വിനീത് ശ്രീനിവാസന്റെ "തട്ടത്തിന് മറയത്ത്’ സിനിമയുടെ ഓഡിഷനില് നിന്നു പുറത്തായ അരുണ് അജികുമാര് എന്ന സ്കൂള് പയ്യന് 14 വര്ഷങ്ങള്ക്കിപ്പുറം മലയാളത്തിലെ ആദ്യത്തെ മുന്നൂറു കോടി കളക്ഷന് ചിത്രം "ലോക’യുടെ പോസ്റ്റര് ഡിസൈനറായും രാഹുല് സദാശിവന് ഹൊറര് ത്രില്ലര് "ഡീയസ് ഈറെ’യില് പ്രണവ് മോഹന്ലാലിനൊപ്പം കിരണ് എന്ന നിര്ണായക കഥാപാത്രമായും മിന്നിത്തിളങ്ങുന്ന കാഴ്ച.
നിരവധി ഹിറ്റ് സിനിമകള്ക്കു പോസ്റ്ററുകളൊരുക്കിയ അരുണിന്റെ "ഈസ്തെറ്റിക് കുഞ്ഞമ്മ’യാണ് ഡീയസ് ഈറെയ്ക്കും പോസ്റ്ററുകള് തീർത്തത്.
പൂക്കാലം, അന്വേഷിപ്പിന് കണ്ടെത്തും, പടക്കളം എന്നിവയിലൂടെ അഭിനയവീഥിയിൽ നിര്ണായക ചുവടുകള്. ഡീയസ് ഈറെയിലെ കിരണ്, അരുണിന്റെ കരിയറില് വഴിത്തിരിവാകുന്നു.
"കിരണിന്റെ നേര് വിപരീത സ്വഭാവമാണ് എന്റേത്. ഏറെ ജോളിയായ, എല്ലാവരെയും പിടിച്ചുനിര്ത്തി സംസാരിക്കുന്ന ഞാന് അധികമാരോടും മിണ്ടാതെ സെറ്റിന്റെ ഒരു മൂലയ്ക്കുപോയി ഒറ്റയ്ക്ക് ഇരുന്നതും ചില ബുദ്ധിമുട്ടുകള് പ്രകടിപ്പിച്ചതും ഈ കഥാപാത്രത്തിനു വേണ്ടിയാണ്. ഇതുവരെ ചെയ്തതില് ഏറ്റവും ആവേശജനകവും പ്രയാസമേറിയതുമായ വേഷം.'' അരുണ് അജികുമാര് സണ്ഡേ ദീപികയോടു പറഞ്ഞു.
തുടക്കം നാടകത്തില്