സിഡ്നി: അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ച് ഓസീസ് താരം ഉസ്മാൻ ഖവാജ. ഇംഗ്ലണ്ടിനെതിരെയുള്ള ആഷസ് പരമ്പരയിലെ സിഡ്നിയിൽ നടക്കുന്ന അവസാനത്തെ ടെസ്റ്റായിരിക്കും തന്‍റെ കരിയറിലെ അവസാന അന്താരാഷ്ട്ര മത്സരമായിരിക്കുമെന്ന് താരം പറഞ്ഞു.

സിഡ്നി ക്രിക്കറ്റ് ഗ്രൗണ്ടിലായിരുന്നു ഖവാജയുടെ ഫസ്റ്റ് ക്ലാസ് കരിയർ തുടക്കവും. 2011 ൽ ടെസ്റ്റ് ക്രിക്കറ്റിലേക്ക് എത്തിയ ഉസ്മാൻ ഖവാജ 15 വർഷം നീണ്ട കരിയറിൽ ഇതുവരെ 87 ടെസ്റ്റുകളിൽ നിന്നായി 6000ലധികം റൺസ് സ്വന്തമാക്കി. ഇതിൽ 16 സെഞ്ചുറികളും 28 അർധ സെഞ്ചുറികളുമുണ്ട്. കൂടാതെ, 40 ഏകദിനങ്ങളിൽ നിന്നായി 1500 ലധികം റൺസ് നേടിയിട്ടുണ്ട്.

ബം​ഗ​ളൂ​രു: ടെ​ന്നീ​സി​ല്‍​നി​ന്ന് വി​ര​മി​ക്ക​ല്‍ പ്ര​ഖ്യാ​പി​ച്ച് രോ​ഹ​ൻ ബൊ​പ്പ​ണ്ണ. 45-ാം വ​യ​സി​ലാ​ണ് 22 വർഷം നീണ്ടുനിന്ന കരീയറിൽനിന്നും താരം വി​ര​മി​ക്ക​ല്‍ പ്ര​ഖ്യ​പി​ച്ച​ത്.

ര​ണ്ട് ഗ്രാ​ന്‍​സ്ലാം ഡ​ബി​ള്‍​സ് കി​രീ​ട​ങ്ങ​ള്‍ നേ​ടി​യി​ട്ടു​ള്ള രോ​ഹ​ന്‍ ബൊ​പ്പ​ണ്ണ ഡ​ബി​ൾ​സി​ൽ മു​ൻ ലോ​ക ഒ​ന്നാം ന​മ്പ​ർ താ​രം കൂ​ടി​യാ​യി​രു​ന്നു. ഈ ​നേ​ട്ടം സ്വ​ന്ത​മാ​ക്കു​ന്ന ഏ​റ്റ​വും പ്രാ​യം കൂ​ടി​യ താ​ര​വു​മാ​യി​രു​ന്നു ബൊ​പ്പ​ണ്ണ.

എ​ടി​പി ടൂ​റി​ൽ 26 ഡ​ബി​ൾ​സ് കി​രീ​ട​ങ്ങ​ൾ ബൊ​പ്പ​ണ്ണ സ്വ​ന്ത​മാ​ക്കി​യി​രു​ന്നു. മൂ​ന്ന് ഒ​ളി​മ്പി​ക്സു​ക​ളി​ൽ ഇ​ന്ത്യ​ക്കാ​യി മ​ത്സ​രി​ച്ച ബൊ​പ്പ​ണ്ണ 2002 മു​ത​ൽ 2023 വ​രെ ഇ​ന്ത്യ​യു​ടെ ഡേ​വി​സ് ക​പ്പ് ടീം ​അം​ഗ​മാ​യി​രു​ന്നു.

ഇ​ന്ത്യ​യി​ലെ ഭൂ​രി​ഭാ​ഗം യു​വ​ജ​ന​ങ്ങ​ളും റി​ട്ട​യ​ർ​മെ​ന്‍റി​ന് വേ​ണ്ടി യാ​തൊ​ന്നും ചെ​യ്യു​ന്നി​ല്ല എ​ന്ന് പ​ഠ​ന​ങ്ങ​ൾ പ​റ​യു​ന്നു. കാ​ര​ണം, ‘ഇ​തി​നെ​ക്കു​റി​ച്ച് ഇ​പ്പോ​ഴേ ചി​ന്തി​ക്ക​ണോ, വ​ർ​ഷ​ങ്ങ​ൾ ഒ​രു​പാ​ട് ഉ​ണ്ട​ല്ലോ അ​പ്പോ​ൾ നോ​ക്കാം’ എ​ന്ന ചി​ന്ത​യാ​ണ്. എ​ന്നാ​ൽ റി​ട്ട​യ​ർ​മെ​ന്‍റ് പ്ലാ​നിം​ഗ് എ​ത്ര​യും നേ​ര​ത്തേ തു​ട​ങ്ങ​ണം എ​ന്ന സ​ത്യം എ​ല്ലാ​വ​രും തി​രി​ച്ച​റി​യേ​ണ്ട​താ​ണ്. വി​ര​മി​ക്ക​ലി​നു ശേ​ഷ​മു​ള്ള ജീ​വി​തം സ​ന്തോ​ഷം നി​റ​ഞ്ഞ​താ​ക​ണ​മെ​ങ്കി​ൽ അ​തി​നാ​യു​ള്ള ആ​സൂ​ത്ര​ണം വ​ള​രെ​യ​ധി​കം നി​ർ​ണാ​യ​ക​മാ​ണ്. ഇ​തെ​ല്ലാം 40-50 വ​യ​സി​നു ശേ​ഷം ചി​ന്തി​ക്കേ​ണ്ട കാ​ര്യ​മാ​ണ് എ​ന്നു​ള്ള കാ​ഴ്ച​പ്പാട്‌ ആ​ദ്യം മാ​റ്റ​ണം.

ഇ​നി​യും വൈ​കി​യാ​ൽ ല​ഭി​ക്കാ​വു​ന്ന പ​ല സാ​ധ്യ​ത​ക​ളും ന​ഷ്ട​മാ​കും. ഭാ​വി​യി​ൽ ഉ​ണ്ടാ​കു​ന്ന ആ​രോ​ഗ്യ​പ്ര​ശ്ന​ങ്ങ​ൾ, സാ​മ്പ​ത്തി​ക പ്ര​തി​സ​ന്ധി​ക​ൾ, മ​ക്ക​ളെ ആ​ശ്ര​യി​ച്ച് ജീ​വി​ക്കേ​ണ്ടി​വ​രു​ന്ന​ത് എ​ന്നി​വ​യെ​ല്ലാം നേ​രി​ടാ​ൻ ഇ​ന്നു മു​ത​ൽ ത​ന്നെ റി​ട്ട​യ​ർ​മെ​ന്‍റ് ആ​സൂ​ത്ര​ണം ചെ​യ്യാം.

ഇ​പ്പോ​ൾ തു​ട​ങ്ങേ​ണ്ട​ത് എ​ന്തു​കൊ​ണ്ട്?

വി​ര​മി​ക്ക​ൽ എ​ന്ന​ത് ഒ​രി​ക്ക​ലും വൈ​കി​പ്പി​ക്കാ​നാ​വാ​ത്ത ഒ​രു ഉ​ത്ത​ര​വാ​ദി​ത്വ​മാ​ണ്. സ്ഥി​ര​വ​രു​മാ​നം ല​ഭി​ച്ചു തു​ട​ങ്ങു​മ്പോ​ൾ​ത​ന്നെ നി​ക്ഷേ​പ​ത്തി​നു തു​ട​ക്കം കു​റി​ക്കേ​ണ്ട​ത് സു​പ്ര​ധാ​ന​മാ​ണ്. പ്ര​തി​മാ​സം നി​ശ്ചി​ത തു​ക നി​ക്ഷേ​പി​ക്കു​ന്ന​ത് 20-25 വ​ർ​ഷ​ത്തി​നു ശേ​ഷം മി​ക​ച്ച ലാ​ഭ​ത്തി​ൽ എ​ത്താ​ൻ സാ​ധ്യ​ത​യു​ണ്ട്. തു​ട​ർ​ച്ച​യാ​യ നി​ക്ഷേ​പ​ത്തി​ലൂ​ടെ ല​ഭി​ക്കു​ന്ന കോം​പൗ​ണ്ടിം​ഗ് ബെ​ന​ഫി​റ്റ് നി​ങ്ങ​ളു​ടെ സ​മ്പാ​ദ്യം വ​ർ​ധി​പ്പി​ക്കും.

റി​ട്ട​യ​ർ​മെ​ന്‍റ് പ്ലാ​ൻ ത​യാ​റാ​ക്കു​മ്പോ​ൾ ശ്ര​ദ്ധി​ക്കേ​ണ്ട കാ​ര്യ​ങ്ങ​ൾ

നാ​ഷ​ണ​ൽ പെ​ൻ​ഷ​ൻ സ്കീം

​ഭാ​വി​യി​ലെ സ്ഥി​ര​മാ​യ വ​രു​മാ​ന​ത്തി​നാ​യി സ​ർ​ക്കാ​ർ പി​ന്തു​ണ​യോ​ടെ ഉ​ള്ള നി​ക്ഷേ​പ മാ​ർ​ഗ​മാ​ണ് നാ​ഷ​ണ​ൽ പെ​ൻ​ഷ​ൻ സ്കീം-​എ​ൻ​പി​എ​സ്. സ​ർ​ക്കാ​ര്‍ പ​ദ്ധ​തി​യാ​യ എ​ൻ​പി​എ​സ് പ​ല​ർ​ക്കും ഇ​പ്പോ​ഴും പ​രി​ചി​ത​മ​ല്ല. 18 മു​ത​ല്‍ 70 വ​യ​സു​വ​രെ പ്രാ​യ​മു​ള്ള​വ​ർ​ക്ക് ഈ ​സ്കീ​മി​ലൂ​ടെ ഭാ​വി​യി​ലേ​ക്കു​ള്ള സാ​മ്പ​ത്തി​ക സു​ര​ക്ഷ ഉ​റ​പ്പാ​ക്കാം. ആ​ദ്യം സ​ർ​ക്കാ​ര്‍ ജീ​വ​ന​ക്കാ​ർ​ക്കാ​യാ​ണ് ഇ​ത് അ​വ​ത​രി​പ്പി​ച്ച​തെ​ങ്കി​ലും പി​ന്നീ​ട് സ്വ​കാ​ര്യ മേ​ഖ​ല, സ്വ​യം തൊ​ഴി​ൽ ചെ​യു​ന്ന​വ​ർ, പ്ര​വാ​സി​ക​ള്‍ എ​ന്നി​വ​രെ​ക്കൂടി ഇ​തി​ൽ ഉ​ൾ​പ്പെ​ടു​ത്തി.

എ​ൻ​പി​എ​സി​ന്‍റെ മു​ഖ്യ​ല​ക്ഷ്യം

വി​ര​മി​ക്കു​മ്പോ​ൾ സ്ഥി​ര​മാ​യ വ​രു​മാ​നം ഉ​റ​പ്പാ​ക്കു​ന്നു. ഗ​വ​ൺ​മെ​ന്‍റി​ന്‍റെ പി​ന്തു​ണ​യോ​ടെ വി​പ​ണി​യോ​ട് ബ​ന്ധ​മു​ള്ള നി​ക്ഷേ​പം​കൂ​ടി​യാ​ണി​ത്. വാ​ർ​ഷി​ക റി​ട്ടേ​ൺ 10.5 എ​ന്നു ക​ണ​ക്കാ​ക്കി​യാ​ൽ, എ​ൻ​പി​എ​സി​ൽ 25 വ​യ​സു​ള്ള ഒ​രാ​ൾ 5000 രൂ​പ വ​ച്ച് നി​ക്ഷേ​പി​ച്ചാ​ൽ 60 വ​യ​സി​നു ശേ​ഷം ഈ ​തു​ക ര​ണ്ടു കോ​ടി​ക്കു മു​ക​ളി​ൽ ആ​കാ​ൻ സാ​ധ്യ​ത​യു​ണ്ട്. അ​തി​നാ​ൽ എ​ത്ര​യും നേ​ര​ത്തേ റി​ട്ട​യ​ർ​മെ​ന്‍റ് പ്ലാ​ൻ ചെ​യ്താ​ൽ റി​ട്ട​യ​ർ​മെ​ന്‍റ് ബെ​ന​ഫി​റ്റ് അ​ത്ര​യും​ത​ന്നെ വ​ർ​ധി​ക്കും.

ഫി​ക്സ​ഡ് ഡെ​പ്പോ​സി​റ്റ്

റി​സ്ക് ഇ​ല്ലാ​തെ സ്ഥി​രവ​രു​മാ​നം ല​ഭി​ക്കു​ക എ​ന്ന നി​ല​യി​ൽ ഫി​ക്സ​ഡ് ഡെ​പ്പോ​സി​റ്റ് ( എ​ഫ്ഡി) വി​ര​മി​ക്ക​ൽ ജീ​വി​ത​ത്തി​ൽ ഏ​റെ ആ​ശ്വാ​സ​ക​ര​മാ​ണ്. റി​സ്ക് സാ​ധ്യ​ത കു​റ​വ്, സ്ഥി​ര​ത​യു​ള്ള പ​ലി​ശ എ​ന്നി​വ​യാ​ണ് ആ​ക​ർ​ഷ​ണ​ങ്ങ​ൾ. 60 വ​യ​സി​നു മു​ക​ളി​ലു​ള്ള​വ​ർ​ക്ക് ല​ഭി​ക്കു​ന്ന പ്ര​ത്യേ​ക എ​ഫ്ഡി പ​ദ്ധ​തി​ക​ൾ ഏ​റെ ലാ​ഭ​ക​ര​മാ​ണ്. സാ​ധാ​ര​ണ എ​ഫ്ഡി​ക​ൾ അ​പേ​ക്ഷി​ച്ച് സീ​നി​യ​ർ സി​റ്റി​സ​ൺ എ​ഫ്ഡി​ക​ൾ​ക്ക് കൂ​ടു​ത​ൽ പ​ലി​ശ ല​ഭി​ക്കു​ന്നു.

പെ​ൻ​ഷ​ൻ പോ​ലു​ള്ള സ്ഥി​ര​വ​രു​മാ​ന​ത്തി​ന് എ​ഫ്ഡി ഓ​പ്ഷ​നു​ക​ൾ ഉ​പ​യോ​ഗി​ക്കാ​വു​ന്ന​താ​ണ്. അ​തി​നാ​ൽ റി​ട്ട​യ​ർ​മെ​ന്‍റി​ന് ശേ​ഷം സ്ഥി​ര​വ​രു​മാ​നം ആ​ഗ്ര​ഹി​ക്കു​ന്ന​വ​ർ​ക്ക് ഫി​ക്സ​ഡ് ഡെ​പ്പോ​സി​റ്റ് മാ​ർ​ഗം ഫ​ല​പ്ര​ദ​മാ​ണ്.

മ്യൂ​ച്വ​ൽ ഫ​ണ്ടു​ക​ൾ

ചെ​റി​യ തു​ക​യോ​ടെ മി​ത​മാ​യ റി​സ്കി​ൽ എ​ല്ലാ​വ​ർ​ക്കും തു​ട​ങ്ങാ​ൻ അ​നു​യോ​ജ്യ​മാ​യ ഒ​ന്നാ​ണ് മ്യൂ​ച്വ​ൽ ഫ​ണ്ടു​ക​ൾ. SIP (Systematic Investment Plan) വ​ഴി പ്ര​തി​മാ​സം 500 രൂ​പ മു​ത​ൽ നി​ക്ഷേ​പം ആ​രം​ഭി​ക്കാ​വു​ന്ന​താ​ണ്. വി​പ​ണി​യു​ടെ വ​ള​ർ​ച്ച​യു​ടെ ഭാ​ഗ​മാ​കാ​നും ദീ​ർ​ഘ​കാ​ല ലാ​ഭം നേ​ടാ​നും മ്യൂ​ച്വ​ൽ ഫ​ണ്ടു​ക​ൾ ഉ​ത്ത​മ മാ​ർ​ഗ​മാ​ണ്.

ആ​രോ​ഗ്യ, ലൈ​ഫ് ഇ​ൻ​ഷ്വ​റ​ൻ​സു​ക​ൾ

റി​ട്ട​യ​ർ​മെ​ന്‍റ് പ്ലാ​നി​ൽ ഇ​ൻ​ഷ്വ​റ​ൻ​സി​ന് വ​ലി​യ പ്രാ​ധാ​ന്യ​മു​ണ്ട്, പ്ര​ത്യേ​കി​ച്ച് കു​ടും​ബ​ത്തെ സാ​മ്പ​ത്തി​ക​മാ​യി സു​ര​ക്ഷി​ത​മാ​ക്കാ​ൻ. വി​ര​മി​ക്കു​ന്ന​തി​നു മു​മ്പ്ത​ന്നെ ഹെ​ൽ​ത്ത്, ലൈ​ഫ് ഇ​ൻ​ഷ്വ​റ​ൻ​സ് എ​ടു​ക്കു​ന്ന​ത് പെ​ട്ടെ​ന്നു​ള്ള രോ​ഗം, അ​പ​ക​ടം, മ​ര​ണം തു​ട​ങ്ങി​യ​വ​യെ അ​ഭി​മു​ഖീ​ക​രി​ക്കാ​ൻ സ​ഹാ​യി​ക്കും. അ​തി​നാ​ൽ​ത​ന്നെ റി​ട്ട​യ​ർ​മെ​ന്‍റ് ആ​സൂ​ത്ര​ണ​ത്തി​ൽ ഇ​ത് നി​ർ​ബ​ന്ധ​മാ​യും ഉ​ൾ​പ്പെ​ടു​ത്ത​ണം.

നാ​ൽ​പ​തു​ക​ളി​ൽ നി​ങ്ങ​ൾ​ക്കു​ള്ള വ​രു​മാ​ന​സാ​ധ്യ​ത​യും സ​മ്പാ​ദ‍്യ​ശേ​ഷി​യും താ​ര​ത​മ്യേ​ന ഉ​യ​രു​ന്ന​തു​കൊ​ണ്ട് റി​ട്ട​യ​ർ​മെ​ന്‍റ് പ്ലാ​ൻ കൃ​ത്യ​മാ​ക്കാ​ൻ ഈ ​കാ​ര്യ​ങ്ങ​ൾ കൂ​ടി പ​രി​ഗ​ണി​ക്കു​ക.

നി​കു​തി ആ​നു​കൂ​ല്യം: നി​ക്ഷേ​പ മാ​ർ​ഗ​ങ്ങ​ൾ തെ​ര​ഞ്ഞെ​ടു​ക്കു​മ്പോ​ൾ നി​കു​തി ആ​നു​കൂ​ല്യ​ങ്ങ​ൾ മ​ന​സി​ലാ​ക്കു​ക. കു​റ​ഞ്ഞ നി​കു​തി ബാ​ധ്യ​ത​യു​ള്ള നി​ക്ഷേ​പ​ങ്ങ​ൾ തെ​ര​ഞ്ഞെ​ടു​ക്കു​ക.

എ​മ​ർ​ജ​ൻ​സി ഫ​ണ്ട്: അ​പ്ര​തീ​ക്ഷി​ത ചെ​ല​വു​ക​ൾ​ക്കാ​യി ഒ​രു തു​ക എ​പ്പോ​ഴും മാ​റ്റി വ​യ്ക്കു​ക. വി​ര​മി​ക്ക​ൽ ഫ​ണ്ടി​ൽ​നി​ന്ന് ഒ​രി​ക്ക​ലും ചെ​ല​വു​ക​ൾ ന​ട​ത്താ​ൻ തു​ക​യെ​ടു​ക്ക​രു​ത്.

ജീ​വി​ത​ശൈ​ലി വി​ല​യി​രു​ത്തു​ക: നി​ങ്ങ​ളു​ടെ ജീ​വി​ത ശൈ​ലി​ക്ക് അ​നു​സൃ​ത​മാ​യി റി​ട്ട​യ​ർ​മെ​ന്‍റ് ഫ​ണ്ട് ക​ണ​ക്കാ​ക്കു​ക.

വൈ​വി​ധ്യ​മാ​ർ​ന്ന നി​ക്ഷേ​പ​ങ്ങ​ൾ: പ​ല പോ​ർ​ട്ഫോ​ളി​യോ​ക​ളി​ൽ നി​ക്ഷേ​പം ന​ട​ത്തു​ക. സ്വ​ർ​ണം, ഓ​ഹ​രി, റി​യ​ൽ​എ​സ്റ്റേ​റ്റ്, സ്ഥി​ര​നി​ക്ഷേ​പ​ങ്ങ​ൾ, മ്യൂ​ച്വ​ൽ ഫ​ണ്ടു​ക​ൾ, അ​ങ്ങ​നെ പ​ല ത​ര​ത്തി​ൽ ഉ​ള്ള നി​ക്ഷേ​പ​ങ്ങ​ളില്‍ ഏ​ർ​പ്പെ​ടു​ക.

സൗ​ത്ത് ഇ​ന്ത്യ​ൻ ബാ​ങ്കി​ന്‍റെ വി​ശ്വ​സ​നീ​യ​മാ​യ നി​ക്ഷേ​പ ഓ​പ്ഷ​നു​ക​ൾ വ​ഴി നി​ങ്ങ​ളു​ടെ റി​ട്ട​യ​ർ​മെ​ന്‍റ് ജീ​വി​തം സു​ര​ക്ഷി​ത​മാ​ക്കാ​ൻ സാ​ധി​ക്കും. ദീ​ർ​ഘ​കാ​ല ഫി​ക്സ​ഡ് ഡെ​പ്പോ​സി​റ്റു​ക​ൾ, പെ​ൻ​ഷ​ൻ സ്കീ​മു​ക​ൾ, മ്യൂ​ച്വ​ൽ ഫ​ണ്ടു​ക​ൾ എ​ന്നി​വ വ​ഴി മി​ക​ച്ച വ​രു​മാ​നം ഉ​റ​പ്പാ​ക്കാം. കൂ​ടാ​തെ, എ​ൻ​പി​എ​സ് ര​ജി​സ്ട്രേ​ഷ​ൻ സേ​വ​ന​വും മു​ൻ​നി​ര മ്യൂ​ച്വ​ൽ ഫ​ണ്ട് സ്ഥാ​പ​ന​ങ്ങ​ളു​മാ​യി സ​ഹ​ക​രി​ച്ചു​ള്ള എ​സ്ഐ​പി സം​വി​ധാ​ന​വും ഇ​ൻ​ഷ്വ​റ​ൻ​സ് (ആ​രോ​ഗ്യം/​ലൈ​ഫ്) ടൈ​അ​പ്പു​ക​ളും മ​റ്റ് സേ​വ​ന​ങ്ങ​ളും സൗ​ത്ത് ഇ​ന്ത‍്യ​ൻ ബാ​ങ്ക് വ​ഴി ല​ഭ്യ​മാ​ണ്.

സുപ്രീംകോടതി ചീഫ് ജസ്റ്റീസിൻ്റെ ഒരു നിരീക്ഷണവും കേരള ഹൈക്കോടതിയുടെ ഒരു നിർദേശവും ഇന്ത്യൻ ജനാധിപത്യത്തിന്റെ്റെ വ്യതിചലനങ്ങളെ അഭിസംബോധന ചെയ്യുന്നതാണ്. ജഡ്‌ജിമാർ രാജിവച്ചു തെരഞ്ഞെടുപ്പിൽ മത്സരിക്കുന്നതും വിരമിച്ചാലുടൻ സർക്കാർ പദവികൾ സ്വീകരിക്കുന്നതും നീതിന്യായ കോടതികളുടെ വിശ്വാസ്യതയെ ബാധിക്കുമെന്നാണ് സുപ്രീംകോടതി ചീഫ് ജസ്റ്റീസ് ബി. ആർ. ഗവായ് പറഞ്ഞത്. കേരളതീരത്ത് ലൈബീരിയൻ ചരക്കുകപ്പൽ മുങ്ങിയതിൻ്റെ പ്രത്യാഘാതങ്ങൾ അറിയാൻ ജനങ്ങൾക്ക് അവകാശമുണ്ടെന്നും വിശദാംശങ്ങൾ സർക്കാർ പുറത്തുവിടണമെന്നുമാണ് ഹൈക്കോടതി ബെഞ്ചിൻ്റെ നിർദേശം.
ജനങ്ങളുടേതായിരിക്കേണ്ട ജനാധിപത്യാവകാശങ്ങൾ ഭരണകുടങ്ങൾ അൽപ്പാൽപ്പമായി കൈവശപ്പെടുന്നതിനെ ഹൈക്കോടതി ചൂണ്ടിക്കാണിക്കുമ്പോൾ, പ്രലോഭനങ്ങളിലുടെ വശീകരിക്കാനുള്ള ഭരണകൂട ശ്രമങ്ങൾക്ക് ജുഡീഷറി വഴങ്ങുന്നെന്ന ചിന്തപോലും ഒഴിവാക്കണമെന്ന് ചീഫ് ജസ്റ്റീസ് ചൂണ്ടിക്കാണിക്കുന്നതായി നിരീക്ഷിക്കാം. ഭരണകർത്താക്കളും ന്യായാധിപരും ഇക്കാര്യങ്ങൾ ശ്രദ്ധിക്കുമെന്നു പ്രത്യാശിക്കുകയും ചെയ്യാം.
സുപ്രീംകോടതി ജഡ്‌ജി ബി. ആർ. ഗവായിയുടെ അഭിപ്രായം ഉയർന്നത്, ലണ്ടനിൽ ഇന്ത്യയിലെയും ഇംഗ്ലണ്ടിലെയും ജഡ്‌ജിമാർ പങ്കെടുത്ത യുകെ സുപ്രീംകോടതി ചർച്ചയിലാണ്. ജുഡീഷൽ സ്വാതന്ത്ര്യം, ഭരണഘടനാപരമാ യ മേധാവിത്വം, കോടതി നടപടികളുടെ തത്സമയ സംപ്രേഷണം, സോഷ്യൽ മീഡിയയുടെയും വർധിച്ചുവരുന്ന പൊതുജന നിരീക്ഷണത്തിൻ്റെയും യുഗത്തിൽ ജുഡീഷറിയുടെ വികസിതമാകുന്ന പങ്ക് തുടങ്ങിയ സങ്കീർണ വിഷയങ്ങളായിരുന്നു ചർച്ചയ്‌ക്കെടുത്തത്. എല്ലാം ഗൗരവമുള്ള വിഷയങ്ങളായിരുന്നെങ്കിലും, ജഡ്‌ജിമാരുടെ അധികാര പങ്കാളിത്തത്തെക്കുറിച്ച് ചീഫ് ജസ്റ്റീസ് ബി.ആർ. ഗവായിയുടെ അഭിപ്രായം ഇന്ത്യൻ പശ്ചാത്തലത്തിൽ കുടുതൽ ശ്രദ്ധ നേടി.
വിരമിച്ചയുടനെ ജഡ്‌ജിമാർ സർക്കാർ പദവി സ്വീകരിക്കുന്നതും രാജിവച്ച് തെരഞ്ഞെടുപ്പിൽ മത്സരിക്കുന്നതും ജുഡീഷറിയുടെ വിശ്വാസ്യതയെ ബാധിക്കുമെന്നും അത്തരം രീതികൾ ഗൗരവമായ ധാർമികചോദ്യങ്ങൾ ഉയർത്തുന്നുണ്ടെന്നുമാണ് അദ്ദേഹം പറഞ്ഞത്. "വിരമിച്ചശേഷമുള്ള പദവികൾക്കുവേണ്ടി ന്യായാധിപരായിരുന്ന കാലത്ത് ജഡ്‌ജിമാർ തീരുമാനമെടുത്തിട്ടുണ്ടാകാമെന്ന പൊതുബോധം രൂപപ്പെടാൻ ഇതു വഴിതെളിക്കും. ഇത്തരം ആശങ്കകളുടെ പശ്ചാത്തലത്തിലാണ് വിരമിച്ചശേഷം സർക്കാർ പദവികളൊന്നും വേണ്ടെന്ന്താനും സഹപ്രവർത്തകരിൽ ചിലരും തീരുമാനിച്ചത്. ജഡ്‌ജിമാരുടെ നിയമനത്തിനുള്ള കൊളീജിയം വിമർശനത്തിന് അതീതമല്ല. എന്നാൽ, ജുഡീഷറിയുടെ സ്വാതന്ത്ര്യം ഇല്ലാതാക്കിക്കൊണ്ടാകരുത് മറ്റൊരു സംവിധാനം കൊണ്ടുവരുന്നത്. ബാഹ്യ ഇടപെടലുകളിൽനിന്ന് ജഡ്‌ജിമാർ സ്വതന്ത്രരായിരിക്കണം."-ചീഫ് ജസ്റ്റീസ് പറഞ്ഞു.
കോൺഗ്രസ് ഭരണകാലത്തും ജഡ്‌ജിമാർ അധികാരസ്ഥാനങ്ങൾ ഏറ്റെടുത്തിട്ടുണ്ടെങ്കിലും ഇപ്പോഴത് വർധിച്ച രീതിയിലാകുകയും സ്ഥാനമാനങ്ങൾ ഏറ്റെടുത്തവരുടെ മുൻകാലവിധികൾ വിമർശിക്കപ്പെടുകയും ചെയ്‌തതോടെയാണ് ചിലതെങ്കിലും വിവാദമായത്. സുപ്രീംകോടതി ചീഫ് ജസ്റ്റീസുമാരായിരുന്ന പി. സദാശിവം, രഞ്ജൻ ഗൊഗോയ്, ഹൈക്കോടതികളിൽ ചീഫ് ജസ്റ്റീസും സുപ്രീംകോടതി ജഡ്‌ജിയുമായിരുന്ന ജസ്റ്റീസ് അരുൺ മിശ്ര, സുപ്രീംകോടതിയിലും ഹൈക്കോടതിയിലും ജഡ്‌ജിയായിരുന്ന എസ്. അബ്ദുൽ നസീർ തുടങ്ങിയവർ വിരമിച്ചശേഷം സർക്കാരിൽ വിവിധ പദവികൾ സ്വീകരിച്ചിരുന്നു. മലയാളിയായ മുൻ ചീഫ് ജസ്റ്റീസ് കെ.ജി. ബാലകൃഷ്‌ണൻ വിരമിച്ചശേഷം ദേശീയ മനുഷ്യാവകാശ കമ്മീഷൻ്റെ ചെയർമാനായി.
കോൽക്കത്ത ഹൈക്കോടതി ജഡ്‌ജിയായിരിക്കെ രാജിവച്ച അഭിജിത് ഗംഗോപാധ്യായ കഴിഞ്ഞ ലോക്സ‌ഭാ തെരഞ്ഞെടുപ്പിൽ ബിജെപിക്കുവേണ്ടി മത്സരിച്ചു ജയിച്ചു. രംഗനാഥ് മിശ്ര, ബഹാറുൾ ഇസ്‌ലാം എന്നിവർ മുമ്പ് കോൺഗ്രസിന്റെ അംഗങ്ങളായി രാജ്യസഭയിലേക്ക് തെരഞ്ഞെടുക്കപ്പെട്ടവരാണ്. ഭരണകർത്താക്കളും ന്യായാധിപരും ഒരുപോലെ ഗൗരവത്തിലെടുക്കേണ്ട വിഷയമാണെങ്കിലും കൊടുക്കൽ വാങ്ങലുകൾ എന്ന് ആക്ഷേപിക്കപ്പെടാനിടയുള്ള ഇത്തരം ക്രിയകളിൽ ഏർപ്പെടുന്നവർ പിൻവാങ്ങുമോയെന്ന് അറിയില്ല. പക്ഷേ, നിഷ്പക്ഷമതികളും എന്തു ചെയ്യണമെന്നു സന്ദേഹമുള്ളവരും തിരുത്താൻ തയാറുള്ളവരുമൊക്കെ ഇത്തരം വിമർശനങ്ങളെ തങ്ങളുടെ തീരു മാനങ്ങൾക്കുള്ള മൂല്യാധിഷ്‌ഠിത മാനദണ്ഡങ്ങളായി സ്വീകരിക്കും.
കൊച്ചി തീരത്തു മുങ്ങിയ എംഎസ്‌സി എൽസ 3 കപ്പലിലെ കണ്ടെയ്‌നറുകളിലുണ്ടായിരുന്ന വസ്‌തുക്കളെക്കുറിച്ച് പൊതുജനങ്ങൾ അറിയേണ്ടതുണ്ടെന്ന ഹൈക്കോടതി നിർദേശവും ജനാധിപത്യ സന്ദേശമാണ്. കണ്ടെയ്‌നറിലുള്ള സാധനങ്ങൾ കടലിൽ കലർന്നാൽ കടലിലും തീരത്തുമുണ്ടാകുന്ന പ്രത്യാഘാതം എന്തൊക്കെയായിരിക്കുമെന്ന വിവരങ്ങൾ വെബ്സൈറ്റിൽ പ്രസിദ്ധീകരിക്കണമെന്നും രണ്ടാഴ്ചയ്ക്കകം ഹർജി വീണ്ടും പരിഗണിക്കുമ്പോൾ വിശദാംശങ്ങൾ കോടതിയെ അറിയിക്കണമെന്നും നിർദേശിച്ചിട്ടുണ്ട്. കോൺഗ്രസ് നേതാവ് ടി.എൻ. പ്രതാപന്റെ ഹർജിയിൽ ചീഫ് ജസ്റ്റീസ് നിധിൻ ജാംദാർ, ജസ്റ്റീസ് ബസന്ത് ബാലാജി എന്നിവരടങ്ങുന്ന ഡിവിഷൻ ബെഞ്ചിന്റേതാണ് ഉത്തരവ്.
വിവരാവകാശ നിയമം ഇല്ലായിരുന്നെങ്കിൽ ഭരണകൂട-ഉദ്യോഗസ്ഥ ചെയ്‌തികളുടെ, അവർതന്നെ തിരുത്തിയ ഭാഷ്യങ്ങളേ ജനങ്ങൾക്കു വായിക്കാനാകുമായിരുന്നുള്ളു. വ്യക്തിപരമോ വ്യക്തിഹത്യാപരമോ അല്ലാത്ത വിവരങ്ങൾ ജനങ്ങൾ അറിയേണ്ടതുണ്ട്. അതിൻ്റെ ആവശ്യമില്ലെന്നു ഭരണകൂടം പറയുന്നുണ്ടെങ്കിൽ പലതും മറച്ചുവയ്ക്കുന്നുണ്ട് എന്നേ അർഥമുള്ളു. അതു ജനങ്ങളുടെയല്ല ഭരിക്കുന്നവരുടെ ആധിപത്യമാണ്. ഓപ്പറേഷൻ സിന്ദുറിനെക്കുറിച്ച് ചർച്ച ചെയ്യാൻ പാർലമെൻ്റിൻ്റെ പ്രത്യേക സമ്മേളനം വിളിക്കണമെന്ന പ്രതിപക്ഷ ആവശ്യവും ഈ പശ്ചാ ത്തലത്തിൽ പ്രാധാന്യമുള്ളതാണ്. വിദേശരാജ്യങ്ങൾക്കു മുമ്പ്, സ്വന്തം പാർലമെൻ്റിൽ ആദ്യം വിശദീകരിച്ചിരുന്നെങ്കിൽ അതു നൽകുന്ന സന്ദേശം നമ്മുടെ ജനാധിപത്യത്തിൻ്റെ സുതാര്യതയെ കൂടുതൽ വെളിപ്പെടുത്തുമായിരുന്നു.
ജനാധിപത്യം കാലാനുസൃതമായി പുതുക്കുന്നില്ലെങ്കിൽ അത് പുതിയ കാലത്തിൻ്റെ ആവശ്യങ്ങളെ തൃപ്‌തിപ്പെടുത്തുന്നതായിരിക്കില്ല. മറച്ചുവയ്ക്കുന്നിടത്ത് സുതാര്യതയില്ല. ടിക്കറ്റിൻ്റെ ബാക്കി പണം തന്നിരുന്നെങ്കിൽ തനിക്ക് മറ്റെന്തെങ്കിലും ആലോചിച്ചിരിക്കാമായിരുന്നെന്നു യാത്രക്കാരൻ ബസ് കണ്ടക്ടറോട് പറയുന്ന ഒരു സമൂഹമാധ്യമ കുറിപ്പുണ്ട്. അതുപോലെ, കപ്പലിൽ എന്തുണ്ടെന്നതും അതിൻ്റെ പ്രത്യാഘാതങ്ങളും ജനങ്ങളോടു പറഞ്ഞാൽ പിന്നെ കുഴപ്പമില്ലെന്നു പറഞ്ഞ് കുഴയേണ്ട ആവശ്യം സർക്കാരിനും കുഴപ്പമാകുമോ എന്ന് ചിന്തിച്ചുകൊണ്ടിരിക്കേണ്ട ആവശ്യം ജനങ്ങൾക്കും ഇല്ലാതാകും.
നിഷ്പക്ഷമായി നീതി നടപ്പാക്കേണ്ട ന്യായാധിപർ പാർട്ടി പ്രവർത്തകരോ ഔദാര്യം സ്വീകരിക്കുന്നവരോ അല്ലെന്നു ബോധ്യപ്പെട്ടാൽ, ഭരണകുടം ദുഷിച്ചോയെന്ന സംശയമുണ്ടാകുമ്പോഴൊക്കെ അവസാന ആശ്രയമെന്ന നിലയിൽ കോടതികളിലേക്കു നോക്കുന്ന ജനത്തിന് ആശ്വാസമാകും. ഭരണകുടത്തിലെ പങ്കല്ല, ജനാധിപത്യത്തിലെ പങ്കാണ് കോടതികൾ ഉറപ്പാക്കേണ്ടത്. ഭരിക്കുന്നവരോ, നീതിന്യായ വ്യവസ്ഥയെ വിലയ്ക്കെടുക്കാൻ ശ്രമിച്ച് സ്വയം ഇരുട്ടത്തേക്കു മാറിനിൽക്കുകയുമരുത്.