ന്യൂഡൽഹി: തലസ്ഥാനത്ത് ഉൾപ്പെടെ ഉത്തരേന്ത്യയിലുടനീളം അതിശൈത്യം തുടരുന്നു. രാവിലെ പല സംസ്ഥാനങ്ങളിലും കനത്ത മൂടൽമഞ്ഞാണ് അനുഭവപ്പെട്ടത്. ഹരിയാന, പഞ്ചാബ്, യുപി എന്നീ സംസ്ഥാനങ്ങളിലെ താപനില അഞ്ച് ഡിഗ്രി സെൽഷ്യസിനും 10 ഡിഗ്രി സെൽഷ്യസിനുമിടയിലാണെന്ന് കാലാവസ്ഥാ വകുപ്പ് അറിയിച്ചു.

ഡിസംബർ 28 വരെ യുപി, ബിഹാർ, പഞ്ചാബ്, രാജസ്ഥാൻ, ചണ്ഡീഗഡ്, ഹരിയാന, വടക്കൻ ഛത്തീസ്ഗഡ്, ജാർഖണ്ഡ്, ഒഡീഷ, വടക്കൻ മധ്യപ്രദേശ്, ഇന്ത്യയുടെ വടക്കുകിഴക്കൻ ഭാഗങ്ങൾ എന്നിവിടങ്ങളിൽ അതിശൈത്യം അനുഭവപ്പെടാൻ സാധ്യതയുണ്ടെന്ന് മുന്നറിയിപ്പിൽ പറയുന്നു.

അതേസമയം, ജമ്മു കാഷ്മീരിലും ലഡാക്കിലും താപനില പൂജ്യത്തിനും താഴെയായി. ഉത്താരഖണ്ഡിലും ഹിമാചൽ പ്രദേശിലും മഞ്ഞുവീഴ്ച തുടരുകയാണ്.

മൂന്നാര്‍: മഞ്ഞു പുതച്ചുമൂടി മൂന്നാര്‍. ഈ സീസണിലെ ഏറ്റവും താഴ്ന്ന താപനിലയായ മൂന്ന് ഡിഗ്രി സെൽഷ്യസാണ് തിങ്കളാഴ്ച രേഖപ്പെടുത്തിയത്. നല്ലതണ്ണി, തെന്മല, ചിറ്റുവാര, ചെണ്ടുവാര എന്നിവിടങ്ങളിലാണ് താപനില മൂന്ന് ഡിഗ്രിയിലെത്തിയത്. വരുംദിവസങ്ങളിൽ താപനില പൂജ്യത്തിനു താഴെയെത്തുമെന്നാണ് കരുതുന്നത്.

പ്രദേശത്തെ പുൽമേടുകളിൽ വ്യാപകമായി മഞ്ഞുവീഴ്ചയുണ്ടായി. ലക്ഷ്മി എസ്റ്റേറ്റിൽ നാലുഡിഗ്രിയും സെവൻമലയിൽ അഞ്ചുഡിഗ്രിയുമായിരുന്നു കുറഞ്ഞ താപനില. കഴിഞ്ഞയാഴ്ച താപനില എട്ടുഡിഗ്രി സെൽഷ്യസിലേക്ക് താഴ്ന്നെങ്കിലും, പിന്നീട് വർധിച്ചിരുന്നു.

അതേസമയം, മൂന്നാറിലെ ശൈത്യം വിനോദസഞ്ചാരമേഖലയ്ക്ക് ഉണർവേകി. ഉത്തരേന്ത്യയിൽനിന്നുൾപ്പെടെയുള്ള നിരവധി സഞ്ചാരികൾ മൂന്നാറിലെത്തിത്തുടങ്ങി.

മാ​ഡ്രി​ഡ്: ഉ​ഷ്ണ​ത​രം​ഗം ശ​ക്ത​മാ​യ​തോ​ടെ യൂ​റോ​പ്യ​ൻ രാ​ജ്യ​ങ്ങ​ൾ വെ​ന്തു​രു​കു​ന്നു. ശ​നി​യാ​ഴ്ച സ്പെ​യി​നി​ലെ സെ​വി​യ്യ മേ​ഖ​ല​യി​ൽ 40 ഡി​ഗ്രി സെ​ൽ​ഷ​സി​നു മു​ക​ളി​ൽ ചൂ​ടാ​ണ് അ​നു​ഭ​വ​പ്പെ​ട്ട​ത്. എ​ൽ ഗ്ര​ന​ഡോ പ​ട്ട​ണ​ത്തി​ൽ 46 ഡി​ഗ്രി ചൂ​ട് രേ​ഖ​പ്പെ​ടു​ത്തി.

പോ​ർ​ച്ചു​ഗ​ൽ, ഇ​റ്റ​ലി, ക്രൊ​യേ​ഷ്യ, ഫ്രാ​ൻ​സ്, ഓ​സ്ട്രി​യ, ബെ​ൽ​ജി​യം, ബോ​സ്നി​യ ആ​ൻ​ഡ് ഹെ​ർ​സി​ഗോ​വി​ന, ഹം​ഗ​റി, സെ​ർ​ബി​യ, സ്ലൊ​വേ​നി​യ, സ്വി​റ്റ്സ​ർ​ല​ൻ​ഡ് എ​ന്നീ രാ​ജ്യ​ങ്ങ​ൾ ഉ​ഷ്ണ​ത​രം​ഗ​ത്തി​നെ​തി​രേ ജാ​ഗ്ര​ത പു​ല​ർ​ത്ത​ണ​മെ​ന്ന് ജ​ന​ങ്ങ​ളോ​ടു നി​ർ​ദേ​ശി​ച്ചി​രി​ക്കു​ക​യാ​ണ്.

സ്പെ​യി​നി​ലെ ബാ​ഴ്സ​ലോ​ണ ന​ഗ​ര​ത്തി​ൽ നി​ര​ത്തു​ക​ൾ തൂ​ത്തു വൃ​ത്തി​യാ​ക്കു​ന്ന ഒ​രു വ​നി​താ തൊ​ഴി​ലാ​ളി മ​രി​ച്ച​ത് ഉ​ഷ്ണ​ത​രം​ഗം മൂ​ല​മാ​ണോ എ​ന്ന് സ്ഥി​രീ​ക​രി​ക്കാ​ൻ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. ഇ​റ്റ​ലി​യി​ൽ ഒ​ട്ടേ​റെ​പ്പേ​ർ​ക്കു സൂ​ര്യാ​ഘാ​തം ഏ​റ്റെ​ന്നും ഇ​തി​ൽ ഭൂ​രി​ഭാ​ഗ​വും വ​യോ​ധി​ക​ർ, കാ​ൻ​സ​ർ രോ​ഗി​ക​ൾ, ഭ​വ​ന​ര​ഹി​ത​ർ എ​ന്നി​വ​രാ​ണെ​ന്നും അ​ധി​കൃ​ത​ർ പ​റ​ഞ്ഞു.

പോ​ർ​ച്ചു​ഗ​ൽ ത​ല​സ്ഥാ​ന​മാ​യ ലി​സ്ബ​ണി​ലും ജ​ന​ങ്ങ​ൾ​ക്കു സൂ​ര്യാ​ഘാ​തം ഏ​റ്റു​വെ​ന്നാ​ണു റി​പ്പോ​ർ​ട്ട്. സാ​ധാ​ര​ണ ത​ണു​പ്പു​നി​റ​ഞ്ഞ കാ​ലാ​വ​സ്ഥ​യു​ള്ള ബാ​ൾ​ക്ക​ൻ രാ​ജ്യ​ങ്ങ​ളി​ല​ട​ക്കം 40 ഡി​ഗ്രി സെ​ൽ​ഷ​സി​ന​ടു​ത്തേ​ക്കു താ​പ​നി​ല ഉ​ർ​ന്നി​ട്ടു​ണ്ട്.

ഗ്രീ​സി​ന്‍റെ അ​യ​ൽ​രാ​ജ്യ​മാ​യ നോ​ർ​ത്ത് മാ​സി​ഡോ​ണി​യ​യി​ൽ വെ​ള്ളി​യാ​ഴ്ച 42 ഡി​ഗ്രി ചൂ​ട് രേ​ഖ​പ്പെ​ടു​ത്തി. ല​ണ്ട​നി​ൽ ഈ​യാ​ഴ്ച 35 ഡി​ഗ്രി​യി​ലേ​ക്കു ചൂ​ട് ഉ​യ​രു​മെ​ന്നാ​ണു മു​ന്ന​റി​യി​പ്പ്.