക​പ​രി​ശീ​ല​നം നേ​ട​ണം. ക​ര​സേ​ന, നാ​വി​ക​സേ​ന, വ്യോ​മ​സേ​ന എ​ന്നി​വ​യു​ടെ​യെ​ല്ലാം പ​രി​ശീ​ല​നം ഭാ​വി രാ​ജ്ഞി​ക്ക് ആ​വ​ശ്യ​മാ​ണ്. വി​ദ്യാ​ഭ്യാ​സ​ത്തി​നു​ ശേ​ഷം ലെ​യ​ണോ​ർ സ​മു​ദ്ര​യാ​ത്ര​ക​ൾ ന​ട​ത്തി​യും വ്യോ​മ​സേ​നാ​വി​മാ​ന​ങ്ങ​ൾ ഒ​റ്റ​യ്ക്കു പ​റ​ത്തി​യു​മെ​ല്ലാം സൈ​നി​ക​ പ​രി​ശീ​ല​നം നേ​ടി.
2023 ഓ​ഗ​സ്റ്റി​ലാ​ണ് ലെ​യ​ണോ​ർ ക​ര​സേ​ന​യി​ൽ സൈ​നി​ക​പ​രി​ശീ​ല​നം ആ​രം​ഭി​ക്കു​ന്ന​ത്. സ​ര​ഗോ​സ​യി​ൽ വ​ച്ചാ​യി​രു​ന്നു ഇ​ത്. ഇ​തി​നു​ശേ​ഷം 2024ൽ ​ലെ​യ​ണോ​ർ ഗ​ലീ​ഷ്യ​യി​ൽ നാ​വി​ക പ​രി​ശീ​ല​ന​ത്തി​നാ​യി പോ​യി. പ​രി​ശീ​ല​ന​ത്തി​നി​ടെ സ്പെ​യി​നി​ന്‍റെ പ്ര​ശ​സ്ത​മാ​യ പ​രി​ശീ​ല​ന​ക്ക​പ്പ​ലാ​യ ജു​വാ​ൻ സെ​ബാ​സ്റ്റ്യ​ൻ ഡി ​എ​ൽ​ക്കാ​നോ​യി​ൽ 17,000 മൈ​ലു​ക​ൾ താ​ണ്ടി അ​റ്റ്ലാ​ന്‍റി​ക് സ​മു​ദ്രം ക​ട​ന്ന് തെ​ക്കേ അ​മേ​രി​ക്ക​യി​ൽ ചു​റ്റി സ​ഞ്ച​രി​ച്ച് ന്യൂ​യോ​ർ​ക്ക് വ​രെ 140 ദി​വ​സ​ത്തെ സാ​ഹ​സി​ക യാ​ത്ര ന​ട​ത്തി. യാ​ത്ര​യ്ക്കി​ടെ ക്രൂ ​അം​ഗ​മാ​യും ജോ​ലി ചെ​യ്തു.